Daily Horoscope
✕

વિશ્વ પર્યાવરણ દિવસે પીએમ મોદીની ગુજરાત મુલાકાત: દક્ષિણ ગુજરાતને મળશે રૂ.12,421 કરોડની ભેટ

Updated: ગુરુવાર, 4 જૂન 2026 (13:57 IST)
વડાપ્રધાન નરેન્દ્ર મોદી 5 જૂન – વિશ્વ પર્યાવરણ દિવસના રોજ ગુજરાતના સુરતની મુલાકાતે આવી રહ્યા છે. આ ખાસ મુલાકાત દરમિયાન તેઓ દક્ષિણ ગુજરાત ક્ષેત્રના સર્વાંગી વિકાસ માટે રૂ.12,421 કરોડના વિશાળ રાષ્ટ્રીય ધોરીમાર્ગ (નેશનલ હાઈવે) પ્રોજેક્ટ્સ રાષ્ટ્રને સમર્પિત અને શિલાન્યાસ કરશે. આ પ્રોજેક્ટ્સ દક્ષિણ ગુજરાત સહિત સમગ્ર રાજ્યમાં રોડ કનેક્ટિવિટીને અત્યંત મજબૂત બનાવશે અને સ્થાનિક આર્થિક વિકાસને નવી ગતિ આપશે. પીએમ મોદી આ પ્રવાસ દરમિયાન વડોદરા-મુંબઈ એક્સપ્રેસવેના બે પેકેજનું ઉદ્ઘાટન કરવાની સાથે અન્ય ચાર મહત્ત્વપૂર્ણ પ્રોજેક્ટ્સનો શિલાન્યાસ પણ કરશે.
ALSO READ: રાજકોટ-અમદાવાદ હાઈવે પર કુદરતનું રૌદ્ર સ્વરૂપ: મિનિ ટોર્નેડો જેવી રચનાથી ભયનો માહોલ (Video)

રૂ. 7,689 કરોડના ખર્ચે તૈયાર થયેલા વડોદરા-મુંબઈ એક્સપ્રેસવેના બે પેકેજ દેશને સમર્પિત કરાશે

પોતાના પ્રવાસ દરમિયાન વડાપ્રધાન વડોદરા-મુંબઈ એક્સપ્રેસવેના બે મહત્વના સેક્શન દેશને સમર્પિત કરશે. જેમાં ₹7,689 કરોડના ખર્ચે તૈયાર થયેલા 36 કિલોમીટર લાંબા કિમ-એના સેક્શન (પેકેજ 6) અને 27.50 કિલોમીટર લાંબા ગાંડેવા-એના સેક્શન (પેકેજ 7) નો સમાવેશ થાય છે. આ આધુનિક 8-લેન હાઈવે શરૂ થવાથી પ્રદેશમાં ઝડપી પરિવહન શક્ય બનશે. વાહનચાલકોની સુવિધા અને સલામતી માટે આ બંને પેકેજમાં મુખ્ય પુલ, ફ્લાયઓવર, વાહન અંડરપાસ (VUPs), સ્થાનિક લોકો માટે 70 અંડરપાસ, 2 ઇન્ટરચેન્જ અને 7 સુસજ્જ આરામ વિસ્તારો (રેસ્ટ એરિયા) વિકસાવવામાં આવ્યા છે.
 

ભારતમાલા પરિયોજના: લોજિસ્ટિક્સ ખર્ચ ઘટશે અને માલસામાનની અવરજવર ઝડપી બનશે

દિલ્હી-મુંબઈ એક્સપ્રેસવેના આ બે પેકેજો કાર્યરત થવાથી દેશના વેપાર જગતને મોટો ફાયદો થશે. ભારતમાલા પરિયોજનાના મુખ્ય ઉદ્દેશ્યોને અનુરૂપ, આ માર્ગોથી માલસામાનની અવરજવર ખૂબ જ ઝડપી બનશે અને સ્થાનિક ઉદ્યોગો માટે લોજિસ્ટિક્સ (પરિવહન) ખર્ચ ઘટાડવામાં મોટી મદદ મળશે. ઔદ્યોગિક હબ ગણાતા દક્ષિણ ગુજરાતમાંથી દેશના અન્ય ભાગોમાં કાચો માલ લાવવા અને તૈયાર માલ મોકલવાનો સમય ઘણો ઘટી જશે, જે આર્થિક રીતે સમગ્ર ક્ષેત્ર માટે ગેમ-ચેન્જર સાબિત થશે.
ALSO READ: ગુજરાત પોલીસનો સપાટો: 'ઓપરેશન ડેલ્ટા હન્ટ' હેઠળ 24 કલાકમાં 424 બાંગ્લાદેશી ઘૂસણખોરો ઝડપાયા

