Dharma Sangrah
✕

ચાંદીપુરા વાયરસના ખતરા સામે AMC સજ્જ: અમદાવાદમાં બાળ આરોગ્યને કેન્દ્રમાં રાખીને વિશેષ સાવચેતી, સઘન સર્વેલન્સ શરૂ

Updated: બુધવાર, 15 જુલાઈ 2026 (16:07 IST)
ચોમાસાના વરસાદી માહોલ વચ્ચે ચાંદીપુરા વાયરસ અને ડેન્ગ્યુ જેવા ઘાતક રોગોનો ખતરો વધવાની આશંકાને પગલે અમદાવાદ મ્યુનિસિપલ કોર્પોરેશન (AMC) દ્વારા સમગ્ર શહેરમાં 'ઓપરેશન મોનસૂન' શરૂ કરવામાં આવ્યું છે. મચ્છરજન્ય અને વાયરસથી ફેલાતા રોગચાળાને ફેલાતો અટકાવવા માટે આરોગ્ય વિભાગે તમામ ઝોનમાં સર્વેલન્સ, લાર્વા ડિસ્ટ્રક્શન (મચ્છરોના પોરાનો નાશ), ફોગિંગ અને તાવના દર્દીઓના મોનિટરિંગની કામગીરી યુદ્ધના ધોરણે તેજ કરી દીધી છે. આ ઉપરાંત, રાજ્યના આરોગ્ય વિભાગ દ્વારા પણ ખાસ કરીને ચાંદીપુરા વાયરસની તપાસ અને અટકાયત માટે અલગ-અલગ સ્પેશિયલ ટીમોની રચના કરવામાં આવી છે.
Ahmedabad Operation Monsoon

ALSO READ: Chandipura Virus : ચાંદીપુરા વાયરસ શું છે ? જાણો તેના લક્ષણો અને બચવાના ઉપાય

 

બાળ આરોગ્ય કેન્દ્ર સ્થાને: ચાંદીપુરા વાયરસ સામે ખાસ તકેદારી

રાજ્યમાં અગાઉ નોંધાયેલા ચાંદીપુરા વાયરસના કેસોને ધ્યાનમાં રાખીને અમદાવાદ શહેરમાં બાળકોના સ્વાસ્થ્ય પર વિશેષ ધ્યાન આપવામાં આવી રહ્યું છે. તંત્ર દ્વારા બાળ આરોગ્યને કેન્દ્રમાં રાખીને વિશેષ સાવચેતીના પગલાં લેવામાં આવી રહ્યા છે. શહેરની તમામ સરકારી અને ખાનગી હોસ્પિટલોને કોઈ પણ શંકાસ્પદ કેસ સામે આવે તો તેની તાત્કાલિક અસરથી તંત્રને જાણ કરવા કડક સૂચના આપવામાં આવી છે. આ સાથે જ શહેરના તમામ બાળરોગ નિષ્ણાતો (Pediatricians) ને પણ સતત એલર્ટ મોડ પર રહેવા માટે જણાવાયું છે.
 

ઘરે-ઘરે સઘન ચેકિંગ અને મચ્છરોના ઉત્ત્પતિ સ્થાનોનો નાશ

આરોગ્ય વિભાગની ટીમો દરરોજ શહેરના વિવિધ વિસ્તારોમાં ઘરે-ઘરે જઈને પાણી ભરાઈ રહેતું હોય તેવા સ્થળોની તપાસ કરી રહી છે. ઘર વપરાશના કુલર, ઓવરહેડ ટાંકીઓ, ફૂલદાની, અગાશી પર પડેલા જૂના ટાયરો, બાંધકામ ચાલતું હોય તેવી સાઇટ્સ અને અન્ય સંભવિત જગ્યાઓ પર ઝીણવટભરી તપાસ હાથ ધરવામાં આવી રહી છે. જો કોઈ જગ્યાએ મચ્છરોના લાર્વા (પોરા) મળી આવે તો તેનો તાત્કાલિક નાશ કરવામાં આવે છે અને જરૂરિયાત મુજબના વિસ્તારોમાં ફોગિંગ તથા એન્ટી-લાર્વલ દવાઓનો છંટકાવ કરવામાં આવી રહ્યો છે.
ALSO READ: લોહીના નહીં લાગણીના સંબંધો: 15 વર્ષ જૂનો સાથ છૂટતા જ માલિક પાછળ પાલતુ કૂતરાએ પણ ત્યજી દીધા પ્રાણ

 

જાહેર સ્થળો પર રડાર અને તાવના દર્દીઓનું સઘન ટ્રેકિંગ

આ સઘન ઝુંબેશ અંતર્ગત માત્ર રહેણાંક વિસ્તારો જ નહીં, પરંતુ શાળાઓ, આંગણવાડીઓ, હોસ્પિટલો, જાહેર બગીચાઓ, બજારો અને અન્ય ભીડભાડવાળા જાહેર સ્થળોને પણ આરોગ્ય વિભાગના રડાર હેઠળ આવરી લેવાયા છે. ડેન્ગ્યુ અને મેલેરિયાના કેસોને વહેલી તકે શોધીને સારવાર આપી શકાય તે માટે ફીવર સર્વેલન્સ (તાવના દર્દીઓની તપાસ) વધારવામાં આવ્યું છે. દૈનિક ધોરણે તાવના દર્દીઓનો ડેટા એકત્ર કરી જરૂરી ટેસ્ટ કરવામાં આવી રહ્યા છે. આરોગ્ય અધિકારીઓના જણાવ્યા મુજબ, ચોમાસાની સમગ્ર સિઝન દરમિયાન આ વિશેષ મોનિટરિંગ સતત ચાલુ રહેશે.

વધુ જુઓ..

કાર્તિકી એકાદશી સ્પેશિયલ: ઉપવાસમાં શરીરને આપો એનર્જી, ઘરે જ બનાવો 5 સ્વાદિષ્ટ અને પૌષ્ટિક શેક

ડાયેટથી ખતમ થઈ શકે છે ડાયાબીટીસ, દવાથી પણ વધુ અસરદાર, જાણો વિશેષજ્ઞ મુજબ શું ખાવું

ઠંડીમાં ઘરે જ બનાવો પરંપરાગત ગુજરાતી કચરિયું, જાણો સરળ રેસિપી

વયસ્ક મહિલાને કેવી રીતે આકર્ષિત કરવી? તેમને પ્રભાવિત કરવા માટે સૌથી મહત્ત્વની બાબત જાણો

શિયાળાની શરૂઆત થતાં જ બનાવો પરંપરાગત ગુજરાતી અડદિયા પાક, સ્વાદ અને સેહતનો ખજાનો

વધુ જુઓ..

ગુજરાતી જોક્સ - ઠંડીના મજેદાર જોક્સ

'મને લાચાર સ્ત્રી ન સમજો...' રણબીર કપૂર સાથેના સંબંધો પર ઉઠતા સવાલોથી આલિયા ભટ્ટ લાલઘૂમ, કહી દીધી મોટી વાત

'રામાયણ' ફિલ્મએ 13મા દિવસે ભારતમાં 821.30 કરોડનો આંકડો કર્યો પાર, દુનિયાભરમાં 1500 કરોડ સુધી પહોચવા તૈયાર

સમય રૈનાના 'કઝિન મતલબ પતિ' કમેંટ પર વિવાદ, મૌલાના કારી ઈસહાક ભડક્યા, બોલ્યા - આવા કોમેડિયંસ પર લગામ લગાવવી જોઈએ, કંઈ પણ બોલે છે.

ગુજરાતી જોક્સ - મને શું ખબર

આગળનો લેખ
Show comments