Single Use Plastic Ban- પ્લાસ્ટિકના ચમચા, ગ્લાસથી લઈને ફ્લેગ-બેનર અને ઈયરબડ સુધી બધું જ બંધ થશે, 1 જુલાઈથી સિંગલ યુઝ પ્લાસ્ટિક પર પ્રતિબંધ

Single Use Plastic Ban : પ્લાસ્ટિક ફ્લેગ્સથી લઈને પર્યાવરણને નુકસાન પહોંચાડતા ઈયરબડ્સ પર 1 જુલાઈથી પ્રતિબંધ લાગશે. સેન્ટ્રલ પોલ્યુશન કંટ્રોલ બોર્ડ (CPCB) એ તેના ઉત્પાદન, સંગ્રહ, વિતરણ અને ઉપયોગ સાથે સંકળાયેલા તમામ પક્ષોને નોટિસ જારી કરી છે. જેમાં 30 જૂન પહેલા તેમના પર પ્રતિબંધની તૈયારીઓ પૂર્ણ કરવા માટે કહેવામાં આવ્યું છે.

સિંગલ યુઝ પ્લાસ્ટિક પર્યાવરણ માટે અત્યંત હાનિકારક માનવામાં આવે છે. આ પ્લાસ્ટિક ઉત્પાદનો લાંબા ગાળે પર્યાવરણને નુકસાન પહોંચાડે છે. નુકસાનને ધ્યાનમાં રાખીને, ઓગસ્ટ 2021 માં, કેન્દ્રીય પર્યાવરણ મંત્રીએ તેના પર પ્રતિબંધ મૂકવાનું જાહેરનામું બહાર પાડ્યું હતું.

આ વસ્તુઓ પર પ્રતિબંધ રહેશેઃ સીપીસીબીની સૂચના મુજબ 1 જુલાઈથી પ્લાસ્ટિક સ્ટીક ઈયરબડ, બલૂનમાં પ્લાસ્ટિક સ્ટીક, પ્લાસ્ટિક ફ્લેગ, કેન્ડી સ્ટિક, આઈસ્ક્રીમ સ્ટિક, ડેકોરેશનમાં વપરાતી થર્મોકોલ વગેરે. આ સાથે પ્લાસ્ટિકના કપ, પ્લેટ, ગ્લાસ, કાંટા, ચમચી, છરી, સ્ટ્રો, ટ્રે, મીઠાઈના પેકેજિંગ માટે પ્લાસ્ટિક, પ્લાસ્ટિક આમંત્રણ કાર્ડ, 100 માઈક્રોનથી ઓછી જાડાઈવાળા પીવીસી બેનરો વગેરે જેવી કટલરી વસ્તુઓનો સમાવેશ થાય છે.