Mohali Building Collapse- મોહાલીમાં બિલ્ડિંગ ધરાશાયી થતાં લોકો ફસાયા, બે નું મોત

પંજાબના મોહાલી જિલ્લામાં શનિવારે સાંજે લગભગ 5 માળની ઇમારત ધરાશાયી થઈ હતી. ભૂકંપ આવ્યો હોય તેમ મકાન ધરાશાયી થયું. પંજાબ પોલીસે NDRF સાથે મળીને આખી રાત બચાવ કામગીરી હાથ ધરી હતી, કારણ કે કાટમાળ નીચે 15 થી 20 લોકો દટાયા હોવાની આશંકા છે. અત્યાર સુધીમાં કાટમાળ નીચેથી બે મૃતદેહ બહાર કાઢવામાં આવ્યા છે. એક લાશ રાત્રે જ મળી આવી હતી, બીજી રવિવારે સવારે મળી આવી હતી. ડીએસપી હરસિમરન સિંહે અકસ્માતની પુષ્ટિ કરી છે.

પંજાબના મોહાલીમાં શનિવારે એક બહુમાળી ઈમારત ધરાશાયી થવાને કારણે મોટો અકસ્માત થયો હતો. ઘટના બાદ એનડીઆરએફ અને સેનાની ટીમ બચાવ કામગીરીમાં લાગી ગઈ છે. કાટમાળ નીચે દટાયેલા પાંચ લોકોમાંથી એક છોકરીને રાત્રે બચાવીને હોસ્પિટલ લઈ જવામાં આવી હતી, પરંતુ તેને બચાવી શકાઈ નહોતી. બિલ્ડિંગના કાટમાળ નીચે અન્ય ચાર લોકો ફસાયા છે.