suvichar
✕

ગુજરાતમાં મેઘરાજાની તોફાની ઇનિંગ્સ: 105 તાલુકાઓમાં વરસાદ, અમદાવાદ સહિત અનેક વિસ્તારો જળમગ્ન

Updated: શુક્રવાર, 18 સપ્ટેમ્બર 2026 (16:20 IST)
rain in gujarat
ગુજરાતમાં ફરી એકવાર વરસાદી સિસ્ટમ સક્રિય થતાં સમગ્ર રાજ્યમાં મેઘમહેર જોવા મળી રહી છે. સવારથી અત્યાર સુધીમાં રાજ્યના કુલ 105  તાલુકાઓમાં વરસાદ નોંધાયો છે, જેમાંથી ૧૪ તાલુકામાં એક ઈંચથી વધુ વરસાદ વરસ્યો છે. સૌથી વધુ વરસાદ અરવલ્લીના મેઘરજમાં ૨.૫૬ ઈંચ નોંધાયો છે, જ્યારે મોડાસામાં ૨.૦૯ ઈંચ, વાંકાનેરમાં 1.97  ઈંચ, ખાનપુરમાં 1.93 ઈંચ અને તલોદમાં 1.89  ઈંચ વરસાદ ખાબક્યો છે.
ALSO READ: ધર્મા પ્રોડક્શન્સની પ્રથમ ગુજરાતી ફિલ્મ ‘જિંદગી વન્સ મોર’ શેમારૂમી પર થઈ રીલીઝ, પિતા-પુત્રના સંબંધોની હ્રદયસ્પર્શી સ્ટોરી

 વિવિધ જિલ્લાઓમાં નોંધપાત્ર વરસાદ

 
રાજ્યના અન્ય તાલુકાઓમાં પણ ધોધમાર વરસાદી ઝાપટાં પડ્યા છે. ખેરાલુ, માણસા અને ટંકારામાં 1.50-1.50 ઈંચ વરસાદ વરસ્યો છે. આ ઉપરાંત મહેસાણામાં 1.38 ઈંચ, વડાલીમાં 1.26 ઈંચ, વિજાપુર અને કલોલમાં 1.18-1.18 ઈંચ, હડાદમાં 1.14 ઈંચ તથા જોટાણામાં 1.06 ઈંચ વરસાદ નોંધાયો છે. વડનગર, વિસનગર, ઈડર અને હિંમતનગરમાં પણ 1-1 ઈંચ વરસાદ વરસ્યો છે. 
 

 રસ્તાઓ જળમગ્ન અને ખેડૂતોમાં ખુશીનો માહોલ

 
વરસાદના કારણે સમગ્ર વાતાવરણમાં આહલાદક ઠંડક પ્રસરી ગઈ છે. જોકે, અનેક વિસ્તારોમાં રસ્તાઓ જળમગ્ન બન્યા છે અને નીચાણવાળી સોસાયટીઓમાં પાણી ભરાઈ જતાં સ્થાનિક રહીશોને મુશ્કેલીનો સામનો કરવો પડી રહ્યો છે. બીજી તરફ, લાંબા વિરામ બાદ પડેલા આ વરસાદથી ખેતીના ઉભા પાકને સંજીવની મળતા ખેડૂતોમાં આનંદની લહેર ફરી વળી છે. હવામાન વિભાગની આગાહીને પગલે સ્થાનિક તંત્ર પણ પરિસ્થિતિ પર સતત નજર રાખી રહ્યું છે.

 સ્માર્ટ સિટી અમદાવાદમાં જળબંબાકાર

અમદાવાદમાં સવારથી જ મેઘરાજાએ તોફાની બેટિંગ કરી હતી. માત્ર 2 કલાકમાં સરેરાશ 2 થી 2.5 ઈંચ અને કેટલાક વિસ્તારોમાં 3 થી 4 ઈંચ વરસાદ ખાબકતાં શહેરના નીચાણવાળા વિસ્તારોમાં પાણી ભરાઈ ગયા હતા. ટૂંકા સમયમાં પડેલા ભારે વરસાદના કારણે રસ્તાઓ નદી જેવા બની ગયા હતા અને 3 દિવસમાં બીજી વખત અમદાવાદીઓએ જળભરાવની ગંભીર સમસ્યા વેઠવી પડી હતી.
ALSO READ: 

