ટીમ ઈન્ડિયાને લાગ્યો મોટો ઝટકો: શુભમન ગિલ ઈજાગ્રસ્ત, વોર્મ-અપ મેચમાં કે.એલ. રાહુલ કરશે કપ્તાની

શ્રીલંકા સામેની બે મેચની ટેસ્ટ શ્રેણી પહેલા ટીમ ઈન્ડિયા આજથી (7 ઓગસ્ટ) શ્રીલંકા ઈલેવન સામે વોર્મ-અપ મેચ રમી રહી છે. જોકે, આ મેચ શરૂ થાય તે પહેલા જ ભારતીય ટીમને મોટો ઝટકો લાગ્યો છે. ટીમના નિયમિત કેપ્ટન શુભમન ગિલ ઈજાના કારણે આજે મેદાનમાં ઉતરી શક્યા નથી, જેથી તેમની ગેરહાજરીમાં કે.એલ. રાહુલે ટીમનું નેતૃત્વ સંભાળ્યું છે.

બીસીસીઆઈ શુભમન ગિલની ઈજા અંગે આપી અપડેટ 

શુભમન ગિલની ઈજા અંગે અપડેટ આપતા બીસીસીઆઈએ જણાવ્યું કે, ગુરુવારે પ્રેક્ટિસ સેશન દરમિયાન તેમની જમણી હાથની અનામિકા (રિંગ ફિંગર) માં ઈજા થઈ હતી. સાવચેતીના ભાગરૂપે તેમને વોર્મ-અપ મેચના પહેલા દિવસે આરામ આપવામાં આવ્યો છે. હાલ બીસીસીઆઈની મેડિકલ ટીમ તેમની ઈજા પર સતત નજર રાખી રહી છે અને મેચના બીજા દિવસે તેઓ મેદાનમાં ઉતરશે કે નહીં તે અંગે બાદમાં નિર્ણય લેવાશે.

Update: Captain Shubman Gill sustained an impact injury to his right ring finger during India's practice on Thursday. As a precautionary measure, he will not take the field on Day 1 of the warm-up game against SLC XI. The BCCI Medical Team is monitoring his progress.

KL Rahul… https://t.co/Mzu2yW4OgX

— BCCI (@BCCI) August 7, 2026

ઈજાગ્રસ્ત ખેલાડીઓની સંખ્યા વધતા ટીમ ઈંડિયાની ચિંતા વધી 

શ્રીલંકા પ્રવાસની શરૂઆત પહેલા જ ઈજાગ્રસ્ત ખેલાડીઓની યાદી વધતા ટીમ ઈન્ડિયાની ચિંતામાં વધારો થયો છે. સ્ટાર ફાસ્ટ બોલર જસપ્રીત બુમરાહ ઈજાના કારણે ટેસ્ટ શ્રેણીમાંથી બહાર થઈ ચૂક્યા છે, જેથી હવે ફાસ્ટ બોલિંગ આક્રમણની મુખ્ય જવાબદારી મોહમ્મદ સિરાજ પર રહેશે. આ સિવાય હર્ષિત રાણા, નીતિશ કુમાર રેડ્ડી અને વોશિંગ્ટન સુંદર પણ ઈજાના કારણે આખી શ્રેણીમાંથી બહાર થઈ ગયા છે, જ્યારે સાઈ સુદર્શન બેંગલુરુમાં રિહેબિલિટેશનમાંથી પસાર થઈ રહ્યા છે. ભારત અને શ્રીલંકા વચ્ચે શ્રેણીની પહેલી ટેસ્ટ મેચ 15 ઓગસ્ટથી ગાલે ખાતે રમાશે.

વોર્મ-અપ મેચ માટે ભારત અને શ્રીલંકા XI ટીમ

શ્રીલંકા ઈલેવન: નિશાન મદુષ્કા, પસિંદુ સૂરિયાબંદરા, પવન રથનાયકે, અહાન વિક્રમસિંઘે, સોનલ દીનુશા (કેપ્ટન), અંજલા બંદારા (વિકેટકીપર), નિપુના દાનંજયા, લાહિરુ કુમારા, વિશ્વા ફર્નાન્ડો, અસંકા મનોજ, ઈસિથા વિજેસુન્દરા, નુસુન્દરા, રામેશ સુન્દીરા, નુસુન્દરા, નુસુંદર. રવિન્દુ રસંથા.

ભારત: શુભમન ગિલ, યશસ્વી જયસ્વાલ, સાઈ સુદર્શન, દેવદત્ત પડિકલ, કેએલ રાહુલ (કેપ્ટન), ઋષભ પંત (વિકેટકીપર), રવીન્દ્ર જાડેજા, ધ્રુવ જુરેલ, માનવ સુથાર, સરંશ જૈન, કુલદીપ યાદવ, મોહમ્મદ સિરાજ, પ્રસિદ્ધ ક્રિષ્ના, આકીબ નૈરવ, બ્રહ્મ બ્રાહ્મણ.