રૂ.4,732 કરોડના ખર્ચે NH-56 નું અપગ્રેડેશન: આદિવાસી જિલ્લાઓ અને સ્ટેચ્યુ ઓફ યુનિટીનું જોડાણ મજબૂત થશે

આ ઉપરાંત, નેશનલ હાઇવે ઓથોરિટી ઓફ ઇન્ડિયા (NHAI) દ્વારા રૂ. 4,732 કરોડના ખર્ચે ચાર વધારાના પ્રોજેક્ટ્સનો શિલાન્યાસ કરવામાં આવશે. આ અંતર્ગત NH-56 પર ધમસિયાથી બિટાડા/મોવી (પેકેજ 4) અને નસરપુરથી માલોથા (પેકેજ 6) સુધીના રસ્તાઓને ફોર-લેન બનાવવામાં આવશે. 107.67 કિલોમીટરની લંબાઈ ધરાવતા આ ફોર-લેન રોડથી નર્મદા, તાપી, વલસાડ અને છોટા ઉદેપુર જેવા આદિવાસી જિલ્લાઓ તેમજ સ્ટેચ્યુ ઓફ યુનિટી સાથેની કનેક્ટિવિટી અદભુત બનશે. આનાથી મુસાફરીનો સમય 40 મિનિટ ઘટશે અને વાહનોની સરેરાશ ગતિ 75% વધશે, જે સ્થાનિક ફાર્મા, મેડિકલ અને સીફૂડ ક્લસ્ટર સહિત 2 બંદરો અને એરપોર્ટને સીધો ફાયદો પહોંચાડશે.
About Author
વેબદુનિયા ન્યુઝ ટીમ
અમારા સ્ટ્રિંગર્સ, વિશ્વસનીય સ્ત્રોતો અને અનુભવી પત્રકારો દ્વારા તૈયાર કરવામાં આવેલી ગ્રાઉંડ રિપોર્ટ્સ, સ્પેશ્યલ રિપોર્ટ્સ અને રીયલ ટાઈમ અપડેટ્સને વરિષ્ઠ સંપાદકો દ્વારા સાવધાનીપૂર્વક તપાસીને જાણીને પ્રકાશિત કરવામાં આવે છે.... Read More

વધુ જુઓ..

લગ્નના એક મહિના પહેલાં ચહેરા અને વાળની સુંદરતા નિખારવા માટે અપનાવો આ 31 ખાસ ઉપાય

Gujarat Food Menu: લગ્નના મેનુમાં ગુજરાતની આ સ્વાદિષ્ટ વાનગીઓનો સમાવેશ કરો, પાર્ટી બની જશે ઉત્સાહી

પાર્ટી માટે બનાવો 5 સ્વાદિષ્ટ અને મસાલેદાર વેજ સ્ટાર્ટર્સ, મહેમાનો આંગળીઓ ચાટતા રહી જશે!

ઘરે બનાવેલી દાળમાં રેસ્ટોરન્ટ જેવો સ્વાદ કેમ નથી આવતો? અપનાવો ડબલ વઘારની આ ખાસ રીત, સ્વાદ થઈ જશે બમણો!

ગુલાબજળ અને બદામથી ઘરે જ બનાવો નેચરલ નાઈટ ક્રીમ, ચહેરા પર આવશે ગુલાબી નિખાર!

વધુ જુઓ..

'રામાયણ' ફિલ્મએ 13મા દિવસે ભારતમાં 821.30 કરોડનો આંકડો કર્યો પાર, દુનિયાભરમાં 1500 કરોડ સુધી પહોચવા તૈયાર

સમય રૈનાના 'કઝિન મતલબ પતિ' કમેંટ પર વિવાદ, મૌલાના કારી ઈસહાક ભડક્યા, બોલ્યા - આવા કોમેડિયંસ પર લગામ લગાવવી જોઈએ, કંઈ પણ બોલે છે.

ગુજરાતી જોક્સ - મને શું ખબર

કાલી ખેતી મૂવી પ્રિવ્યુ - હવેલી અને ભૂતોનો જમાનો જૂનો થઈ ગયો, હવે ખેતરોમાંથી નીકળશે ભૂત, જાણો જેકી શ્રોફની આ રૂરલ સાઈકોલોજીકલ હોરરની દરેક વાત

Ramayana Worldwide Box Office Collection Day 8: રણવીર કપૂર-સાંઈ પલ્લવી સ્ટારરએ દુનિયાભરમાં પાર કર્યો 1000 કરોડનો આંકડો

આગળનો લેખ
Show comments