સંબંધિત સમાચાર
- ખરેખર રઘુ દેસાઈ 2017માં ટીકિટના દાવેદાર હતાં, મારી ભુલ કે મેં અલ્પેશ ઠાકોરને ટીકિટ આપીઃ અશોક ગેહલોત
- મુખ્યમંત્રી ભૂપેન્દ્ર પટેલે કરી અલ્પેશ ઠાકોરના કામની પ્રશંસા, હવે રાધનપુરમાં રાજકીય માહોલ ગરમાયો
- ભાજપની ગુજરાત ગૌરવ યાત્રામાંથી હાર્દિક પટેલની છેલ્લી ઘડીએ બાદબાકી: અલ્પેશ ઠાકોરની એન્ટ્રી
- પાટીલે અલ્પેશ ઠાકોરને રાધનપુરથી ટિકીટ આપવાનું કહેતા કકળાટ શરૂ થયો
- અલ્પેશ ઠાકોર રાધનપુરથી ચૂંટણી લડશે અને જીતશેઃ પાટીલનો સંકેત
રાધનપુરના ધારાસભ્ય રઘુ દેસાઈ પર અલ્પેશ ઠાકોરે હપ્તાખોરીનો આક્ષેપ કર્યો
ગુજરાતમાં જેમ જેમ ચૂંટણી નજીક આવી રહી છે તેમ તેમ રાજનેતાઓ એકબીજા પર વાર-પલટવાર કરી રહ્યા છે. ત્યારે અલ્પેશ ઠાકોરની રાધનપુરમાં યોજાયેલી સભા બાદ ફરી એકવાર રાજકારણમાં ગરમાવો આવ્યો છે. અલ્પેશ ઠાકોરે કોંગ્રેસના ધારાસભ્ય રઘુ દેસાઈ પર હપ્તાખોરીના ગંભીર આરોપો લગાવ્યા છે અને જરૂર પડે તેના પૂરાવા આપવાની પણ વાત કરી છે.
રાધનપુરમાં અલ્પેશ ઠાકોર સભામાં સંબોધતા કહ્યું કે, ધારાસભ્ય રઘુ દેસાઈ હપ્તા ઉઘરાવી રહ્યા છે. તેમણે ખાનગી કંપનીઓ પાસેથી હપ્તા ઉઘરાવતા હોવાનો આક્ષેપ લગાવ્યો છે. સાથે જ અલ્પેશ ઠાકોરે દાવો કર્યો કે, જરૂર પડશે તો રઘુ દેસા
ઈ ક્યાંથી હપ્તા ઉઘરાવે છે તેના પુરાવા પણ આપીશ.નોંધનીય છે કે અલ્પેશ ઠાકોરે આ પહેલા પણ રઘુ ઠાકોર પર આક્ષેપ કરીને કોંગ્રેસના ધારાસભ્ય સંચાલિત ખાનગી હોસ્પિટલમાં મફત સારવાર માટે અપાતા સ્વાસ્થ્ય કાર્ડનો મુદ્દો ઉઠાવ્યો હતો. ચૂંટણી પંચમાં અલ્પેશ ઠાકોરની ફરિયાદ બાદ હોસ્પિટલમાં મફત સેવાની મંજૂરી રદ કરવામાં આવી હતી. ત્યારે આ કામગીરીના જવાબમાં રઘુ દેસાઈએ ચૂંટણી પંચ સરકારના દબાણમાં ચૂંટણીપંચની કામગીરી કરી હોવાનો આક્ષેપ લગાવ્યો હતો.
