સંબંધિત સમાચાર
- પ્રાથમિક શિક્ષકો ખોટા તબિબિ પ્રમાણપત્રો રજુ કરી જીલ્લા ફેરબદલી માંગતા સત્તર જેટલા શિક્ષકોની તપાસ CID ને સોંપી
- ગુજરાતમાં કુલ 2281 દર્દીઓ સામે 5800 ઈન્જેકશન ફાળવાયા, હોસ્પિટલ બહાર જથ્થો નહીં હોવાના બોર્ડ લાગ્યા
- ધોરણ ૧૨ની પરીક્ષા માટે હજુ બેઠક મળી નથી,વિદ્યાર્થીઓ અસમંજસમાં મુકાયા.
- કોરોના સામેની લડાઈમાં નબળો પડી રહ્યો છે ભારતનો અટેક, 40 દિવસમાં 50% ઘટ્યુ ટીકાકરણ, આ આંકડા આપી રહ્યા છે ટેંશન
- કોરોનાએ નવદંપતિનો સંસાર શરૂ થતા પહેલા જ વિખેરી નાખ્યો, લગ્નના 13માં દિવસે જ નવવધુએ પતિની છત્રછાયા ગુમાવી
કોરોના નેગેટિવ આવતા મહિલાએ મિત્રો સાથે દારૂની મહેફિલ યોજવાના કેસમાં બે મહિલાઓએ પોતાના નામ અને સરનામાં ખોટા લખાવ્યા
શહેરના થલતેજ વિસ્તારમાં આવેલા ગ્રીન એવન્યુના મેપલ કાઉન્ટી-1 ના એક ફ્લેટમાંથી સોલા પોલીસે દારૂની મહેફિલ માણતી ચાર મહિલાઓ અને એક પુરુષની ધરપકડ કરી હતી. સોલા પોલીસની તપાસમાં બે મહિલા આરોપીઓએ પોતાના નામ અને સરનામાં ખોટા લખાવ્યા હતા. જે મામલે સોલા પોલીસે બંને મહિલા આરોપીઓ સામે IPC 177 મુજબ એનસી રજીસ્ટર કરી છે. સોલા પોલીસે કાનમાં દારૂની મહેફિલની મેસેજને આધારે દરોડો પાડતા ઘરમાં ચાર મહિલા અને એક પુરુષ દારૂ પીધેલા મળી આવ્યા હતા. એક મહિલાએ દારૂ પીધો ન હતો. મહિલા પોતે કોરોના નેગેટિવ આવતાં તેણે મિત્રોને બોલાવી દારૂની પાર્ટી યોજી હતી.
થલતેજ વિસ્તારમાં આવેલા ગ્રીન એવન્યુ મેપલ કાઉન્ટી- 1માં દારૂની મહેફિલ ચાલતી હોવાની સોલા પોલીસ સ્ટેશનને કંટ્રોલરૂમમાંથી મેસેજને આધારે પોલીસે ગ્રીન એવન્યુના મકાનમાં દરોડો પાડ્યો હતો. જ્યાં બેડરૂમમાં કેતન પાટડીયા (રહે. ગ્રીન એવન્યુ, થલતેજ), અનુરાધા ગોયલ ( રહે. અદાણી શાંતિગ્રામ), શેફાલી પાંડે (રહે. અક્ષર સ્ટેડિયા, બોડકદેવ), પ્રિયંકા શાહ (રહે. માણેકબાગ સોસાયટી, નેહરુનગર) અને પાયલ લિબાચિયા (રહે. હેલિકોનીયા એપાર્ટમેન્ટ, થલતેજ) દારૂ પીધેલા મળી આવ્યા હતા. ટીપોઈ પર દારૂના ગ્લાસ અને બોટલ મળી આવી હતી.
પોલીસે કેસની તપાસ કરતા આરોપી અનુરાધા ગોયલ અને પ્રિયંકા શાહ ID પ્રુફ માંગતા બંનેએ પોલીસમાં ખોટું નામ લખાવ્યું હતું. અનુરાધા ગોયલનું સાચું નામ અનુજા દિવ્ય અગ્રવાલ ( રહે. સાકેત 2, એલજે કોલેજ કેમ્પસ રોડ, એસજી હાઇવે, સરખેજ) અને પ્રિયંકા શાહનું પંક્તિ ઉર્ફે પ્રિયંકા શાહ ( રહે. સ્કાયલેટ હાઇટ્સ સેટેલાઇટ) હોવાનું બહાર આવ્યું છે. અનુજાએ પોતાનું નામ અનુરાધા અને પાછળ પોતાના પિતરાઈ ભાઈનું નામ લખાવી ખોટી અટક લખાવી હતી. સરનામું પણ પિતરાઈ ભાઈનું જ લખાવ્યું હતું.
સોલા પોલીસને દરોડામાં ઘરમાં અન્ય એક મહિલા અમોલા કેતન પાટડીયા પણ હાજર મળી આવી હતી. જે દારૂ પીધેલી હાલતમાં મળી આવી ન હતી. અમોલા કોરોના નેગેટિવ આવ્યા હતા. જેઓએ માનસિક તણાવમાંથી દૂર થવા માટે તેઓએ મિત્રો સાથે મળી અને દારૂની મહેફિલ યોજી હોવાનું સોલા પોલીસે જણાવ્યું હતું. પોલીસે ચાર મહિલાઓ અને એક પુરુષ સહિત પાંચ લોકો સામે ગુનો નોંધી ધરપકડ કરી હતી.
