PBKS vs RR: પંજાબને મળી સીઝનની પહેલી હાર, રાજસ્થાને શાનદાર અંદાજમાં જીત્યો મુકાબલો
PBKS vs RR: ઇન્ડિયન પ્રીમિયર લીગ (IPL 2026) માં 28 એપ્રિલના રોજ પંજાબ કિંગ્સ અને રાજસ્થાન રોયલ્સ એકબીજા સામે ટકરાયા હતા. આ મેચ મુલ્લાનપુરના મહારાજા યાદવિન્દ્ર સિંહ ઇન્ટરનેશનલ ક્રિકેટ સ્ટેડિયમ ખાતે રમાઈ હતી. આ મેચમાં રાજસ્થાન રોયલ્સે ટોસ જીતીને પ્રથમ બોલિંગ કરવાનો નિર્ણય લીધો હતો. પ્રથમ બેટિંગ કરતા પંજાબ કિંગ્સે 4 વિકેટ ગુમાવીને 222 રનનો વિશાળ સ્કોર બનાવ્યો હતો. પંજાબ તરફથી પ્રભસિમરન સિંહ અને માર્કસ સ્ટોઇનિસે વિસ્ફોટક અડધી સદી ફટકારી હતી. પ્રભસિમરને 59 રનની ઇનિંગ રમી હતી. બીજી તરફ, સ્ટોઇનિસે 22 બોલમાં 62 રનની ઇનિંગ રમી હતી અને અણનમ રહ્યો હતો.
પંજાબ કિંગ્સના વિશાળ સ્કોરના જવાબમાં, રાજસ્થાને 19.2 ઓવરમાં 4 વિકેટ ગુમાવીને 223 રનનો લક્ષ્યાંક હાંસલ કર્યો. રાજસ્થાન તરફથી ઓપનર યશસ્વી જયસ્વાલે શાનદાર અડધી સદી ફટકારી, જ્યારે વૈભવ સૂર્યવંશીએ 43 રનની તોફાની ઇનિંગ રમી. અંતે, ડોનાવન ફરેરાએ 26 બોલમાં 52 રનની ઝડપી ઇનિંગ રમી અને પંજાબને હરાવવામાં સફળ રહ્યો. રાજસ્થાન આઈપીએલ 2026માં પંજાબ કિંગ્સને હરાવનાર પ્રથમ ટીમ બની.
