Vaibhav Suryavanshi: ''પેઢીનો સૌથી શ્રેષ્ઠ ખેલાડી બની શકે છે', વૈભવ સૂર્યવંશી અંગે સિકંદર રઝાએ BCCI ને આપ્યો મોટો સંદેશ

Vaibhav Suryavanshi, IND vs ZIM T20I: ભારતના યુવા બેટ્સમેન વૈભવ સૂર્યવંશીનો ઈગ્લેંડ પ્રવાસ આશાઓ મુજબ નહોતો રહ્યો. 15 વર્ષીય બેટ્સમેન ત્રણ ટી20 આંતરરાષ્ટ્રીય હરીફાઈમા 14, 13 અને 15 રન જ બનાવી શક્યો. જ્યારે કે ભારતને આ સીરિઝમા 0-4 થી હારનો સામનો કરવો પડ્યો. તેઓ બે વાર જોફ્રા આર્ચરની શોર્ટ બોલનો શિકાર થયા.  જોકે, ઝિમ્બાબ્વેના કેપ્ટન સિકંદર રઝા માને છે કે આટલી નાની ઉંમરે કોઈ ખેલાડી વિશે કંઈ કહેવુ થોડુ જલ્દી ગણાશે. જીઓસ્ટાર સાથે વાત કરતા, રઝાએ કહ્યું કે વૈભવમાં અસાધારણ પ્રતિભા છે અને યોગ્ય વાતાવરણ અને માર્ગદર્શન આપવામાં આવે તો તે ભવિષ્યમાં ક્રિકેટની દુનિયાના મહાન ખેલાડીઓમાંથી એક બની શકે છે.

તેમણે કહ્યું, "15  વર્ષની ઉંમરે આંતરરાષ્ટ્રીય ક્રિકેટ રમવું એ એક મોટી સિદ્ધિ છે. ફક્ત બે કે ત્રણ મેચના આધારે ખેલાડીનું મૂલ્યાંકન કરવું અન્યાય છે. વૈભવ પાસે તેની આસપાસ અનુભવી ખેલાડીઓ છે, અને જો તે યોગ્ય રીતે વિકસિત થાય, તો તે તેની પેઢીના શ્રેષ્ઠ ખેલાડીઓમાંનો એક બની શકે છે."

હરારેમા કમબેક જ્યા રમી હતી યાદગાર ઈનિગ્સ  

વૈભવ હવે હરારે પાછા ફરશે, જ્યાં તેનો શાનદાર રેકોર્ડ છે. આ જ મેદાન પર તેણે જાન્યુઆરીમાં ઇંગ્લેન્ડ સામે ૮૦ બોલમાં વિસ્ફોટક ૧૭૫ રન બનાવીને ભારતને અંડર-૧૯ વર્લ્ડ કપ ફાઇનલમાં પહોંચાડ્યું હતું. સંજુ સેમસનની ગેરહાજરીમાં, એવી અપેક્ષા રાખવામાં આવે છે કે વૈભવને ઝિમ્બાબ્વે સામેની T20 શ્રેણીમાં ટોચના ક્રમમાં સતત તકો મળશે.

રઝાએ કહ્યું, "છેલ્લા એક વર્ષમાં, વૈભવે ભારત અંડર-૧૯ માટે શાનદાર પ્રદર્શન કર્યું છે. આટલી નાની ઉંમરે આંતરરાષ્ટ્રીય ક્રિકેટમાં પ્રવેશ કરવો એ કોઈ સામાન્ય સિદ્ધિ નથી. આજકાલ આવી વાર્તાઓ દુર્લભ છે. તે એક ખાસ ખેલાડી છે અને તેની કારકિર્દીને કેવી રીતે આગળ વધારવામાં આવે છે તે ખૂબ જ મહત્વપૂર્ણ રહેશે."

શ્રેણી પર રઝાનું મોટું નિવેદન

રઝાએ એવું માનવાનો ઇનકાર કર્યો કે ભારત આ શ્રેણીમાં એકતરફી ફેવરિટ છે. તેમણે કહ્યું કે બંને ટીમો પાસે જીતવાની સમાન તક છે અને મેચ ખૂબ જ રોમાંચક રહેશે. તેમણે સ્ટાર સ્પોર્ટ્સને કહ્યું, "ઝિમ્બાબ્વે સતત વધુ સારું ક્રિકેટ રમી રહ્યું છે. મને વિશ્વાસ છે કે આ શ્રેણી નજીકની સ્પર્ધા હશે."

ઝિમ્બાબ્વેએ તાજેતરના મહિનાઓમાં ઘણી મજબૂત ટીમોને પડકાર ફેંક્યો છે. ફેબ્રુઆરીમાં, તેઓએ T20 વર્લ્ડ કપમાં ઓસ્ટ્રેલિયાને 23 રનથી હરાવીને મોટો અપસેટ સર્જ્યો હતો, જેના કારણે ઓસ્ટ્રેલિયા ગ્રુપ સ્ટેજમાંથી બહાર થઈ ગયું હતું. ટીમે આ વર્ષે શ્રીલંકા અને બાંગ્લાદેશ સામે પણ જીત મેળવી છે.

136 T20 આંતરરાષ્ટ્રીય મેચ રમી ચૂકેલા રઝાએ કહ્યું, "બંને ટીમો પાસે શ્રેણી જીતવાની સમાન તકો છે. ભારત આક્રમક ક્રિકેટ રમે છે, અને જો તેમના બેટ્સમેન ફોર્મમાં આવે છે, તો મેચ એક ક્ષણમાં બદલાઈ શકે છે. પરંતુ આ આક્રમક અભિગમ પણ જોખમો ધરાવે છે. જો શરૂઆત નબળી હોય અને મોટો સ્કોર ન બને, તો વિરોધી ટીમ પાસે મેચમાં વાપસી કરવાની તક છે."

તેમણે એમ પણ કહ્યું કે ભારતીય ક્રિકેટ હાલમાં પરિવર્તનના તબક્કામાંથી પસાર થઈ રહ્યું છે, અને ઝિમ્બાબ્વે ટીમ પણ નવા ખેલાડીઓ સાથે પ્રગતિ કરી રહી છે. તેથી, કોઈપણ ટીમને હળવાશથી ન લઈ શકાય.

ભારત-ઝિમ્બાબ્વે ક્રિકેટ સંબંધોની પ્રશંસા

રઝાએ બંને દેશો વચ્ચેના ક્રિકેટ સંબંધોની પણ પ્રશંસા કરી. તેમણે કહ્યું કે ભારત હંમેશા ઝિમ્બાબ્વે ક્રિકેટનો સારો ભાગીદાર રહ્યો છે, અને વર્તમાન વિશ્વ ચેમ્પિયન સામે રમવું ઝિમ્બાબ્વેના ખેલાડીઓના વિકાસ માટે મહત્વપૂર્ણ છે. ભારત અને ઝિમ્બાબ્વે વચ્ચેની T20 શ્રેણીની બીજી અને ત્રીજી મેચ 25 અને 26 જુલાઈના રોજ હરારેમાં રમાશે.