IRCTC : તત્કાલ બુકિંગ પહેલા IRCTCની વેબસાઈટ ડાઉન, ટિકિટ બુક ન થવાથી યુઝર્સ પરેશાન.

IRCTC DOWN - તત્કાલ બુકિંગ પહેલા, IRCTC વેબસાઇટ ડાઉન છે. વેબસાઈટ ખોલવા પર એક મેસેજ આવી રહ્યો છે, જેમાં લખવામાં આવ્યું છે કે મેઈન્ટેનન્સના કારણે વેબસાઈટ બંધ છે. જો કે, આશ્ચર્યની વાત એ છે કે તત્કાલ ટિકિટ બુકિંગ 11 વાગ્યે શરૂ થાય છે, તેથી થોડીવાર પહેલા વેબસાઇટનું શું થયું કે વેબસાઇટને ડાઉન થવાની જરૂર પડી. જોકે વેબસાઈટ થોડા સમય બાદ શરૂ થઈ ગઈ છે, પરંતુ લોગઈન કરવામાં સમસ્યા છે.

હજુ સુધી એ સ્પષ્ટ નથી થયું કે વેબસાઈટ પર સમસ્યા શા માટે આવી? આ અંગે હજુ સુધી કોઈ સત્તાવાર નિવેદન બહાર પાડવામાં આવ્યું નથી. વેબસાઇટ સવારે 10.20 વાગ્યાની આસપાસ અનુપલબ્ધ બની હતી અને પછી 10  વાગીને 40 મિનિટની આસપાસ લાઇવ થઈ ગઈ હતી પરંતુ આ પછી પણ લોગ ઇન કરવામાં સમસ્યા હતી.