PM મોદીએ સમજાવ્યું કેમ ધોયા હતા કુંભના સફાઈ કર્મચારીઓના પગ, વારાણસીથી વડનગર જતા યુવાનો સાથે કર્યો સંવાદ

વડાપ્રધાન નરેન્દ્ર મોદીએ શુક્રવારે ‘સેવા સંકલ્પ અભિયાન’ અંતર્ગત વારાણસીથી વડનગર જનાર યુવાનોના જૂથ સાથે વીડિયો કોન્ફરન્સિંગ દ્વારા સંવાદ કર્યો હતો. આ દરમિયાન તેમણે મહાત્મા ગાંધીના વિચારો, સમાજસેવા અને સ્વચ્છતા કર્મચારીઓના સન્માન અંગે વાત કરી હતી.

PM મોદીએ કહ્યું કે જ્યારે આપણે મહાત્મા ગાંધીના જીવનને જોઈએ છીએ, ત્યારે તેઓ માત્ર અંગ્રેજો સામે લડનારા અને સ્વતંત્રતા આંદોલનનું નેતૃત્વ કરનારા વ્યક્તિ જ નહોતા, પરંતુ એક મોટા સામાજિક સુધારક પણ હતા. તેમણે સમાજમાં રહેલી અનેક બુરાઈઓ સામે સતત કામ કર્યું હતું.

તેમણે કહ્યું કે આપણે પણ સમાજમાં સતત સુધારા અને સકારાત્મક પરિવર્તન માટે કામ કરતા રહેવું જોઈએ. માત્ર વોટબેંકની રાજનીતિ માટે નહીં, પરંતુ સમાજની ભલાઈ માટે કામ કરવું જરૂરી છે. જે વ્યક્તિ સેવા કરે છે, તેની સેવાનું સન્માન થવું જોઈએ.

‘મેં નક્કી કર્યું હતું કે તેમના પગ ધોઈને આશીર્વાદ લઈશ’

PM મોદીએ પ્રયાગરાજમાં યોજાયેલા કુંભ દરમિયાન સફાઈ કર્મચારીઓની સેવાઓને યાદ કરી. તેમણે કહ્યું કે કુંભ દરમિયાન સફાઈ કર્મચારીઓએ જે રીતે સ્વચ્છતા જાળવવા માટે કામ કર્યું, તેના કારણે કુંભ મેળો સમગ્ર વિશ્વમાં સ્વચ્છતા માટે જાણીતો બન્યો અને ભારતનું ગૌરવ વધ્યું.

PM મોદીએ કહ્યું કે, “મારું મન થયું કે જેમણે ભારતનું માન આટલું વધાર્યું છે, હું તેમના પગ ધોઈને તેમના આશીર્વાદ લઉં. આ જ કારણથી મેં તેમના પગ ધોઈને તેમનું સન્માન કર્યું હતું, કારણ કે તેમણે દુનિયામાં ભારતનું માન વધાર્યું હતું.”

ગામડાં અને શહેરો વચ્ચેનું અંતર ઘટ્યું

વડાપ્રધાને કહ્યું કે છેલ્લા 12 વર્ષમાં ભારતના શહેરો અને ગામડાં વચ્ચેનું અંતર ઘણું ઘટ્યું છે. આજે ગામડાંમાં ઈન્ફ્રાસ્ટ્રક્ચરમાં સુધારો થયો છે અને લોકો માટે અનેક સુવિધાઓ વધી છે.

તેમણે વધુમાં કહ્યું કે દેશની બહેનો અને દીકરીઓમાં આત્મનિર્ભરતા પણ વધી છે. સમાજના દરેક વર્ગને સાથે લઈને સેવા અને સકારાત્મક પરિવર્તન તરફ આગળ વધવાની જરૂર છે.

મેં નક્કી કર્યું હતું કે તેમના પગ ધોઈને આશીર્વાદ લઈશ’- PM મોદી

PM મોદીએ આગળ કહ્યું કે પ્રયાગરાજમાં સફાઈનું કામ કરનારા કર્મચારીઓના કારણે કુંભ મેળો સમગ્ર વિશ્વમાં સ્વચ્છતા માટે જાણીતો બન્યો હતો અને તેનાથી ભારતનું ગૌરવ પણ વધ્યું હતું. તેમણે કહ્યું કે, “મારું મન થયું કે જેમણે ભારતનું માન આટલું વધાર્યું છે, હું તેમના પગ ધોઈને તેમના આશીર્વાદ લઉં. આ જ કારણથી મેં તેમના પગ ધોઈને તેમનું સન્માન કર્યું હતું, કારણ કે તેમણે દુનિયામાં ભારતનું માન વધાર્યું હતું.”

PM મોદીએ કહ્યું કે છેલ્લા 12 વર્ષમાં ભારતમાં શહેરો અને ગામડાં વચ્ચેનું અંતર ઘણું ઘટ્યું છે. આજે ગામડાંમાં ઈન્ફ્રાસ્ટ્રક્ચરમાં સુધારો થયો છે. સાથે જ દેશની બહેનો અને દીકરીઓમાં આત્મનિર્ભરતા પણ વધી છે.