suvichar
✕

ગુજરાત બોર્ડ પરીક્ષાનો પ્રારંભ: ક્યાંક ખુશી તો ક્યાંક ડરના માહોલ વચ્ચે 15.27 લાખ વિદ્યાર્થીઓની કસોટી

Updated: ગુરુવાર, 26 ફેબ્રુઆરી 2026 (16:02 IST)
GSEB exam
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડની ધોરણ 10 અને 12ની પરીક્ષાઓનો આજથી (26 ફેબ્રુઆરી) પ્રારંભ થયો છે. પરીક્ષા કેન્દ્રો પર વિદ્યાર્થીઓનો ડર દૂર કરવા માટે તેમનું અનોખું સ્વાગત કરવામાં આવ્યું હતું. અનેક સ્થળોએ વિદ્યાર્થીઓને ફૂલ આપી અને મોઢું મીઠું કરાવીને વર્ગખંડમાં પ્રવેશ આપવામાં આવ્યો હતો. ધોરણ 10ના પ્રથમ ભાષાના પેપર સાથે શરૂઆત થઈ હતી, જેમાં ગુજરાતીનું પેપર અપેક્ષા કરતા ઘણું સરળ નીકળતા વિદ્યાર્થીઓના ચહેરા પર ખુશી જોવા મળી હતી.
 

 વ્યવસ્થા અને સુરક્ષાના કડક આયોજન
 

રાજ્યભરમાં કુલ 1,701 પરીક્ષા કેન્દ્રો પર 15.27 લાખ વિદ્યાર્થીઓ પરીક્ષા આપી રહ્યા છે. બોર્ડ દ્વારા પરીક્ષાને ગેરરીતિમુક્ત બનાવવા માટે તમામ બિલ્ડિંગોને CCTV કેમેરાથી સજ્જ કરવામાં આવી છે. નકલ રોકવા માટે વિદ્યાર્થીઓનું સઘન ચેકિંગ કરવામાં આવ્યું હતું, સાથે જ 'પશ્ચાતાપ પેટી'ની પણ વ્યવસ્થા રાખવામાં આવી હતી જેથી જો કોઈ વિદ્યાર્થી ભૂલથી કાપલી લાવ્યો હોય તો તે ત્યાં જમા કરાવી શકે. વહીવટી સરળતા માટે SSC માટે 87 અને HSC માટે 59 ઝોન કાર્યરત કરાયા છે.

 આરોગ્ય અને કટોકટીની સ્થિતિનું વ્યવસ્થાપન

પરીક્ષાના તણાવ વચ્ચે વિદ્યાર્થીઓના સ્વાસ્થ્યનું ધ્યાન રાખવા માટે દરેક સેન્ટર પર આરોગ્ય વિભાગની ટીમો હાજર રાખવામાં આવી છે. વડોદરામાં પરીક્ષાના ડરને કારણે એક વિદ્યાર્થિની બેભાન થઈ ગઈ હતી અને અન્ય એકને ખેંચ આવવાની ઘટના બની હતી, જેમને તાત્કાલિક 108 દ્વારા સારવાર આપવામાં આવી હતી. આ વર્ષે દિવ્યાંગ વિદ્યાર્થીઓ માટે ખાસ સંવેદનશીલતા દાખવીને તેમને 3 કલાકના પેપરમાં પ્રતિ કલાક 20 મિનિટ લેખે કુલ 1 કલાકનો વધારાનો સમય ફાળવવામાં આવ્યો છે.
 

પોલીસ બની 'સારથી': મદદના કિસ્સાઓ

પરીક્ષાના પ્રથમ દિવસે અનેક જગ્યાએ દોડધામના દ્રશ્યો પણ જોવા મળ્યા હતા. સુરતમાં એક વિદ્યાર્થિનીને પરીક્ષા કેન્દ્ર પર પહોંચવા માટે કોઈ વાહન ન મળતા તે અટવાઈ પડી હતી. આવી કટોકટીની ક્ષણે સુરત પોલીસ તેની વહારે આવી હતી અને પોતાની ગાડીમાં બેસાડીને છેલ્લી ઘડીએ પરીક્ષા કેન્દ્ર સુધી પહોંચાડી 'સારથી'ની ભૂમિકા ભજવી હતી. રાજ્યના અન્ય કેન્દ્રો પર પણ મોડા પડેલા વિદ્યાર્થીઓ દોડતા નજરે પડ્યા હતા.
 

 પ્રવાહ મુજબ બેઠક વ્યવસ્થાની વિગતો
 

આ વર્ષે ધોરણ 10 માટે 1,006 કેન્દ્રો ફાળવવામાં આવ્યા છે, જ્યારે ધોરણ 12 માટે કુલ 695 કેન્દ્રો છે. ધોરણ 12માં સામાન્ય પ્રવાહના વિદ્યાર્થીઓ માટે 539 કેન્દ્રો અને વિજ્ઞાન પ્રવાહના વિદ્યાર્થીઓ માટે 156 કેન્દ્રો પર પરીક્ષાનું આયોજન કરાયું છે. તંત્ર દ્વારા તમામ તૈયારીઓ એવી રીતે કરવામાં આવી છે કે વિદ્યાર્થીઓ કોઈપણ પ્રકારના ભય વગર શાંતિપૂર્ણ વાતાવરણમાં પોતાની પરીક્ષા આપી શકે.
 

વધુ જુઓ..

Gujarat Food Menu: લગ્નના મેનુમાં ગુજરાતની આ સ્વાદિષ્ટ વાનગીઓનો સમાવેશ કરો, પાર્ટી બની જશે ઉત્સાહી

પાર્ટી માટે બનાવો 5 સ્વાદિષ્ટ અને મસાલેદાર વેજ સ્ટાર્ટર્સ, મહેમાનો આંગળીઓ ચાટતા રહી જશે!

ઘરે બનાવેલી દાળમાં રેસ્ટોરન્ટ જેવો સ્વાદ કેમ નથી આવતો? અપનાવો ડબલ વઘારની આ ખાસ રીત, સ્વાદ થઈ જશે બમણો!

ગુલાબજળ અને બદામથી ઘરે જ બનાવો નેચરલ નાઈટ ક્રીમ, ચહેરા પર આવશે ગુલાબી નિખાર!

લિવરને અંદરથી મજબૂત બનાવવા માટે ખાવ આ 8 ફૂડ કૉમ્બિનેશન, ડોક્ટરે જણાવ્યુ કંઈ વસ્તુઓ સાથે ખાવી લાભકારી ?

વધુ જુઓ..

સમય રૈનાના 'કઝિન મતલબ પતિ' કમેંટ પર વિવાદ, મૌલાના કારી ઈસહાક ભડક્યા, બોલ્યા - આવા કોમેડિયંસ પર લગામ લગાવવી જોઈએ, કંઈ પણ બોલે છે.

ગુજરાતી જોક્સ - મને શું ખબર

કાલી ખેતી મૂવી પ્રિવ્યુ - હવેલી અને ભૂતોનો જમાનો જૂનો થઈ ગયો, હવે ખેતરોમાંથી નીકળશે ભૂત, જાણો જેકી શ્રોફની આ રૂરલ સાઈકોલોજીકલ હોરરની દરેક વાત

Ramayana Worldwide Box Office Collection Day 8: રણવીર કપૂર-સાંઈ પલ્લવી સ્ટારરએ દુનિયાભરમાં પાર કર્યો 1000 કરોડનો આંકડો

200 વર્ષ જૂની કલગી, 30 કેરેટ પન્નાનો હાર, દિવાળી પર કરીના કપૂરનો શાહી અંદાજ

આગળનો લેખ
Show comments