Daily Horoscope
✕

ગુજરાતમાં પહેલા નોરતે ૧૯૦ તાલુકામાં વરસાદ: સૌથી વધુ ભાણવડમાં ૮ ઈંચ

Updated: સોમવાર, 30 સપ્ટેમ્બર 2019 (13:01 IST)
સમગ્ર સૌરાષ્ટ્રમાં ગઈકાલ રાતથી એકધારો વરસાદ વરસી રહ્યો છે. આવનારા બે દિવસ ગુજરાત માટે ભારે સંકટ છે એવી હવામાન ખાતાએ આગાહી કરી છે. હવામાન વિભાગની ભારે વરસાદની અગાહી વચ્ચે દેવભૂમિદ્વારકાના ભાણવડમાં સૌથી વધુ ૧૯૯ મિમી એટલે કે ૮ ઇંચ વરસાદ થયો હતો, જ્યારે કલ્યાણપુરમાં ૧૪૨ મિમી અને ખંભાલીયામાં ૧૩૯ મિમી વરસાદ નોંધાયો હતો. ભારે વરસાદના પગલે કેટલીક જગ્યાએ પૂર જેવી સ્થિતિ સર્જાઈ હતી.

રાજ્યના અન્ય તાલુકામાં સવારના છ થી સાંજના છ વાગ્યા સુધીમાં રાજકોટના લોધિયા તાલુકામાં ૧૧૫ મિમી, જામકંડોરણામાં ૧૦૪, ધોરાજીમાં ૬૮, ગોંડલમાં ૫૨, જેતપુરમાં ૪૭ અને કોટડાસાંગાણી, પડધરી ૪૬ મિમી, જ્યારે ઉપલેટામાં ૪૦ મિ.મી. વરસાદ વરસ્યો હતો. મોરબીમાં સવારથી મેઘમહેર યથવાત છે. જિલ્લામાં હાલમાં ધીમીધારે વરસાદ વરસી રહ્યો છે. મોરબી જિલ્લામાં સવારના છથી સાંજના છ વાગ્યા સુધીમાં ટંકારામાં ૯૫ મિ.મી., મોરબી ૫૬, વાંકાનેરમાં ૪૩, મીમી વરસાદ નોંધાયો હતો. જ્યારે જૂનાગઢના માણાવદરમાં ૯૭ મિ.મી, કેશોદ ૬૬, માળિયામાં ૬૪, વિસાવદરમાં ૬૪, વંથલી ૫૯, ભેસાણમાં ૫૮, જૂનાગઢમાં ૫૮ મિમી, જૂનાગઢ શહેરમાં ૫૮ મિમી, માંગરોળમાં ૫૭, મેદરડામાં ૫૦ મિ.મી. વરસાદ નોંધાયો હતો. જામનગરના જામજોધપુરમાં ૧૦૩ મિ.મી, જોડિયામાં ૯૨, જામનગર તાલુકામાં ૮૫, ધ્રોલમાં ૪૬, કાલાવડમાં ૪૫ મિ.મી. વરસાદ વરસ્યો હતો. જ્યારે અન્ય તાલુકાઓમાં સાયલા, તલાલા, વાડિયા, કુતિયાણા, ધ્રાંગધ્રા, વેરાવળ, થાનગઢ, પોરબંદર, હારિજ, વઢવાણ, બગસરામાં એકથી બે ઇંચ વરસાદ નોંધાયો હતો. આમ રાજ્યના કુલ ૧૯૦ તાલુકામાં નોંધપાત્ર વરસાદ વરસ્યો હતો.

જિલ્લાના એકધારા અનરાધાર વરસાદના કારણે તમામ નદી નાળા છલકાયાં છે જયારે, ઓઝત અને સાંકડી નદી બે કાંઠે વહી રહી છે. સર્વત્ર ભારે વરસાદને કારણે ખેતરોમાં પાણી ભરાયા હતા. જૂનાગઢના જામકંડોરણાના રામપરની નદીમાં એક કાર તણાઈ હતી. જેમાં બે મહિલાના મોત નીપજ્યાં હતાં.

દરમિયાન પાટીયાળી પાસે આવેલો મોતીસર ડેમના પાંચ દરવાજા ૪૦ ડિગ્રી સુધી ખોલવામાં આવ્યા હતા. આથી નીચાણવાળા ગામોને એલર્ટ કરવામાં આવ્યા છે. નવી મેંગણી ગામની નદીમાં ઘોડાપૂર આવતા લોકો જોવા ઉમટી પડ્યા હતા. ગોંડલમાં વીજળી પડવાથી પાવર ઓવરલોડ થતા એસીના શો રૂમમાં આગ ભભૂકતા બળીને ખાખ થઈ ગયો હતો. ઉપરવાસમાં ભારે વરસાદને કારણે આવક વધતા રાજકોટના આજી એક અને બે તેમજ ન્યારી એક અને બે ડેમ ફરીવાર ઓવરફ્લો થયા હતા.

વધુ જુઓ..

કાર્તિકી એકાદશી સ્પેશિયલ: ઉપવાસમાં શરીરને આપો એનર્જી, ઘરે જ બનાવો 5 સ્વાદિષ્ટ અને પૌષ્ટિક શેક

ડાયેટથી ખતમ થઈ શકે છે ડાયાબીટીસ, દવાથી પણ વધુ અસરદાર, જાણો વિશેષજ્ઞ મુજબ શું ખાવું

ઠંડીમાં ઘરે જ બનાવો પરંપરાગત ગુજરાતી કચરિયું, જાણો સરળ રેસિપી

વયસ્ક મહિલાને કેવી રીતે આકર્ષિત કરવી? તેમને પ્રભાવિત કરવા માટે સૌથી મહત્ત્વની બાબત જાણો

શિયાળાની શરૂઆત થતાં જ બનાવો પરંપરાગત ગુજરાતી અડદિયા પાક, સ્વાદ અને સેહતનો ખજાનો

વધુ જુઓ..

ગુજરાતી જોક્સ - ઠંડીના મજેદાર જોક્સ

'મને લાચાર સ્ત્રી ન સમજો...' રણબીર કપૂર સાથેના સંબંધો પર ઉઠતા સવાલોથી આલિયા ભટ્ટ લાલઘૂમ, કહી દીધી મોટી વાત

'રામાયણ' ફિલ્મએ 13મા દિવસે ભારતમાં 821.30 કરોડનો આંકડો કર્યો પાર, દુનિયાભરમાં 1500 કરોડ સુધી પહોચવા તૈયાર

સમય રૈનાના 'કઝિન મતલબ પતિ' કમેંટ પર વિવાદ, મૌલાના કારી ઈસહાક ભડક્યા, બોલ્યા - આવા કોમેડિયંસ પર લગામ લગાવવી જોઈએ, કંઈ પણ બોલે છે.

ગુજરાતી જોક્સ - મને શું ખબર

આગળનો લેખ
Show comments