સ્વચ્છ સર્વેક્ષણ 2024-25 એવોર્ડનુ થયુ એલાન, જુઓ કયા શહેરને કયો પરસ્કાર મળ્યો ?

swachh survekshan

Swachh Survekshan Awards  સ્વચ્છ સર્વેક્ષણ 2025 માં મધ્યપ્રદેશનું ઇન્દોર ફરી એકવાર સૌથી સ્વચ્છ શહેર તરીકે ઉભરી આવ્યું છે, પરંતુ ગુજરાતનું અમદાવાદ સૌથી સ્વચ્છ મોટા શહેરોમાં પ્રથમ ક્રમે રહ્યું છે. ગુરુવારે, નવી દિલ્હીમાં રાષ્ટ્રપતિ દ્રૌપદી મુર્મુની હાજરીમાં, ચાર શ્રેણીઓમાં 75 શહેરોને 74 એવોર્ડનું વિતરણ કરવામાં આવ્યું. દેશના સૌથી સ્વચ્છ શહેરોમાં ઇન્દોરને પ્રથમ ક્રમ આપવામાં આવ્યો છે, છત્તીસગઢનું અંબિકાપુર બીજા ક્રમે અને કર્ણાટકનું મૈસુર ત્રીજા ક્રમે આવ્યું છે. 10 લાખથી વધુ વસ્તી ધરાવતા શહેરોની શ્રેણીમાં ગુજરાતનું અમદાવાદ સૌથી સ્વચ્છ શહેર તરીકે ઉભરી આવ્યું છે. નોંધનીય છે કે કેન્દ્ર સરકારે 2036 ઓલિમ્પિક રમતો માટે અમદાવાદની પસંદગી કરી છે. એટલું જ નહીં, કેન્દ્ર સરકારે સત્તાવાર રીતે અમદાવાદ માટે દાવો કર્યો છે. ગુજરાતના વડોદરાને એકંદરે 18મો ક્રમ મળ્યો છે. ગયા વર્ષે શહેર 33મા ક્રમે હતું, જોકે આ પહેલા વડોદરા સ્વચ્છતામાં આઠમા ક્રમે પહોંચી ગયું છે.

ભારતના ત્રણ સૌથી સ્વચ્છ શહેર  

1.ઈન્દોર 

2.અંબિકાપુર

3.મૈસૂર 

મોટા શહેરોમાં સ્વચ્છ શહેર 

1. અમદાવાદ 

2. ભોપાલ 

3. લખનૌ 

\\\\

ઠોસ અપશિષ્ટ વ્યવસ્થાપનમાં શ્રેષ્ઠ રાજઘાની

1. ચંદીગઢ

75 શહેરોને સ્વચ્છતા એવોર્ડ 

સ્વચ્છતા સર્વેક્ષણ એવોર્ડમાં અગાઉના વર્ષોમાં ટૉપ થ્રીમાં રહેનારા શહેરોને સુપર સ્વચ્છ લીગ એવોર્ડથી સન્માનિત કરવામાં આવ્યા. તેમા ઈન્દોર અને સૂરતની સાથે નવી મુંબઈ જેવા શહેરોને એવોર્ડ આપવામાં આવ્યો. આ અવસર પર આવાસન અને શહેરી કાર્ય મંત્રી મનોહર લાલે કહ્યુ કે આજે અમે સ્વચ્છ ભારત મિશનના 11માં વર્ષમાં ઉભા છે. આ એવોર્ડ નુ 9 મુ એડિશન છે. તેમણે કહ્યુ કે 70 વર્ષમાં પહેલીવાર પ્રધાનમંત્રીના રૂપમા નરેન્દ્ર મોદીએ લાલ કિલ્લા પરથી સ્વચ્છતા અંગે જાગૃતતા લાવી હતી.  મનોહર લાલે કહ્યુ કે છેલ્લા 10 વર્ષની પરિવર્તનકારી યાત્રા નક્કી કરી છે. તેમણે કહ્યુ કે  તમામ શહેરોને ઓપન ટોયલેટથી મુક્ત ઓડીએફ ++ રૈંક મેળવી લીધી છે. તેમણે કહ્યુ કે આ ઉપલબ્ધિ રાષ્ટ્રપિતા મહાત્મા ગાંધીને સમર્પિત છે. કેન્દ્રીય મંત્રીએ કહ્યુ કે સ્વચ્છ સર્વેક્ષણ દુનિયાનુ સૌથી મોટુ અભિયાન છે. તેમણે જણાવ્યુ કે આ વખતે સર્વેક્ષણમાં 1.5 કરોડ લોકોએ પોતાના વિચાર જણાવ્યા.  

ઈવ વન-ક્લીન વન ની નવી શરૂઆત 

 કેન્દ્રીય મંત્રી મનોહર લાલે કહ્યું કે દરેક શહેર આગળ રહેવા માંગે છે. આ સારી વાત છે, પરંતુ હવે મંત્રાલય એક નવી પહેલ શરૂ કરી રહ્યું છે. આમાં, સારા રેન્કિંગ મેળવનારા શહેરોએ નીચા રેન્કિંગ મેળવનારા શહેરોને શિક્ષિત કરવા પડશે. તેમણે કહ્યું કે મંત્રાલય સ્વચ્છ શહેર ભાગીદારી નામની એક નવી પહેલ શરૂ કરી રહ્યું છે. આ 'દરેક એક ક્લીન વન' 'દરેક એક શીખવો એક' ની તર્જ પર છે. તેમણે કહ્યું કે હવે દેશ સ્વચ્છ ભારત સંપન્ન ભારત ના મંત્ર સાથે આગળ વધી રહ્યો છે. એવોર્ડ સમારંભમાં સુરતને ઘન કચરા વ્યવસ્થાપનમાં શ્રેષ્ઠ શહેરનો એવોર્ડ મળ્યો હતો, જ્યારે નવી મુંબઈને વધુ સારા નાગરિક પ્રતિસાદ માટે સન્માનિત કરવામાં આવ્યું હતું. ગુજરાતના આરોગ્ય મંત્રી ઋષિકેશ પટેલે અમદાવાદને મોટા શહેરોમાં સૌથી સ્વચ્છ શહેર તરીકે પસંદ કરવા બદલ ખુશી વ્યક્ત કરી છે. સ્વચ્છ સર્વે 2024-2025 માં ગુજરાતના ત્રણ શહેરો ચમક્યા છે. તેમાં અમદાવાદ, સુરત અને ગાંધીનગરનો સમાવેશ થાય છે.