Mumbai Rain LIVE: મહારાષ્ટ્રના અનેક વિસ્તારોમાં ભારે વરસાદ, મુંબઈમાં પાણી ભરાયા, રેલ વ્યવહાર ખોરવાયો

mumbai rain

મહારાષ્ટ્રમાં ચોમાસાની અસર દેખાવા લાગી છે. ગઈકાલે રાતથી મુંબઈમાં ભારે વરસાદ પડી રહ્યો છે. મુંબઈના પશ્ચિમી ઉપનગરોમાં 190 મીમી વરસાદ થયો છે. ભારતીય હવામાન વિભાગ (IMD) ના મુંબઈ સ્થિત પ્રાદેશિક કેન્દ્રે બુધવારે વહેલી સવારે મુંબઈ અને પાલઘર માટે રેડ એલર્ટ જાહેર કર્યું છે. મુંબઈ અને તેની આસપાસના વિસ્તારોમાં ગાજવીજ અને વીજળીના ચમકારા સાથે ભારે વરસાદની ચેતવણી જારી કરવામાં આવી છે.

मुंबई मैं जोरदार बरसात

सांताक्रुज वेस्टर्न एस्प्रेस हाईवे पर बरसात के कारण पानी भरना शुरू pic.twitter.com/DmSBB1rVlY

— Jayprrakash Singh (@jayprakashindia) June 23, 2026

મહારાષ્ટ્રના વિવિધ ભાગોમાં વરસાદ પડી રહ્યો છે. ભારે વરસાદને કારણે મુંબઈ જામ થઈ ગયું છે. અનેક નીચાણવાળા વિસ્તારોમાં પાણી ભરાઈ ગયા છે. જેમાં હિંદમાતા, માટુંગા, કુર્લા અંધેરીના વિસ્તારોનો સમાવેશ થાય છે.

A tree has fallen on a car near the Dadar station area in Mumbai amid heavy rain, no injuries were reported. Efforts to clear the way are underway. https://t.co/qMy6y1D8Rq pic.twitter.com/wqy5OpDRkx

— Vani Mehrotra (@vani_mehrotra) June 24, 2026

સાથે જ  આજે જારી કરવામાં આવેલી ચેતવણીમાં કહેવામાં આવ્યું છે કે મહારાષ્ટ્રના ઘણા જિલ્લાઓમાં વીજળી, ગાજવીજ અને ભારે વરસાદની પ્રબળ સંભાવના છે. મુંબઈ સ્થિત ભારતીય હવામાન વિભાગ (IMD) એ જણાવ્યું કે 40-60 કિલોમીટર પ્રતિ કલાકની ઝડપે ભારે પવન ફૂંકાઈ શકે છે.

આગામી ત્રણ કલાકમાં ભારે વરસાદની સંભાવના

ભારતીય હવામાન વિભાગ (IMD) એ બુધવારે સવારે 10 વાગ્યે જારી કરેલા બુલેટિનમાં જણાવ્યું હતું કે મુંબઈ અને થાણે જિલ્લામાં આગામી 3 કલાક માટે ઓરેન્જ એલર્ટ જારી કરવામાં આવ્યું છે. વિભાગના જણાવ્યા અનુસાર આ વિસ્તારોમાં અલગ-અલગ જગ્યાએ ભારે વરસાદની સંભાવના છે. હવામાન વિભાગે લોકોને એલર્ટ રહેવા, જરૂરી સાવચેતી રાખવા અને ખરાબ હવામાન દરમિયાન બિનજરૂરી બહાર નીકળવાનું ટાળવાની સલાહ આપી છે. આ ચેતવણી આગામી ત્રણ કલાક સુધી અમલમાં રહેશે.

રેલ્વે વાહનવ્યવહાર સદંતર બંધ

ટ્રાન્સ હાર્બર રેલ રૂટ પર રેલ વ્યવહાર સંપૂર્ણ રીતે ઠપ થઈ ગયો છે. કોપરખૈરણે અને તુર્ભે સ્ટેશનો વચ્ચેના પાટા નીચે માટી ધોવાઈ જવાને કારણે બંને દિશામાં ટ્રેન સેવાઓ સંપૂર્ણપણે બંધ થઈ ગઈ છે. ભારે વરસાદને કારણે પાટા નીચેનો ભાગ ક્ષતિગ્રસ્ત થયો છે, જેના કારણે આ રૂટ પર ટ્રેનોનું સંચાલન બંધ કરી દેવામાં આવ્યું છે. સુરક્ષાને ધ્યાનમાં રાખીને રેલ્વે પ્રશાસને આ માર્ગ પરનો વાહનવ્યવહાર સંપૂર્ણપણે બંધ કરી દીધો છે. મુસાફરોને વૈકલ્પિક વ્યવસ્થાનો ઉપયોગ કરવાની સલાહ આપવામાં આવી છે

મુંબઈમાં ચોમાસું 13 દિવસ મોડું પહોંચ્યું 

Video from the Bandra Reclamation, as heavy rain lashes Mumbai. #MumbaiRain https://t.co/GcshQ9NenX pic.twitter.com/QvlwDDIBvH

— Vani Mehrotra (@vani_mehrotra) June 24, 2026

દક્ષિણ-પશ્ચિમ ચોમાસું આખરે મંગળવારે મુંબઈમાં આવી ગયું છે. જે સામાન્ય તારીખ કરતા 13 દિવસ મોડા આવ્યા છે. જેના કારણે કાળઝાળ ગરમીમાંથી રાહત મળી છે. મુંબઈમાં ચોમાસાની સામાન્ય શરૂઆતની તારીખ 10 જૂન છે. 2023 માં, ચોમાસું તેના કરતાં પણ પાછળથી એટલે કે 25મી જૂને આવ્યું હતું.

ભારે વરસાદના કારણે એક મકાનની દિવાલ ધરાશાયી 

મુંબઈના વિક્રોલી વેસ્ટમાં ગઈકાલે રાત્રે એક રહેણાંક ઈમારતની નજીકની રિટેઈનિંગ વોલ ધરાશાયી થઈ હતી. આખા રસ્તા પર કાટમાળ વેરવિખેર થઈ ગયો હતો. આ અકસ્માતમાં કોઈનું મોત થયું છે કે કેમ તે અંગે પ્રાથમિક માહિતી હજુ મળી નથી. પોલીસ અને રાહત અને બચાવ ટીમ ઘટના સ્થળે પહોંચી ગઈ છે.