 હાટકેશ્વર અને મણિનગરમાં પાણી ભરાતાં હાલાકી

 
ભારે વરસાદને પગલે હાટકેશ્વરમાં મંદિરો અને આસપાસના વિસ્તારોમાં પાણી ફરી વળ્યા હતા. મણિનગરમાં જવાહર ચોક સહિત ચાર જગ્યાએ જળભરાવની ફરિયાદો સામે આવી છે. ધોળકામાં પણ સવારથી જ મુસળધાર વરસાદ વરસી રહ્યો છે. હાલ અમદાવાદમાં વરસાદનું જોર થોડું ઘટ્યું છે, પરંતુ નીચાણવાળા વિસ્તારોમાં ભરાયેલા પાણીના કારણે લોકો હેરાન પરેશાન થઈ રહ્યા છે.
 

 સાબરકાંઠાના ગ્રામ્ય વિસ્તારોમાં મેઘ મહેર

 
સાબરકાંઠા જિલ્લામાં મોડી રાતથી વહેલી સવાર સુધી વિરામ બાદ વરસાદી માહોલ જામ્યો હતો. હિંમતનગર શહેર ઉપરાંત હડિયોલ, ગઢોડા, આકોદરા, હાજીપુર અને બોરીયા જેવા ગ્રામ્ય વિસ્તારોમાં વરસાદ વરસ્યો હતો. તલોદ તાલુકાના વક્તાપુર, ઉજેડીયા, મહિયલ અને તોરણિયા ગામોમાં પણ ધોધમાર વરસાદ નોંધાયો છે, જેનાથી કપાસ, મગફળી અને સોયાબીનના પાકને મોટો ફાયદો થવાની આશા છે.
 

 મહિસાગર જિલ્લામાં ભારે પવન સાથે વરસાદ

 
મહિસાગર જિલ્લાના લુણાવાડા, ગોધરા અને કડાણા તાલુકામાં વહેલી સવારથી ભારે પવન સાથે વરસાદી માહોલ જોવા મળ્યો હતો. લુણાવાડા શહેરમાં હળવાથી મધ્યમ વરસાદ વરસ્યો હતો, જ્યારે ગોધરા તાલુકાના નસીકપુર અને સરસણ તથા કડાણા તાલુકાના સરસવા, ડીટવાસ અને બચકરીયા ગામોમાં પણ સારો વરસાદ નોંધાયો છે. વરસાદી આગમનથી મહિસાગરના ધરતીપુત્રોમાં ભારે ખુશાલી જોવા મળી રહી છે.

વધુ જુઓ..

ફટાકડાના ધુમાડાથી આંખોને બચાવો, આંખોમા લાલાશ, દુ:ખાવો અને પાણી આવવાને અવગણશો નહી, આ રીતે કરો દેખરેખ

10 Special sweets for Diwali- દિવાળી માટે 10 મીઠાઈ ની રેસિપી

દિવાળી ડિનર માટે બનાવો આ 4 શાહી વાનગીઓ, પરિવાર અને મહેમાનોને આવશે મજા

Colorful Coconut Rolls- કલરફુલ નારિયેળની બરફી રોલ

Diwali Rangoli Designs- દિવાળી માટે સુંદર અને આકર્ષક રંગોળીની ડિઝાઇન

વધુ જુઓ..

દિવાળીના મજેદાર જોક્સ

Ramayana Movie Review: ઈમોશન નહી આ વીએફએક્સ વાળી રામાયણ છે, રાવણ બનીને છવાય ગયા યશ, જાણો ક્યા ફીકા પડ્યા રણબીર ?

રામાયણની મુંબઈ સ્ક્રીનિંગમાં બોલીવુડ સ્ટાર્સનો મેળો, રણબીર કપૂર-આલિયા ભટ્ટથી લઈને સની દેઓલ સુધીના અનેક સ્ટાર્સ પહોચ્યા

રાવણ-જટાયુની લડાઈની સીક્વેંસ શૂટ કરવામાં લાગ્યા 6.5 વર્ષ, પુષ્પક વિમાન માટે બનાવી 50 જુદી-જુદી ડિઝાઈન

શૂટ આઉટ એટ વડાલા ના નિર્દેશક સંજય ગુપ્તાનુ નિધન, ફિલ્મ ઈંડસ્ટ્રીમાં પસર્યો માતમ

આગળનો લેખ
Show comments