સંબંધિત સમાચાર
- રાજ્યમાં પહેલીવાર ડ્રગ્સના મેન્યુફેક્ચરિંગ યુનિટ પર દરોડા, 4.5 કિલો એમ.ડી ડ્રગ્સ અને 85 લાખ રોકડ ઝડપાઈ
- ઉંદરો બેગમાં રાખેલા બે લાખ કાતરી નાખ્યા, પેટનું ઓપરેશન કરાવવા ખેડૂતે પૈસા એકત્ર કર્યા હતા
- અમદાવાદમાં એક મકાનમાંથી સોના-ચાંદીના દાગીના મળી 27 લાખની ચોરી,છૂટાછેડાની ફાઈલ, બાળકોના પાસપોર્ટ અને રોકડ પણ ચોરાયા
- અમદાવાદમાં લોકોનું ભલુ કરવા નાગા બાવા બનીને આશિર્વાદ આપી દાગીના અને રોકડ લૂંટતી ગેંગ ઝડપાઈ
- ખેડૂતોને હવે 2400 રૂપિયાની ડીએપીની બેગ 1200 રૂપિયામાં પડશે
ઈમાનદાર સિક્યુરિટી ગાર્ડ - 8 મહિનાની નોકરીમાં અનેક પેસેન્જસોના મોંઘા ફોન, બેગ, રોકડ રૂપિયા પરત કર્યા
દુનિયામાં લોકો ઈમાનદારીને હજી ભુલ્યા નથી. પોતાની પાસે જો અન્યની વસ્તુઓ આવી જાય તો તેને પરત આપી માનવતાનું ઉદાહરણ પુરૂ પાડે છે. આવો જ એક કિસ્સો અમદાવાદ એરપોર્ટ પર ફરજ બજાવતા સિક્યુરિટી ગાર્ડનો છે. જેણે પોતાની 8 મહિનાની નોકરીમાં અનેક પેસેન્જસોના મોંઘા ફોન, બેગ, રોકડ રૂપિયા સહિતની વસ્તુઓ મુળ માલિકને શોધીને પરત કરી છે.
ગાર્ડ તરીકે પોતાની ફરજ પૂર્ણ રીતે નિભાવી છે
અમદાવાદ એરપોર્ટ પર મનીશ જાદવ નામનો સિક્યુરિટી ગાર્ડ ફરજ બજાવે છે. તેણે પોતાની આઠ મહિનાની નોકરીમાં ઈમાનદારીના અનેક ઉદાહરણો પુરા પાડ્યાં છે.એક સિક્યુરિટી ગાર્ડ તરીકે પોતાની ફરજ પૂર્ણ રીતે નિભાવી છે. અમદાવાદ એરપોર્ટ પર દરરોજના હજારોની સંખ્યામાં પેસેન્જર આવતા જતા હોય છે. કેટલાક પેસેન્જર ઉતાવળમાં એરપોર્ટ પર કે બહાર ટ્રોલીમાં પોતાની કોઈને કોઈ વસ્તુ ભૂલી જતાં હોય છે. મનીષ જાદવે પોતાની ફરજ દરમિયાન આ રીતે અનેક મોંઘા મોબાઈલ ફોન, બેગ અને રોકડ રકમ ભરેલી બેગ પરત કરી છે.
મનીષને 97 હજાર રોકડ ભરેલી એક બેગ મળી હતી
ગત ડિસેમ્બર માસમાં મનીષને 97 હજાર રોકડ ભરેલી એક બેગ મળી હતી જે તેને પરત કરી હતી. ગઈકાલે મંગળવારે પણ તેને ટ્રાફિક કંટ્રોલ દરમિયાન ટ્રોલીમાં એક બેગ નજરે પડી હતી. જેથી પોતે ટ્રોલી લઈને જતા શખ્સને ઓળખી અને તેની પાસે જઈ બેગ પરત કરી હતી. એરપોર્ટ ઓથોરીટીએ વેરીફાઇ કરી બેગ પરત કરી હતી.
