ભારતમાં મેટ્રો પહેલીવાર નદીની અંદર દોડી

Trail Run Howrah to Kolkata- દેશની સૌથી જૂની મેટ્રો સેવા કોલકાતા મેટ્રોએ ઇતિહાસ રચ્યો છે. ભારતમાં પહેલીવાર મેટ્રો પહેલીવાર નદીની અંદર દોડી છે. હાવડાથી કોલકાતાના એસ્પ્લેનેડ સુધી ટ્રેલ રન કરવામાં આવ્યો હતો કારણ કે મેટ્રોએ હુગલી નદીની નીચે તેની મુસાફરી કરી હતી. કોલકાતા મેટ્રોના જનરલ મેનેજર પી ઉદય કુમાર રેડ્ડીએ આ દોડને કોલકાતા શહેર માટે ઐતિહાસિક ક્ષણ ગણાવી હતી.

ઉદય કુમાર રેડ્ડીએ કહ્યું કે આ પહેલીવાર છે જ્યારે કોઈ ટ્રેન હુગલી નદીની નીચે ગઈ હોય. તે 33 મીટરની ઊંડાઈએ સૌથી ઊંડું સ્ટેશન પણ છે. ભારતમાં આવું પહેલીવાર બન્યું છે. કોલકાતા શહેર માટે આ એક ઐતિહાસિક ક્ષણ છે. તેમણે કહ્યું કે હાવડા મેદાનથી એસ્પ્લેનેડ સુધી ટ્રાયલ રન આગામી 7 મહિના સુધી ચાલુ રહેશે. આ પછી તેને લોકો માટે નિયમિત રીતે શરૂ કરવામાં આવશે.