સોનાની ખાણમાં મોટો અકસ્માત: પહાડ ધસી પડતાં ૩૦થી વધુ ખનિકોના મોત, બચાવ કામગીરી પુરજોશમાં

Gold Mine Collapse

સેન્ટ્રલ આફ્રિકન રિપબ્લિકમાં મંગળવાર, 18 ઓગસ્ટના રોજ સોનાની ખાણ તૂટી પડી હતી. આ અકસ્માતમાં ઓછામાં ઓછા 30 ખાણિયાઓનું દુઃખદ મૃત્યુ થયું હતું, જ્યારે અન્ય ઘણા કામદારો હજુ પણ ખાણની અંદર ફસાયેલા છે. સમાચાર એજન્સી એપીના રિપોર્ટ અનુસાર અધિકારીઓ અને સ્થાનિક લોકોએ આ જાણકારી આપી. બચી ગયેલા ખાણિયાઓમાંના એક ફ્લોરિયન ગાગુએન્ડેએ જણાવ્યું હતું કે નાના-મામ્બેરે પ્રાંતના અબા વિસ્તારમાં મંગળવારે સવારે આ નાની અને જૂના જમાનાની ખાણ તૂટી પડી હતી. તેમણે જણાવ્યું હતું કે બચાવ કાર્યકરો અંદર ફસાયેલા અન્ય ખાણિયાઓને શોધી રહ્યા હતા, પરંતુ તેમને જીવિત શોધવાની આશા "હવે ઓછી થઈ રહી છે."

Dozens of miners were killed after a gold mine collapsed Tuesday in Zamboye, a border village between Cameroon and the Central African Republic. More than 100 others are feared trapped underground as rescue efforts continue. Authorities have yet to confirm the official death toll pic.twitter.com/0oopgwZlRN

— African News feed. (@africansinnews) August 19, 2026

આ વિસ્તારના ડેપ્યુટી મેયર સુલેમાન બીએ જણાવ્યું કે ઘણા કલાકોની મહેનત બાદ બચાવકર્મીઓ અને સ્થાનિક લોકોએ ધરાશાયી થયેલી ખાણમાંથી 30 મૃતદેહોને બહાર કાઢ્યા. ઇજાગ્રસ્ત ખાણિયાઓને સારવાર આપવામાં આવી રહી છે. સુલેમાન બીએ કહ્યું, "તે ખૂબ જ ભયાનક છે. અમે સંસ્થાઓ અને તમામ મદદ કરનારા લોકોની મદદ માટે અપીલ કરી રહ્યા છીએ, જેથી તે લોકોને ખાડામાંથી બહાર કાઢી શકાય જેઓ જાતે બહાર નથી આવી શકતા."

ઘટના સ્થળનો હોવાનો એક વીડિયો પણ સામે આવ્યો છે, જેમાં બચાવ કામગીરી દરમિયાન અરાજકતા દેખાઈ રહી છે. જેમાં મોટાભાગના યુવક-યુવતીઓ સંપૂર્ણપણે માટીથી ઢંકાયેલા જોવા મળે છે. તેઓ ખાણના ખાડામાંથી મૃતદેહને બહાર કાઢતા જોવા મળે છે. ખાણોમાં કામ કરતા અન્ય ડઝનેક લોકો પણ નજીકમાં હાજર છે અને કેટલાક લોકો મદદ માટે બૂમો પાડી રહ્યા છે.

આ નોર્મલ છે 

મધ્ય આફ્રિકન ગણરાજ્યમાં આવી નાની, સ્થાનિક રીતે સંચાલિત સોનાની ખાણો તૂટી પડવાની ઘટનાઓ સામાન્ય છે. હજારો લોકો આ નાની ખાણોમાં સોનું અને અન્ય સામગ્રી કાઢવા માટે કામ કરે છે. આ કામ અત્યંત જોખમી છે, કારણ કે ખાણિયાઓમાં ઘણીવાર પૂરતા સલામતી સાધનોનો અભાવ હોય છે. પરિણામે, અહીં અકસ્માતો ઘણીવાર જીવલેણ સાબિત થાય છે.