સૌથી ઊંચા સ્ટેચ્યુ, મેગા સ્ટેડિયમ અને મૉલ પછી હવે ગુજરાતમાં બનશે દેશની સૌથી મોટી લાઈબ્રેરી, 100 કરોડ રૂપિયા મંજૂર

હાલમાં સૌથી મોટી લાઇબ્રેરી ક્યાં આવેલી છે?

ગુજરાતના બજેટની જાહેરાત મુજબ, આ સૌથી મોટી લાઇબ્રેરી ગાંધીનગરમાં બનાવવામાં આવશે. ગુજરાતની રાજધાની, ગાંધીનગરમાં વિધાનસભા અને અસંખ્ય સરકારી કચેરીઓ આવેલી છે. ગિફ્ટ સિટી પણ ગાંધીનગરમાં આવેલી છે. આ લાઇબ્રેરી ગેમ-ચેન્જર બની શકે છે, કારણ કે આ પ્રદેશમાં અનેક યુનિવર્સિટીઓ અને કોલેજો છે. હાલમાં, ભારતની સૌથી મોટી લાઇબ્રેરી પશ્ચિમ બંગાળના કોલકાતામાં છે. તે 1836 માં બનાવવામાં આવી હતી. આ લાઇબ્રેરીમાં 2.6 મિલિયન પુસ્તકો અને દસ્તાવેજો છે. ગુજરાતના નાણામંત્રી કનુ દેસાઇના જણાવ્યા અનુસાર, તે પબ્લિક રીડિંગ ઇન્ફ્રાસ્ટ્રક્ચર (PRI) હેઠળ બનાવવામાં આવશે.

નમો સેંટ્રલ લાઈબ્રેરી રહેશે નામ 

આ પુસ્તકાલયને 'નમો સેન્ટ્રલ લાઇબ્રેરી' કહેવામાં આવશે. તે દેશનું સૌથી મોટું અને આધુનિક પુસ્તકાલય હશે. ગુજરાતના નાણામંત્રી દેસાઇએ આદિવાસી વિસ્તારોમાં નવી પુસ્તકાલયોના નિર્માણની પણ જાહેરાત કરી. દેસાઇના જણાવ્યા મુજબ, કેન્દ્રીય પુસ્તકાલય સંપૂર્ણપણે ડિજિટલ શિક્ષણ અને અભ્યાસ સુવિધાઓ પ્રદાન કરશે, જે તેને વિદ્યાર્થીઓ, સંશોધકો અને સ્પર્ધાત્મક પરીક્ષાના ઉમેદવારો માટે રાજ્ય-સ્તરીય જ્ઞાન કેન્દ્ર બનાવશે. તેમણે કહ્યું કે આ પ્રસ્તાવિત પુસ્તકાલય ટેકનોલોજી-આધારિત શિક્ષણ સંસાધનોને એકીકૃત કરશે, જેનાથી વપરાશકર્તાઓ ડિજિટલ ફોર્મેટમાં પુસ્તકો, જર્નલો અને અભ્યાસ સામગ્રીનો ઉપયોગ કરી શકશે.