Biodata Maker
✕

Arvind Kejriwal become Punjab CM : ભગવંત માન પાસેથી છીનવાય જશે ખુરશી ? પંજાબનાં CM નું પદ સંભાળશે કેજરીવાલ, BJP-કોંગ્રેસનો દાવો

Updated: સોમવાર, 10 ફેબ્રુઆરી 2025 (22:26 IST)
દેશની રાજધાની દિલ્હીમાં સત્તા ગુમાવ્યા બાદ, અરવિંદ કેજરીવાલની આમ આદમી પાર્ટી પાસે હવે ફક્ત પંજાબમાં જ સરકાર બચી છે. શું કેજરીવાલ હવે પંજાબના મુખ્યમંત્રીનું  પદ સંભાળશે? શું ભગવંત માનને મુખ્યમંત્રી પદ પરથી હટાવવામાં આવશે? આ એવા પ્રશ્નો છે જે દેશના રાજકારણમાં ખૂબ ચર્ચામાં આવી રહ્યા છે. આનું મુખ્ય કારણ મંગળવારે પંજાબના આમ આદમી પાર્ટીના ધારાસભ્યો સાથે કેજરીવાલની મુલાકાત છે. AAP કન્વીનરે દિલ્હીમાં આ બેઠક બોલાવી છે. ભાજપ અને કોંગ્રેસ આરોપ લગાવી રહ્યા છે કે આમ આદમી પાર્ટીના કન્વીનર અરવિંદ કેજરીવાલ હવે ભગવંત માનને સત્તા પરથી હટાવીને પોતે પંજાબના મુખ્યમંત્રી બનવાનો પ્રયાસ કરી રહ્યા છે.
 
સિરસાએ ઉઠાવ્યા પ્રશ્નો 
ભાજપના ધારાસભ્ય મનજિંદર સિંહ સિરસાએ કહ્યું કે કેજરીવાલે પંજાબના ધારાસભ્યોની બેઠક બોલાવી છે. તેઓ ભગવંત માનને અયોગ્ય ગણાવીને તેમને મુખ્યમંત્રી પદ પરથી દૂર કરવાનો પ્રયાસ કરી રહ્યા છે. સિરસાએ કહ્યું કે કેજરીવાલ પંજાબમાં મહિલાઓને 1,000 રૂપિયા આપવાના પોતાના વચનને પૂર્ણ કરવામાં નિષ્ફળ ગયા છે. ડ્રગ્સના વ્યસનને પણ કાબુમાં ન રાખી શક્યા. પંજાબમાં પરિસ્થિતિ વધુ ખરાબ થઈ ગઈ છે. સિરસાએ કહ્યું કે હવે કેજરીવાલ તેમના પંજાબના ધારાસભ્યોને એવું કહેવા માટે મજબૂર કરી રહ્યા છે કે તેઓ એક સારા માણસ છે અને તેમને ત્યાંના મુખ્યમંત્રી બનાવવા જોઈએ.
 
પંજાબ કોંગ્રેસે શું કહ્યું?
આ પહેલા પંજાબ કોંગ્રેસના નેતા અને રાજ્ય વિધાનસભામાં વિરોધ પક્ષના નેતા પ્રતાપ સિંહ બાજવાએ કહ્યું હતું કે દિલ્હીમાં હાર્યા બાદ, કેજરીવાલ હવે ધારાસભ્યો સાથે વાત કરીને પંજાબના મુખ્યમંત્રી બનવાનો પ્રયાસ કરી રહ્યા છે. ભગવંત માનને મુખ્યમંત્રી પદ પરથી હટાવ્યા બાદ તેઓ પોતે પંજાબના મુખ્યમંત્રી બનવા માંગે છે. તેમણે પંજાબમાં વહેલી ચૂંટણી અને પંજાબની આમ આદમી પાર્ટીમાં આંતરિક ઝઘડાની પણ આગાહી કરી હતી. બાજવાએ પોતાના નિવેદનમાં આમ આદમી પાર્ટીના પંજાબ પ્રદેશ પ્રમુખ અમન અરોરાના તે નિવેદનનો પણ ઉલ્લેખ કર્યો જેમાં કહેવામાં આવ્યું હતું કે એક હિન્દુ પણ પંજાબનો મુખ્યમંત્રી બની શકે છે.

વધુ જુઓ..

કાર્તિકી એકાદશી નિમિત્તે ભગવાન વિષ્ણુ અને વિઠ્ઠલને ધરાવો આ ખાસ નૈવેદ્ય, જાણો પરંપરાગત મીઠાઈઓની રેસિપી

શરીરમાં મેગ્નેશિયમની કમી નહી થવા દે આ ફુડ્સ, ઉંઘ અને માંસપેશીઓ માટે પણ લાભકારી

કાળા અને ચીકણા તવાને મિનિટોમાં બનાવો ચમકદાર! લીંબુ અને મીઠાની આ જબરદસ્ત ટ્રિક અજમાવો

શિયાળાની ખાસ ગુજરાતી વાનગીઓ – Winter Special Gujarati Food

મકાઈ ના ઢોકળા

વધુ જુઓ..

'રામાયણ' ફિલ્મએ 13મા દિવસે ભારતમાં 821.30 કરોડનો આંકડો કર્યો પાર, દુનિયાભરમાં 1500 કરોડ સુધી પહોચવા તૈયાર

સમય રૈનાના 'કઝિન મતલબ પતિ' કમેંટ પર વિવાદ, મૌલાના કારી ઈસહાક ભડક્યા, બોલ્યા - આવા કોમેડિયંસ પર લગામ લગાવવી જોઈએ, કંઈ પણ બોલે છે.

ગુજરાતી જોક્સ - મને શું ખબર

કાલી ખેતી મૂવી પ્રિવ્યુ - હવેલી અને ભૂતોનો જમાનો જૂનો થઈ ગયો, હવે ખેતરોમાંથી નીકળશે ભૂત, જાણો જેકી શ્રોફની આ રૂરલ સાઈકોલોજીકલ હોરરની દરેક વાત

Ramayana Worldwide Box Office Collection Day 8: રણવીર કપૂર-સાંઈ પલ્લવી સ્ટારરએ દુનિયાભરમાં પાર કર્યો 1000 કરોડનો આંકડો

આગળનો લેખ
Show comments