કેંસર પીડિતને બીજેપી કાર્યકર્તાએ આપ્યુ બિસ્કિટ, ફોટો ખેંચતા જ પાછુ લઈ લીધુ, જુઓ VIDEO

rajasthan news

 રાજઘાનીના આરયૂએચએસ (RUHS) હોસ્પિટલમાં આયોજીત સેવા પખવાડા કાર્યક્રમ એક વિવાદોના ઘેરામાં છે. બીજેપીની એક મહિલા કાર્યકર્તાનો વીડિયો સોશિયલ મીડિયા પર ઝડપથી વાયરલ  થઈ રહ્યો છે જેમા તે કેંસર વોર્ડના એક દર્દીને બિસ્કિટના પેકેટ આપવાના થોડા સમય પછી તે પરત લેતી જોવા મળી રહી છે.  લગભગ 20 સેકંડનો આ વીડિયો વાયરલ થતા જ ચર્ચાનો વિષય બન્યો છે. સોશિયલ મીડિયા પર તેના પર લોકો ખૂબ કમેંટ્સ કરી રહ્યા છે.  વાયરલ વીડિયોમાં શું છે?

આ ઘટના 23 સપ્ટેમ્બરના રોજ સાંગાનેર વિધાનસભા મતવિસ્તારના શ્યોપુર વિભાગ દ્વારા વોર્ડ નંબર 103 માં આયોજિત "સેવા પખવાડા" અભિયાન દરમિયાન બની હતી. સ્થાનિક ભાજપના નેતાઓ અને કાર્યકરોએ કેન્સર વોર્ડમાં ફળો અને બિસ્કિટનું વિતરણ કર્યું હતું.

જયપુરની એક હોસ્પિટલે "સેવા પખવાડા" અભિયાનનું આયોજન કર્યું હતું, જેમાં દર્દીઓને ફળો અને બિસ્કિટનું વિતરણ કરવામાં આવ્યું હતું. આ દરમિયાન, એક મહિલા ભાજપ કાર્યકર્તાએ એક દર્દીને 10 રૂપિયાનું બિસ્કિટ આપ્યું, ફોટો માટે પોઝ આપ્યા પછી બિસ્કિટ પાછું લઈ લીધું.

इसका वीडियो अब सोशल मीडिया पर वायरल हो रहा है.#ViralVideo | #Jaipur pic.twitter.com/zhAQ5PTicu

— NDTV India (@ndtvindia) October 4, 2025

વાયરલ થયેલા વીડિયોમાં, એક મહિલા કાર્યકર દર્દીના પલંગ પાસે ઉભી છે અને તેને બિસ્કિટનું પેકેટ આપે છે, પરંતુ બીજી જ ક્ષણે દર્દીના હાથમાંથી તે પેકેટ પાછું ખેંચી લે છે. ફૂટેજ વાયરલ થતાં, ભાજપ દ્વારા આપવામાં આવતી આ "સેવા" પર પ્રશ્નો ઉભા થવા લાગ્યા.

આયોજકો કહે છે કે આ વીડિયો ખોટા સંદર્ભમાં ફેલાવવામાં આવ્યો હતો.

વધતા વિવાદને જોતા, કાર્યક્રમના આયોજકોએ સ્પષ્ટતા જારી કરી છે, જેમાં આરોપ લગાવવામાં આવ્યો છે કે આ વીડિયો ખોટા સંદર્ભમાં ફેલાવવામાં આવ્યો છે. શ્યોપુર મંડળના પ્રમુખ ગોપાલ સૈનીએ સમગ્ર ઘટનાને કોંગ્રેસના સહયોગીઓ દ્વારા રચવામાં આવેલ કાવતરું ગણાવ્યું છે. તેમણે દાવો કર્યો હતો કે દર્દી પાસે પહેલાથી જ બિસ્કિટનું પેકેટ હતું, તેથી તેમણે બીજું પેકેટ સ્વીકારવાનો ઇનકાર કર્યો હતો. સૈનીના મતે, વીડિયોનો ફક્ત તે ભાગ વાયરલ થયો છે જ્યાં પેકેટ પાછા લેવામાં આવ્યા હતા, જોકે વિતરણ યોગ્ય રીતે કરવામાં આવ્યું હતું.