જમ્મુ-કાશ્મીરમાં આતંકવાદી હુમલો, પૂર્વ સરપંચની ગોળી મારીને હત્યા, અનંતનાગમાં જયપુરના કપલને ગોળી મારી
જમ્મુ-કાશ્મીર પોલીસે માહિતી આપી છે કે આતંકવાદીઓએ અનંતનાગ અને શોપિયાંમાં હુમલો કર્યો છે. આતંકવાદીઓએ પૂર્વ સરપંચ એજાઝ અહેમદ શેખ પર નજીકથી ફાયરિંગ કર્યું હતું. તેને તાત્કાલિક સારવાર માટે નજીકની હોસ્પિટલમાં લઈ જવામાં આવ્યો હતો, જ્યાં તેણે દમ તોડી દીધો હતો. બીજો હુમલો શોપિયાંના હીરપોરામાં થયો હતો જ્યાં આતંકવાદીઓએ એજાઝ અહેમદ નામના વ્યક્તિ પર ગોળીબાર કર્યો હતો. ઘાયલોને બહાર કાઢવામાં આવ્યા હતા. વિસ્તારને કોર્ડન કરી દેવામાં આવ્યો છે.
આતંકવાદીઓએ અનંતનાગના યન્નરમાં જયપુરની રહેવાસી મહિલા ફરહા અને તેની પત્ની તબરેઝને ગોળી મારીને ઘાયલ કરી હતી. ઇજાગ્રસ્તોને સારવાર માટે હોસ્પિટલમાં ખસેડવામાં આવ્યા હતા. વિસ્તારને કોર્ડન કરી દેવામાં આવ્યો છે. વધુ વિગતોની રાહ જોવાઈ રહી છે.
આ પહેલા 4 મેના રોજ પૂંછમાં એરફોર્સના જવાનો પર આતંકી હુમલો થયો હતો. જેમાં એક જવાન શહીદ થયો હતો. હુમલામાં પાંચ સૈનિકો ઘાયલ થયા હતા, જેમને એરલિફ્ટ કરીને ઉધમપુરની હોસ્પિટલમાં ખસેડવામાં આવ્યા હતા. આ હુમલો પૂંછના શાહસિતાર વિસ્તારમાં થયો હતો. આતંકવાદીઓએ સુરક્ષાદળોના બે વાહનો પર ભારે ગોળીબાર કર્યો હતો. આ વાહનોમાંથી એક એરફોર્સનું હતું. બંને વાહનો સનાઈ ટોપ તરફ જઈ રહ્યા હતા. આતંકવાદીઓની ગોળીઓ વાહનના આગળના અને બાજુના કાચને પાર કરી ગઈ હતી.
