ફિલ્મની વાર્તા આ પ્રકારે છે: ઘાયલ જે (ઋત્વિક રોશન) ને રણની અંદર સુર્યના તાપ નીચે મરવા માટે છોડી દેવામાં આવે છે પરંતુ પોતાનો પ્રેમ નતાશા (બાર્બરા મોરી) ને મેળવવાની આશા તેને જીવતો રાખે છે. નતાશાના મળ્યા બાદ જે ની જીંદગી જ બદલાઈ જાય છે.
જે એક સાલસા ટીચર છે અને કંગના તેની સ્ટુડંટ્સ. કંગના એક અમીર ખાનદાનમાંથી છે અને બગડેલી છે. તે જે ને ખુબ જ પ્રેમ કરે છે. વાર્તાની અંદર નતાશાનો પ્રવેશ થાય છે. તે સ્પેનીશ છે અને અંગ્રેજીનો એક પણ શબ્દ બોલી નથી શકતી. બીજી બાજુ જે ને સ્પેનિશ ભાષાનું જરા પણ જ્ઞાન નથી.
ભાષા તેમની વચ્ચે કોઈ પણ પ્રકારની સમસ્યા નથી બનતી કેમકે 'લવ હેઝ નો લેંગ્વેજ'. તેમની વચ્ચે પ્રેમ થઈ જાય છે. તેમની પ્રેમ વાર્તામાં એવો વળાંક આવે છે કે તેમને અલગ થઈ જવું પડે છે. આવા સમયે કંગનાની ફરીથી એંટ્રી થાય છે.
' કાઈટ્સ' એક એવા પ્રેમની વાર્તા છે જે સીમાઓ અને સંસ્કૃતિની પાર છે.