GT vs RCB: ગુજરાત ટાઇટન્સે રોયલ ચેલેન્જર્સ ને 4 વિકેટે હરાવ્યુ, ગિલ-બટલરે નિભાવી મહત્વપૂર્ણ ભૂમિકા
GT vs RCB: ઇન્ડિયન પ્રીમિયર લીગની 19મી સીઝનની 42 મી લીગ મેચ અમદાવાદના નરેન્દ્ર મોદી સ્ટેડિયમ ખાતે ગુજરાત ટાઇટન્સ અને રોયલ ચેલેન્જર્સ બેંગ્લોર વચ્ચે રમાઈ હતી. ગુજરાત ટાઇટન્સે આ મેચ ચાર વિકેટથી જીતી હતી. ગુજરાત ટાઇટન્સનો કેપ્ટન શુભમન ગિલે ટોસ જીતીને પ્રથમ બોલિંગ કરવાનો નિર્ણય લીધો હતો. પ્રથમ બેટિંગ કરતા, આરસીબી ૧૯.૨ ઓવરમાં ૧૫૫ રનમાં ઓલઆઉટ થઈ ગયું હતું. આરસીબી તરફથી દેવદત્ત પડિકલે સૌથી વધુ ૪૦ રન બનાવ્યા હતા, જ્યારે વિરાટ કોહલીએ પણ ૨૮ રન બનાવ્યા હતા. ગુજરાત ટાઇટન્સ તરફથી ૨૮ વર્ષીય અરશદ ખાન બોલરોમાં સૌથી સફળ રહ્યો હતો, તેણે ત્રણ વિકેટ લીધી હતી. જેસન હોલ્ડર અને રાશિદ ખાને બે-બે વિકેટ લીધી હતી, જ્યારે મોહમ્મદ સિરાજ અને કાગીસો રબાડાએ એક-એક વિકેટ લીધી હતી.
લક્ષ્યનો પીછો કરવા ઉતરેલી ગુજરાત ટાઇટન્સે શુભમન ગિલ અને સાઈ સુદર્શનની ઓપનિંગ જોડી સાથે ઝડપી શરૂઆત કરી, જેમાં પ્રથમ વિકેટ માટે 42 રનની ભાગીદારી થઈ. સુદર્શન 6 રન બનાવીને આઉટ થયો અને ત્યારબાદ શુભમન ગિલે પણ 43 રન બનાવીને પોતાની વિકેટ ગુમાવી દીધી. ત્યારબાદ જોસ બટલરે 19 બોલમાં 39 રન બનાવીને ટીમનો વિજય સુનિશ્ચિત કર્યો. ગુજરાત ટાઇટન્સે 111 રન પર પાંચ વિકેટ ગુમાવી દીધી હતી. ત્યારબાદ રાહુલ તેવતિયા અને જેસન હોલ્ડરે છઠ્ઠી વિકેટ માટે 36 રનની ભાગીદારી કરીને ટીમનો વિજય સુનિશ્ચિત કર્યો. હોલ્ડરે 12 રન બનાવ્યા, જ્યારે રાહુલ તેવતિયાએ અણનમ 27 રન બનાવીને જીટીને વિજય અપાવ્યો. આરસીબી તરફથી ભુવનેશ્વર કુમારે ત્રણ વિકેટ લીધી, જ્યારે રોમારિયો શેફર્ડે બે અને સુયશ શર્માએ એક વિકેટ લીધી.
આ મેચ માટે બંને ટીમોના પ્લેઇંગ 11 પર એક નજર
રોયલ ચેલેન્જર્સ બેંગ્લોર - વિરાટ કોહલી, જેકબ બેથેલ, દેવદત્ત પડિકલ, રજત પાટીદાર (કેપ્ટન), જીતેશ શર્મા (વિકેટકીપર), ટિમ ડેવિડ, રોમારીયો શેફર્ડ, કૃણાલ પંડ્યા, ભુવનેશ્વર કુમાર, સુયશ શર્મા, જોશ હેઝલવુડ.
ગુજરાત ટાઇટન્સ - શુભમન ગિલ (કેપ્ટન), સાઇ સુદર્શન, જોસ બટલર (વિકેટકીપર), જેસન હોલ્ડર, શાહરૂખ ખાન, વોશિંગ્ટન સુંદર, અરશદ ખાન, રાશિદ ખાન, કાગીસો રબાડા, મોહમ્મદ સિરાજ, માનવ સુથાર.
આ મેચ માટે બંને ટીમોનાં ઈમ્પેક્ટ પ્લેયર
ગુજરાત ટાઇટન્સ - રાહુલ તેવટિયા, ગ્લેન ફિલિપ્સ, અનુજ રાવત, નિશાંત સિંધુ, કુલવંત ખેજરોલિયા.
આરસીબી - રસિક દાર સલામ, જોર્ડન કોક્સ, મંગેશ યાદવ, વિકી ઓસ્તવાલ, વેંકટેશ ઐયર.
