Dharma Sangrah
✕

વાવની પેટાચૂંટણી પર કોણ લડશે આજે સ્પષ્ટ થશે

Updated: બુધવાર, 30 ઑક્ટોબર 2024 (16:24 IST)
બનાસકાંઠા જિલ્લાની વાવ વિધાનસભા બેઠક માટે ઉમેદવારી પાછી ખેંચવાનો બુધવારે છેલ્લો દિવસ છે. એ પછી આ બેઠક ઉપર કોની-કોની વચ્ચે ચૂંટણીજંગ જામશે, તેનું ચિત્ર સ્પષ્ટ થઈ જશે.
 
દિવાળીના તહેવારો બાદ અહીં તા. 13મી નવેમ્બરે ચૂંટણી યોજાશે અને તા. 23 નવેમ્બરના ચૂંટણી પરિણામો જાહેર થશે.
 
વાવની પેટાચૂંટણી માટે ભાજપે સ્વરૂપજી ઠાકોરને મેદાનમાં ઉતાર્યા છે, તો કૉંગ્રેસે ગુલાબસિંહ રાજપૂત ઉપર વિશ્વાસ મૂક્યો છે.
 
સ્વરૂપજી ઠાકોર ગત વિધાનસભા ચૂંટણી સમયે ગેનીબહેન સામે હારી ગયા હતા. સ્વરૂપજી ઠાકોર સમાજના છે, જે સંખ્યાબળની દૃષ્ટિએ આ બેઠક ઉપર મહત્ત્વપૂર્ણ ભૂમિકા ભજવે છે.
 
ગુલાબસિંહ રાજપૂત અવિભાજિત વાવ-થરાદ બેઠક ઉપરથી વિજેતા રહ્યા છે. ગુલાબસિંહ રાજપૂત સમાજના છે.
 
જોકે, અપક્ષો બંને રાષ્ટ્રીયપક્ષનું ગણિત બગાડી શકે છે. અગાઉ આમ આદમી પાર્ટીએ આ બેઠક પર ઉમેદવાર ઉતારવાની જાહેરાત કરી હતી.
 
ચૌધરી સમાજના માવજીભાઈ પટેલે અપક્ષ ઉમેદવારી કરી છે. મીડિયા રિપોર્ટ્સ પ્રમાણે, મંગળવારે રાત્રે ભાભર ખાતે ચૌધરી સમાજનું સંમેલન મળ્યું હતું, જેમાં માવજીભાઈને ટેકો જાહેર કરવામાં આવ્યો હતો.
 
સમાજના અન્ય એક અપક્ષ ઉમેદવારે તેમના સમર્થનમાં ખસી જવાની જાહેરાત કરી છે. ભાજપ તેના વિજય માટે ચૌધરી સમાજના મતો ઉપર મદાર રાખી રહ્યો હતો.
 
ભાજપે તેમને તેમને મનાવવા માટે નેતાઓને દોડાવ્યા હતા, પરંતુ તેઓ સફળ થયા છે કે નહીં, તે બુધવારે સાંજે પાંચ વાગ્યા પછી જ ખબર પડશે.
 
બનાસકાંઠા બેઠક પરથી કૉંગ્રેસનાં સંસદસભ્ય ગેનીબહેન ઠાકોરના પારિવારિક કાકા ભુરાજી ઠાકોર અપક્ષ ઉમેદવાર તરીકે ચૂંટણીજંગમાં ઊતર્યા છે.
 
કૉંગ્રેસનાં ગેનીબહેન ઠાકોર આ બેઠક ઉપરથી ધારાસભ્ય ચૂંટાઈ આવ્યાં હતાં, લોકસભાની ચૂંટણી બાદ તેઓ બનાસકાંઠાની બેઠક ઉપરથી સંસદસભ્ય બન્યાં હતાં.
 
નિયમ પ્રમાણે, તેઓ બંને પદ ધારણ કરી શકે તેમ ન હોવાથી તેમણે ધારાસભ્યપદેથી રાજીનામું આપ્યું હતું અને પેટાચૂંટણી યોજાવાની જરૂર ઊભી થઈ હતી.
 
ગેનીબહેનના વિજયને કારણે ભાજપ ગુજરાતમાં સતત ત્રીજી વખત 'તમામ 26' બેઠક જીતવાનો રેકૉર્ડ બનાવવાથી વંચિત રહી ગયો હતો.
 

વધુ જુઓ..

કાર્તિકી એકાદશી સ્પેશિયલ: ઉપવાસમાં શરીરને આપો એનર્જી, ઘરે જ બનાવો 5 સ્વાદિષ્ટ અને પૌષ્ટિક શેક

ડાયેટથી ખતમ થઈ શકે છે ડાયાબીટીસ, દવાથી પણ વધુ અસરદાર, જાણો વિશેષજ્ઞ મુજબ શું ખાવું

ઠંડીમાં ઘરે જ બનાવો પરંપરાગત ગુજરાતી કચરિયું, જાણો સરળ રેસિપી

વયસ્ક મહિલાને કેવી રીતે આકર્ષિત કરવી? તેમને પ્રભાવિત કરવા માટે સૌથી મહત્ત્વની બાબત જાણો

શિયાળાની શરૂઆત થતાં જ બનાવો પરંપરાગત ગુજરાતી અડદિયા પાક, સ્વાદ અને સેહતનો ખજાનો

વધુ જુઓ..

ગુજરાતી જોક્સ - ઠંડીના મજેદાર જોક્સ

'મને લાચાર સ્ત્રી ન સમજો...' રણબીર કપૂર સાથેના સંબંધો પર ઉઠતા સવાલોથી આલિયા ભટ્ટ લાલઘૂમ, કહી દીધી મોટી વાત

'રામાયણ' ફિલ્મએ 13મા દિવસે ભારતમાં 821.30 કરોડનો આંકડો કર્યો પાર, દુનિયાભરમાં 1500 કરોડ સુધી પહોચવા તૈયાર

સમય રૈનાના 'કઝિન મતલબ પતિ' કમેંટ પર વિવાદ, મૌલાના કારી ઈસહાક ભડક્યા, બોલ્યા - આવા કોમેડિયંસ પર લગામ લગાવવી જોઈએ, કંઈ પણ બોલે છે.

ગુજરાતી જોક્સ - મને શું ખબર

આગળનો લેખ
Show comments