વિક્રાંત મેસીએ એક્ટિંગમાંથી બ્રેક લેવાની કરી જાહેરાત, 2025માં છેલ્લી વખત જોવા મળશે

Vikrant Massy-  બોલિવૂડ અને ટેલિવિઝન ઈન્ડસ્ટ્રીમાં પોતાની શાનદાર એક્ટિંગના જોરે પોતાનું નામ બનાવનાર એક્ટર વિક્રાંત મેસીએ તાજેતરમાં એક ચોંકાવનારો નિર્ણય લીધો છે.

1 ડિસેમ્બર, 2024 ના રોજ, વિક્રાંતે તેના સોશિયલ મીડિયા એકાઉન્ટ પર ભાવનાત્મક પોસ્ટ શેર કરીને અભિનયમાંથી બ્રેક લેવાનો નિર્ણય જાહેર કર્યો. વિક્રાંતની આ પોસ્ટે તેના ચાહકોને ચોંકાવી દીધા છે અને આ સમાચાર સોશિયલ મીડિયા પર ઝડપથી વાયરલ થયા છે.

વિક્રાંત મેસીએ બ્રેક લેવાનું કારણ

વિક્રાંતે તેની પોસ્ટમાં લખ્યું છે કે, "છેલ્લા કેટલાક વર્ષો મારા માટે ખૂબ સારા રહ્યા છે, અને તમારા સમર્થન માટે હું તમારા બધાનો હૃદયપૂર્વક આભાર માનું છું. હવે મારી જાતને ફરીથી સેટ કરવાનો અને મારા પરિવાર સાથે વધુ સમય પસાર કરવાનો સમય આવી ગયો છે.

" હું હવે એક સારા પતિ, પિતા અને પુત્ર બનવા પર ધ્યાન કેન્દ્રિત કરવા માંગુ છું." તેણે એમ પણ કહ્યું, "2025માં અમે એકબીજાને છેલ્લી વાર મળીશું, જ્યાં સુધી યોગ્ય સમય ન આવે ત્યાં સુધી. બે છેલ્લી ફિલ્મો અને અસંખ્ય યાદો. બધું આપવા બદલ તમારો આભાર. કાયમ આભારી."