Daily Horoscope
✕

ભાજપ યુવા મોરચાના અમદાવાદ અને સુરતનાં પદાધિકારીઓ વચ્ચે મારામારી

Updated: બુધવાર, 12 સપ્ટેમ્બર 2018 (12:11 IST)
ભાજપ યુવા મોરચાનું એક દિવસનું અધિવેશન યુનિવર્સિટીનાં કન્વેન્શન હોલમાં મળ્યું હતું. આ હોલના ત્રણ નંબરનાં દરવાજા પાસે સુરત અને અમદાવાદ ભાજપ યુવા મોરચાના પદાધિકારીઓ અને કાર્યકરો બેસવાના સામાન્ય મુદ્દે આમને સામનો આવી ગયા હતા.
એકબાજુ હોલની અંદર કાર્યક્રમ ચાલુ હતો. મુખ્યમંત્રી સહિતના નેતાઓ હાજર હતા એ સમયે જ બંને જૂથના યુવાનોએ છૂટા હાથની મારામારી કરતા ભાજપમાં કેવા પ્રકારની 'શિસ્ત' છે તેની ભારે ચર્ચા થઈ રહી છે.
દિગ્વિજય દિન નિમિત્તે યોજાયેલા કાર્યક્રમમાં ભાગ લેવા માટે સુરતનાં કાર્યકરો-પદાધિકારીઓને ખાસ બોલાવાયા હતા. હોલ ફુલ થઈ જતાં દરવાજા પાસે તેઓ ઉભા હતા જયારે કેટલાક કાર્યકરો બેઠા હતા. આ તબક્કે અમદાવાદ ભાજપ યુવા મોરચાનું ગુ્રપ પણ આવી ગયું હતું. જ્યાં બંને જૂથો વચ્ચે ઉભા રહેવા અને બેસવાના સાવ ક્ષુલ્લક પ્રશ્ને ઝઘડો થયો હતો.
ઝઘડાએ ઉગ્ર સ્વરૂપ લઈ લેતા બંને પક્ષ દ્વારા ગાળાગાળી અને ઝપાઝપી શરૂ થઈ હતી. ત્યારબાદ તો કાર્યકરોએ ફિલ્મમાં જે રીતે ફાઇટીંગ થાય તેવી જ રીતે હાથમાં જે આવ્યું તેનાથી સામેના જૂથ પર હૂમલો શરૂ કર્યો હતો. સુરતનાં ત્રણ થી ચાર પદાધિકારીઓને નીચે પછાડી દઈને અમદાવાદનાં કાર્યકરોએ બેફામ રીતે ફટકાર્યા હતા. આ દંગલ લગભગ ૧૦ થી ૧૨ મિનિટ સુધી ચાલ્યું હતું.
ખુબ જ શોરબકોર થતા ભાજપના નેતાઓ અને પોલીસ દોડી આવી હતી. ઝઘડી રહેલા ભાજપનાં કાર્યકરોને મહામહેનતે છૂટા પાડયા હતા. જો કે સુરતના એક કાર્યકર શૌચાલયમાં જતાં અમદાવાદનાં કાર્યકરોએ ત્યાં જઈને તેને ગદડાપાટુથી ઢોર માર માર્યો હતો.
કાર્યક્રમ સંપન્ન થયા બાદ સુરત યુવા મોરચાના પદાધિકારીઓ પ્રદેશ ભાજપ યુવા મોરચાનાં અધ્યક્ષ ડૉ. ઋત્વિજ પટેલને ફરિયાદ કરવા આવ્યા હતા. જો કે ઋત્વિજે એવું સમજાવીને રવાના કર્યા હતા કે અહીં મોટા નેતાઓ અને મીડિયા હાજર છે. તમે લોકો મને પછી મળજો. જેના કારણે સુરતનાં પદાધિકારીઓમાં વધુ રોષ ભભુકી ઉઠયો હતો.
 ત્યાંથી નીકળતા નીકળતા તેઓ બોલતા હતા કે અમને કાર્યક્રમમાં માર ખાવા જ બોલાવ્યા હતા ? સુરતના પદાધિકારીઓનું ટોળું બહાર રોડ પર અમદાવાદનાં પદાધિકારીઓ સાથે હિસાબ સરભર કરવાની ઇચ્છા સાથે ઉભુ રહ્યું હતું. જેની જાણ થતા જ ઋત્વિજ અને ઉચ્ચ પોલીસ અધિકારીઓ તુરંત જ ધસી ગયા હતા. જયાં બંને જૂથોને ફરીથી ભેગા કરી સમાધાન કરીને છૂટા પાડયા હતા.
 
 

વધુ જુઓ..

Bread Recipes- બ્રેડમાંથી બનાવો 5 ઝટપટ અને સ્વાદિષ્ટ નાસ્તાની વાનગીઓ, બાળકો અને મોટાઓને પણ આવશે પસંદ

વારેઘડીએ પેટ ફૂલવા પાછળ તમારી ડાયેટ હોઈ શકે છે જવાબદાર, ડોક્ટરે ગણાવ્યા બ્લોટિંગ વધારનારા ફુડ્સ

Chanakya Niti: ફક્ત વાતોથી નહી, આ 5 હરકતોથી ખુલે છે ખોટા મિત્રોની પોલ, આચાર્ય ચાણક્યે બતાવ્યા છે માણસને પારખવાના સટીક ઉપાય

Happy Children's Day 2026 Wishes Images : એ વો નન્હે ફૂલ હૈ જે ભગવાન કો લગતે પ્યારે.. અહીથી પસંદ કરીને મોકલો બાળદિન ની શુભેચ્છા

આ 3 મૂલાંકના બાળકો હોય છે ખૂબ જ બુદ્ધિમાન અને ક્રિએવટિવ, માતા-પિતાનુ નામ ખૂબ કરે છે રોશન

વધુ જુઓ..

સમય રૈનાના 'કઝિન મતલબ પતિ' કમેંટ પર વિવાદ, મૌલાના કારી ઈસહાક ભડક્યા, બોલ્યા - આવા કોમેડિયંસ પર લગામ લગાવવી જોઈએ, કંઈ પણ બોલે છે.

કાલી ખેતી મૂવી પ્રિવ્યુ - હવેલી અને ભૂતોનો જમાનો જૂનો થઈ ગયો, હવે ખેતરોમાંથી નીકળશે ભૂત, જાણો જેકી શ્રોફની આ રૂરલ સાઈકોલોજીકલ હોરરની દરેક વાત

Ramayana Worldwide Box Office Collection Day 8: રણવીર કપૂર-સાંઈ પલ્લવી સ્ટારરએ દુનિયાભરમાં પાર કર્યો 1000 કરોડનો આંકડો

200 વર્ષ જૂની કલગી, 30 કેરેટ પન્નાનો હાર, દિવાળી પર કરીના કપૂરનો શાહી અંદાજ

દિવાળીના મજેદાર જોક્સ

આગળનો લેખ
Show comments