Gujarat rain alert - હવામાન વિભાગ દ્વારા આગામી પાંચ દિવસ રાજ્યભરમાં ભારે વરસાદની આગાહી

હવામાન વિભાગ દ્વારા પાંચ દિવસ ગુજરાતના ઘણા વિસ્તારોમાં ગાજવીજ સાથે ભારે વરસાદની આગાહી કરવામાં આવી છે. હાલમાં ત્રણ સિસ્ટમ સક્રિય થવાને કારણે રાજ્યભરમાં ભારે વરસાદની આગાહી કરવામાં આવી છે. નવસારી તથા ઉપરવાસમાં પડેલા ભારે વરસાદને પગલે શહેરમાં પૂરની સ્થિતિ સર્જાઈ છે. શહેરમાં પૂરની સ્થિતિને જોતા નવસારી શહેરી વિસ્તારની શાળાઓ અને આંગણવાડીઓમાં રજા જાહેર કરાઈ છે. જ્યારે કચ્છના નખત્રાણામાં રાતના 2થી સવાર સુધીમાં 5 ઈંચ વરસાદ ખાબક્યો છે.
<

Heavy rain Lash Kutch District!

Western Kutch witnessed intense overnight rainfall.

Bhuj recorded 127mm (5 inches) and Nakhatrana 112 mm (4 inche of rain.

Rain activity has now extended into Eastern #Kutch as well.#GujaratRains #KutchRain

(N-1) pic.twitter.com/qveLCbHNuL

— Weatherman Uttam (@WesternIndiaWX) July 7, 2025 >

રાજ્યમાં ચોમાસુ સક્રિય બનતાં વરસાદી માહોલ સર્જાયો છે. છેલ્લા 24 કલાક દરમિયાન કુલ 203 તાલુકામાં વરસાદ નોંધાયો છે. સૌથી વધુ વરસાદ ડોલવણમાં થયો છે, જ્યાં 6.18 ઇંચ જેટલો વરસાદ પડ્યો છે. સુબિરમાં 5.2 ઇંચ, બારડોલી ખાતે 4.92 ઇંચ અને પલસાણામાં 4.45 ઇંચ વરસાદ નોંધાયો છે.

વરસાદ સારો આવતો ખેડૂતોમાં ખુશીની લહેર છવાયેલી છે. 8 જુલાઈએ ખાસ કરીને સૌરાષ્ટ્ર અને કચ્છના વિસ્તારોમાં ગાજવીજ સાથે હળવાથી મધ્યમ વરસાદ વરસવાની શક્યતા છે, જ્યારે રાજ્યના બાકીના વિસ્તારોમાં સામાન્ય વરસાદ પડશે.