CJP ના પ્રદર્શન દરમિયાન હિંસા, કયા એંગલ પર તપાસ કરી રહી છે દિલ્હી પોલીસ ? સામે આવ્યુ આખુ લિસ્ટ

CJP Protest violence

કોકરોચ જનતા પાર્ટી દ્વારા સોમવારે દિલ્હીમાં યોજાયેલી સંસદ કૂચ દરમિયાન અનેક જગ્યાએ હિંસા ફાટી નીકળી હતી, જેમાં મોટી સંખ્યામાં પોલીસ કર્મચારીઓ ઘાયલ થયા હતા. આ ઘટના બાદ મંગળવારે વિરોધ પ્રદર્શનકારીઓ ફરી જંતર-મંતર ખાતે એકઠા થયા હતા. બીજી તરફ, દિલ્હી પોલીસે અશાંતિ અને હિંસા ફેલાવનારાઓ સામે કડક કાર્યવાહી શરૂ કરી દીધી છે, જે અંતર્ગત વિવિધ કલમો હેઠળ FIR નોંધવામાં આવી છે અને ઘણા શંકાસ્પદ લોકોની અટકાયત પણ કરવામાં આવી છે.

આ સમગ્ર મામલે દિલ્હી પોલીસનું મુખ્ય ધ્યાન અત્યારે વીડિયો સાક્ષ્યો પર કેન્દ્રિત છે. પોલીસ પાસે મોબાઈલ વીડિયો, સીસીટીવી ફુટેજ, ડ્રોન કેમેરા અને પોલીસ બોડી કેમેરા સહિત 250 થી વધુ વીડિયો ક્લિપ્સ ઉપલબ્ધ છે. આ તમામ વીડિયો ફુટેજના આધારે હિંસામાં સામેલ ઉપદ્રવીઓ અને તોફાનીઓની ઓળખ કરવાની કામગીરી પૂરજોશમાં ચાલી રહી છે.

DELHI POLICE STATEMENT 

- Protest by CJP in New Delhi turned unruly, aggressive, and violent. Protesters ignored repeated police warnings and prohibitory orders and refused to disperse.

- Protesters attacked police with stones and other objects and tried to breach… pic.twitter.com/FOJgzrVYle

— Mr Tiwaree (@MrTiwaree) July 20, 2026

દિલ્હી પોલીસની તપાસ આ દિશામાં પણ જશે કે ઉપદ્રવીઓમાં કોઈનો જૂનો ક્રાઈમ રેકોર્ડ તો નથી ને ? 

 પોલીસ એ પણ તપાસ કરશે કે સોમવારની હિંસામાં સામેલ લોકો આયોજિત કાર્યવાહીના ભાગ રૂપે જંતર-મંતર પહોંચ્યા હતા કે નહીં.

પોલીસ એ પણ તપાસ કરી રહી છે કે 20 માર્ચે ભાજપની સંસદ કૂચમાં પથ્થરમારો કરનારા, પોલીસ વાહનોમાં તોડફોડ કરનારા અને પોલીસ કર્મચારીઓ પર પથ્થરમારો કરનારાઓ સંગઠિત રીતે હિંસા કરી રહ્યા હતા કે નહીં.

પોલીસ તપાસમાં એ પણ શામેલ છે કે નવી દિલ્હીમાં હિંસા પહેલા વોટ્સએપ કે ટેલિગ્રામ ગ્રુપ બનાવીને લોકોને ઉશ્કેરવામાં આવ્યા હતા કે નહીં.

ઘણા વોટ્સએપ ગ્રુપ પણ સામે આવ્યા છે.

દિલ્હી પોલીસની તપાસમાં ઘણા વોટ્સએપ ગ્રુપનો પર્દાફાશ થયો છે. એક ગ્રુપનું નામ "ચલો સંસદ" હતું અને બીજાનું નામ "જેએનયુ સંસદ ચલો કોઓર્ડિનેશન" હતું. ગ્રુપમાં ઉશ્કેરણીજનક પોસ્ટ બનાવવામાં આવી હતી. ગ્રુપમાં "જો કોઈ પ્રદર્શનકારીનું મૃત્યુ થશે તો સરકાર પર દબાણ લાવવામાં આવશે" જેવા સંદેશા પોસ્ટ કરવામાં આવ્યા હતા. વોટ્સએપ ગ્રુપમાં અનેક વાંધાજનક પોસ્ટ કરવામાં આવી હતી. દિલ્હી પોલીસ આ પોસ્ટના ગુનેગારોને શોધી રહી છે.

અહેવાલો અનુસાર, સોમવારે સંસદ કૂચ દરમિયાન થયેલી હિંસામાં છ IPS અધિકારીઓ સહિત 118  પોલીસ કર્મચારીઓ ઘાયલ થયા હતા. ૨૦ થી વધુ પોલીસ વાહનોમાં તોડફોડ કરવામાં આવી હતી અને 60  વિરોધીઓ ઘાયલ થયા હતા. પોલીસ તોફાનીઓની ઓળખ માટે સીસીટીવી ફૂટેજનો ઉપયોગ કરી રહી છે.