Biodata Maker
✕

મેડિકલના 5 હજાર વિદ્યાર્થીઓએ ઘરે ઘરે જઈ કોરોનાના ટેસ્ટ કરવા પડશે

Updated: બુધવાર, 26 ઑગસ્ટ 2020 (12:24 IST)
હાઈકોર્ટના આદેશ બાદ મ્યુનિ.એ મેડિકલ અને પેરા મેડિકલના પાંચ હજાર વિદ્યાર્થીઓને કોરોનાની ફિલ્ડ ડ્યૂટી સોંપવાનો નિર્ણય કર્યો છે. આ વિદ્યાર્થીઓ ઘરે ઘરે જઈને ટેસ્ટ કરશે. તેમને પાંચથી છ દિવસની તાલીમ આપી દૈનિક રૂ. 500 સ્ટાઇપેન્ડ આપવાનો પણ નિર્ણય કરાયો છે. શહેરમાં કોરોનાના કેસોની શરૂઆતમાં મેડિકલના 300 વિદ્યાર્થી જ કોવિડ ડ્યૂટીમાં હતા. અધિક મુખ્ય સચિવ ડો. રાજીવ કુમાર ગુપ્તાની અધ્યક્ષતામાં મળેલી બેઠકમાં નિર્ણય લેવાયો હતો કે, હવે મેડિકલ, ડેન્ટલ કોલેજ, નર્સિંગ કોલેજના વિદ્યાર્થીઓ તથા ઇન્ટર્નની સેવાઓ કોરોના સામેની લડાઈમાં લેવાશે. તેમાં એમબીબીએસના બીજા, ત્રીજા, ચોથા વર્ષના વિદ્યાર્થીઓ તથા ઇન્ટર્ન, ડેન્ટલના પણ બીજા ત્રીજા, ચોથા વર્ષના વિદ્યાર્થીઓ, નર્સિંગના પણ બીજા, ત્રીજા, ચોથા વર્ષના વિદ્યાર્થીઓને આ કામગીરીમાં જોડાશે. આ વિદ્યાર્થીઓની કોલેજો શરૂ થાય કે નિયમિત વર્ગો શરૂ થાય ત્યાં સુધી સેવાઓ ચાલુ રહેશે. ડાયાબિટિસ, હ્રદયની બીમારીથી ગ્રસ્ત વિદ્યાર્થીને આ ડ્યૂટીમાંથી મુક્તિ અપાશે. વિદ્યાર્થીઓએ હવે આ ગાઈડલાઈન મુજબ કામ કરવાનું રહેશે.ફિલ્ડ સર્વેલન્સ કરવું પડશે,સુપરવિઝન કરવાનું રહેશે, સંક્રમણ અટકાવવા તથા નિયંત્રણમાં લેવા માટે પગલાં, ટેસ્ટિંગ કરવાનું રહેશે, મનોચિકિત્સક અને સામાજિક સંભાળ પ્રકારની કામગીરી, નર્સિંગ આસિ.ની કામગીરી, લક્ષણો ન હોય તેવા અને ક્વોરન્ટાઇન કરાયેલા દર્દીઓની તપાસની કામગીરી, લક્ષણો ધરાવતા હોય તેવા દર્દીઓને શોધવાની કામગીરી, હોમ આઇસોલેશનમાં હોય તેવા દર્દીઓની સંભાળ લેવી, શહેરની 26 કોલેજના વિદ્યાર્થીઓ જોડાશે. શહેરમાં મેડિકલની 6 કોલેજો આવેલી છે તેમ જ ડેન્ટલની 3 કોલેજ છે. જ્યારે નર્સિંગની 17 કોલેજ છે. આ કોલેજોમાં મેડિકલમાં 1200 વિદ્યાર્થી, ડેન્ટલમાં 300 વિદ્યાર્થી જ્યારે નર્સિંગમાં 800 વિદ્યાર્થીઓ અભ્યાસ કરી રહ્યા છે. તેમાં પ્રથમ વર્ષના 500થી વધુ વિદ્યાર્થીઓને બાદ કરતાં બાકીનાં વર્ષમાં અભ્યાસ કરતા વિદ્યાર્થીઓને આ કામમાં જોતરવામાં આવી શકે છે.
 
 

વધુ જુઓ..

દિવાળી સ્પેશિયલ પરંપરાગત રેસીપી

કરવા ચોથ પર સૂર્યોદય પહેલા સરગી ખાવાની પરંપરા

Karwa Chauth Gift: કરવા ચોથ પર પત્નીને આ ગિફ્ટ આપીને કરો ખુશ

Chakali Recipe- ગુજરાતનો ખૂબ જ લોકપ્રિય અને ક્રિસ્પી નાસ્તો ચકલી

ઘરે પેંડા બનાવવાની રીત; થોડી સામગ્રી સાથે સરળ રેસીપી

વધુ જુઓ..

'તેને મારી જરૂર છે...': જ્હાન્વી કપૂર માટે શિખરે છોડી દીધો હતો અભ્યાસ, શ્રીદેવીના નિધન બાદ લંડનથી દોડી આવ્યા હતા બોયફ્રેન્ડ!

દિવાળીની સફાઈ જોક્સ

અનુષ્કા શર્મા-વિરાટ કોહલી કનૈયાની ભક્તિમાં થયા લીન, મુંબઈમા કૃષ્ણા દાસના લાઈવ કીર્તનમાં થયા સામેલ, ભજન પર ઝૂમ્યા

ઈશા અંબાનીને બર્થડે પર BFF ઓરી તરફથી મળી ખાસ સરપ્રાઈઝ, રીક્રીએટ કર્યુ શાહરૂખ-કાજોલનુ આઈકૉનિક ગીત, વીડિયો વાયરલ

અમિતાભ બચ્ચન અને દિલજીત દોસાંજને બોમ્બની ધમકી, 27 નવેમ્બર સુધી થશે હુમલો, મુંબઈના મેયરને મળ્યો મેલ

આગળનો લેખ
Show comments