PAK vs AUS મેચની પિચને લઈને મચ્યો બબાલ, શાહીને રિપોર્ટ્સને કહ્યુ - દરેક ટીમ પોતાના હિસાબથી પિચ તૈયાર કરે છે

પાકિસ્તાને ઓસ્ટ્રેલિયાને ત્રીજી વનડે મેચમાં 4 વિકેટથી હરાવ્યુ. આ સાથે જ પાક ટીમે આ શ્રેણીને 2-1 થી પોતાને નામે કરી. આ શ્રેણીના બધા મુકાબલા લો સ્કોરિંગ રહ્યા. સ્લો પિચ હોવાને કારણે બંને ટીમોના બેટ્સમેન રન બનાવવા માટે સંઘર્ષ કરતા જોવા મળ્યા. બેટ્સમેનોની હાલએવી રહી કે ત્રણ મેચોમાં બંને ટીમોના એક પણ બેટ્સમેન સદી બનાવી શક્યા નહી. આવામાં શ્રેણી ખતમ થયા બાદ રિપોર્ટ્સે પાક ટીમના કપ્તાન શાહીન અફરીદીને પિચને લઈને સવાલ કર્યા. તેમણે તેનો જવાબ આપતા શુ કહ્યુ આવો  તમને જણાવીએ.  

શાહીન આફ્રિદીએ ધીમી પિચ વિશે શું કહ્યું?

પ્રેસ કોન્ફરન્સમાં શાહીન આફ્રિદીએ કહ્યું કે વર્લ્ડ કપ હજુ 15 મહિના દૂર છે. દરેક દેશ મેચ જીતવા માટે પોતાની પસંદગીઓ અને શક્તિ અનુસાર પિચ તૈયાર કરે છે. વર્લ્ડ કપ પહેલા, અમારી ટીમ વેસ્ટ ઈન્ડિઝ અને ઈંગ્લેન્ડમાં ટેસ્ટ શ્રેણી રમશે. અમારા ઘણા ખેલાડીઓ આ મેચોમાં રમશે, જેનાથી તેમને વર્લ્ડ કપની તૈયારી કરવાની સારી તક મળશે. જ્યારે અમે મોહમ્મદ રિઝવાનના કેપ્ટનશીપમાં ઓસ્ટ્રેલિયા રમવા ગયા હતા, ત્યારે અમને લીલા ઘાસ અને ઉછાળવાળી પિચોનો સામનો કરવો પડ્યો હતો, છતાં અમે શ્રેણી જીતી હતી. તેથી, જ્યારે ઓસ્ટ્રેલિયન ટીમ અહીં રમવા આવે છે, ત્યારે અમે તેમને લીલી પિચો આપી શકતા નથી, કારણ કે અમારું લક્ષ્ય અમારા હોમ ગ્રાઉન્ડ પર મેચ જીતવાનું પણ છે.

Captain Shaheen Afridi on turning pitches:

- "We're still 1.5 year's always from the world cup but as you know that the team who hosts the series will make pitches of his own choice & our goal is to win the series so we did that to won the series".pic.twitter.com/VeWe2pIblJ

— usman (@cricbyusman) June 4, 2026

ઓસ્ટ્રેલિયા આ શ્રેણીમાં પોતાના મુખ્ય ખેલાડીઓ વગર રમ્યું

પાકિસ્તાન અને ઓસ્ટ્રેલિયા વચ્ચેની ત્રણ મેચની ODI શ્રેણી દરમિયાન પિચો વિશે ઘણી ચર્ચા થઈ હતી. પાકિસ્તાન ટીમ મેનેજમેન્ટે રાવલપિંડી અને લાહોરમાં જાણી જોઈને એવી પિચો તૈયાર કરી હતી જે સ્પિનરોને અનુકૂળ હોય. ઉદ્દેશ્ય મુલાકાતી ટીમની નબળાઈનો લાભ લેવાનો હતો, કારણ કે ઓસ્ટ્રેલિયા પહેલાથી જ તેના મુખ્ય ખેલાડીઓ વગર  કમજોર દેખાય રહી હતી.  

પાકિસ્તાનમાં ધીમી પિચ પર ચર્ચા

ગુરુવારે લાહોરના ગદ્દાફી સ્ટેડિયમમાં પાકિસ્તાને લો-સ્કોરિંગ મેચ જીતીને 2-1થી શ્રેણી જીતી લીધી. જોકે, આ જીતથી હવે દેશમાં ચર્ચા શરૂ થઈ ગઈ છે. લોકો પ્રશ્ન કરી રહ્યા છે કે શું આવી ધીમી પિચ પર જીત પાકિસ્તાનને આવતા વર્ષે યોજાનાર ODI વર્લ્ડ કપ માટે તૈયાર કરવામાં મદદ કરશે. કારણ કે 2027 ODI વર્લ્ડ કપ દક્ષિણ આફ્રિકામાં યોજાવાનો છે, જ્યાં ત્યાંની પિચો ઝડપી બોલરોને અનુકૂળ હોવાનું જાણીતું છે.