Phir Layenge Kejriwal video : દિલ્હી ચૂંટણી માટે AAPનું કૈપેન ગીત લોન્ચ, પૂર્વ સીએમ બોલ્યા - લગ્ન અને જન્મદિવસ પર ખૂબ વગાડો

આગામી દિલ્હી વિધાનસભા ચૂંટણી માટે  આમ આદમી પાર્ટીએ મંગળવારે પાર્ટીનું કૈપેન ગીત લોન્ચ કર્યું છે. 'ફિર લાયેંગે કેજરીવાલ' નામનું કૈપેન ગીત AAPના રાષ્ટ્રીય અધ્યક્ષ અરવિંદ કેજરીવાલ, દિલ્હીના મુખ્યમંત્રી આતિશી અને મનીષ સિસોદિયા સહિત પાર્ટીના અન્ય વરિષ્ઠ નેતાઓની હાજરીમાં રિલીઝ કરવામાં આવ્યું હતું. આવતા મહિને ફેબ્રુઆરીમાં ચૂંટણી યોજાવા જઈ રહી છે અને પરિણામ પણ એ જ મહિનામાં જાહેર કરવામાં આવશે. દિલ્હીમાં મુખ્ય મુકાબલો આમ આદમી પાર્ટી અને ભાજપ વચ્ચે હોવાનું માનવામાં આવે છે પરંતુ કોંગ્રેસ પણ પોતાની સંપૂર્ણ તાકાતનો ઉપયોગ કરી રહી છે. 

<

Phir Layenge Kejriwal

Our Campaign Song - Out Now pic.twitter.com/41fwimC1Qj

— AAP (@AamAadmiParty) January 7, 2025 >

AAP સાંસદ સંજય સિંહે કહ્યું કે આ ગીત હિટ રહેશે. અમારું કૈપેન ગીત 'ફિર લાયેંગે કેજરીવાલ' અને આ ગીત પણ તે જ કહે છે. તેમણે કહ્યું કે આ ગીત દરેક ઘર સુધી પહોંચશે અને લોકો અરવિંદ કેજરીવાલને પ્રચંડ બહુમતીથી જીતાડશે. મંત્રી સૌરભ ભારદ્વાજે કહ્યું કે ભાજપ પાસે દિલ્હીમાં ચૂંટણી લડવા માટે કોઈ મુદ્દો નથી. અમને ડર હતો કે આ લોકો એમસીડીની ચૂંટણીની જેમ વિધાનસભાની ચૂંટણી પણ સ્થગિત કરી શકે છે. પરંતુ આજે બપોરે 2 વાગ્યે ચૂંટણીની જાહેરાત થઈ શકે છે.