કોણ છે નવ્યા હરિદાસ, જેમને ભાજપે પ્રિયંકા ગાંધી સામે વાયનાડ બેઠક પરથી ટિકિટ આપી?

વાયનાડ લોકસભા સીટ પર પેટાચૂંટણી માટે ભાજપે કોંગ્રેસના પ્રિયંકા ગાંધી વાડ્રા સામે નવ્યા હરિદાસને મેદાનમાં ઉતાર્યા છે. રાહુલ ગાંધીએ જૂનમાં યોજાયેલી ચૂંટણીમાં આ બેઠક જીતી હતી. જો કે, તેઓ રાયબરેલીથી પણ જીત્યા અને ત્યાંથી સાંસદ રહેવાનો નિર્ણય કર્યો. ત્યાર બાદ આ બેઠક પર પેટાચૂંટણી યોજાઈ રહી છે. અહીં 13 નવેમ્બરે મતદાન થવાનું છે અને 23 નવેમ્બરે પરિણામ જાહેર થશે.

કોણ છે નવ્યા હરિદાસ?

39 વર્ષીય નવ્યા હરિદાસ કોઝિકોડ મ્યુનિસિપલ કોર્પોરેશનમાં બે વખત કાઉન્સિલર રહી ચૂક્યા છે અને કોર્પોરેશનમાં બીજેપી સંસદીય દળના નેતા છે. તે ભાજપ મહિલા મોરચાના પ્રદેશ મહાસચિવ પણ છે. તેમણે કાલિકટ યુનિવર્સિટી સાથે સંલગ્ન KMCT એન્જિનિયરિંગ કૉલેજમાંથી મિકેનિકલ એન્જિનિયરિંગમાં B.Tech ડિગ્રી મેળવી છે. 2021ની કેરળ વિધાનસભા ચૂંટણીમાં તે કોઝિકોડ દક્ષિણ મતવિસ્તારમાંથી ભાજપના ઉમેદવાર હતા, પરંતુ કોંગ્રેસના ઉમેદવાર અહેમદ દેવરકોવિલ સામે હાર્યા હતા.

વાયનાડને વિકાસની જરૂર  

વાયનાડ બેઠક પરથી નામાંકન કર્યા બાદ નવ્યાએ કહ્યું હતું કે "વાયનાડના લોકોને ત્યાં વિકાસની જરૂર છે. કોંગ્રેસ પરિવાર ખરેખર વાયનાડના લોકોની જરૂરિયાતો પૂરી કરી રહ્યો નથી. આ ચૂંટણી પછી વાયનાડના રહેવાસીઓને સંસદમાં વધુ સારા સભ્ય મળશે. તેઓ કોઈની જરૂર છે જે તેમની સમસ્યાઓનું નિરાકરણ લાવી શકે." હરિદાસે એવા નેતાના મહત્વ પર ભાર મૂક્યો જે સ્થાનિક લોકોની ચિંતાઓને પ્રાધાન્ય આપે. તેણીએ કહ્યું, "મને વહીવટી અનુભવ છે, હું કેરળમાં બે વખત કાઉન્સિલર તરીકે ચૂંટાઈ આવી છું. તેથી, છેલ્લા આઠ વર્ષમાં

સીપીઆઈએ સત્યન મોકેરીને ટિકિટ આપી 

કોંગ્રેસના સાંસદ રાહુલ ગાંધી વાયનાડ અને રાયબરેલી બંને લોકસભા સીટ પરથી સાંસદ તરીકે ચૂંટાયા હતા. બાદમાં તેમણે રાયબરેલીથી સાંસદ રહેવાનો નિર્ણય કર્યો. આ પછી વાયનાડમાં પેટાચૂંટણી જરૂરી બની ગઈ. આ બેઠક પર કોંગ્રેસે પ્રિયંકા ગાંધીને, ભાજપે નવ્યા હરિદાસને અને કમ્યુનિસ્ટ પાર્ટી ઓફ ઈન્ડિયા (CPI)એ વરિષ્ઠ નેતા સત્યન મોકેરીને ટિકિટ આપી છે.