ગુજરાતી રેસીપી - કરકરી અરબી રેસીપી

સામગ્રી:

અરબી (કચાલુ) – 500 ગ્રામ

ચોખાનો લોટ – 2 ટેબલસ્પૂન

બેસન – 2 ટેબલસ્પૂન

લાલ મરચું પાવડર – 1 ટીસ્પૂન

હળદર – ચોથાઈ  ટીસ્પૂન

ધાણા-જીરું પાવડર – 1 ટીસ્પૂન

ગરમ મસાલો – અડધી ટીસ્પૂન

અજમો – અડધી ટીસ્પૂન

મીઠું – સ્વાદ મુજબ

લીંબુનો રસ – 1 ટીસ્પૂન

બારીક સમારેલી કોથમીર – 2 ટેબલસ્પૂન

તેલ – 2 થી 3 ટેબલસ્પૂન (શેકવા માટે)

બનાવવાની રીત:

અરબીને સારી રીતે ધોઈને પ્રેશર કૂકરમાં 1-2 સિટી સુધી અથવા નરમ થાય ત્યાં સુધી બાફી લો.

ઠંડી થાય પછી તેની છાલ ઉતારી લો.

દરેક અરબીને હળવેથી હાથ અથવા ગ્લાસની મદદથી દબાવી ચપટી કરી લો.

એક બાઉલમાં ચોખાનો લોટ, બેસન, લાલ મરચું, હળદર, ધાણા-જીરું પાવડર, ગરમ મસાલો, અજમો અને મીઠું ભેળવો.

આ મસાલામાં અરબીને સારી રીતે કોટ કરો.

ઉપરથી લીંબુનો રસ છાંટો.

એક નોન-સ્ટિક તવા પર તેલ ગરમ કરો.

કોટ કરેલી અરબીને મધ્યમ તાપ પર બંને બાજુથી ગોલ્ડન બ્રાઉન અને એકદમ કિરકિરી થાય ત્યાં સુધી શેકો.

તૈયાર થયા પછી ઉપર કોથમીર ભભરાવી ગરમાગરમ સર્વ કરો.