આત્મવિશ્વાસથી ભરપૂર ભારત દક્ષિણ આફ્રિકી પરીક્ષા માટે તૈયાર છે
ચિર પ્રતિદ્વંદી પાકિસ્તાનના વિરુદ્ધ મોટી જીતથી આત્મવિશ્વાસથી ભરપૂર ભારત વિશ્વ કપ ક્રિકેટના ગ્રુપ બી માં રવિવારે અહી મજબૂત દક્ષિણ આફ્રિકાનો સામનો કરવા માટે સંપૂર્ણ રીતે તૈયાર છે.
પાકિસ્તાની ટીમ વિશ્વ કપમાં ભારતના હાથે હારની પ્રક્રિયા નથી તોડી શકી પણ મહેન્દ્ર સિંહ ધોનીની ટીમને આશા છે કે દક્ષિણ આફ્રિકા વિરુદ્ધ ચોથી વાર ભાગ્ય તેમનો સાથ આપશે. આ પહેલા આ પહેલા 1992, 1999 અને 2001માં તેણે પોતાના આ પ્રતિદ્વંદીના સામે હારનો સામનો કરવો પડ્યો હતો. ભલે 1992માં પીટર હોય કે 1999માં જાક કૈલિસ અને 2011 કૈલિસ અને એબી ડિવિલિયર્સ. ભારતને હંમેશા દક્ષિણ આફ્રિકી બેટ્સમેનોના સારા પ્રદર્શનને કારણે હારનો સામનો કરવો પડ્યો. આ ત્રણેય મેચોમાં ભારતે પહેલા બેટિંગ કરી અને આ હવે એ જોવુ રસપ્રદ રહેશે કે ટોસ જીતવાની સ્થિતિમાં ધોની શુ નિર્ણય કરે છે. ટૂર્નામેન્ટમાં લીગ ચરણની મેચ જોકે ખૂબ વધુ મહત્વ નથી રાખતી પણ આ મેચની વિજેતા ગ્રુપ બી માં ટોચ પર પહોંચી શકે છે અને તેથી બંને ટીમો તેમા કોઈ કસર નહી છોડે.
મેલબર્ન ક્રિકેટ ગ્રાઉંડ(એમસીજી) પર થનારી આ મેચમાં ડિવિલિયર્સની આગેવાનીવાળી દક્ષિણ આફ્રિકી ટીમને ધોનીના નેતૃત્વવાળી યુવા ટીમની સામે જીતની દાવેદાર માનવામાં આવી રહી છે. જો ખેલાડીઓની વાત કરવામાં આવે તો દક્ષિણ આફ્રિકા ટીમ ખૂબ મજબૂત દેખાય છે. ઝિમ્બાબવે વિરુદ્ધ 62 રનની જીતમાં દક્ષિણ આફ્રિકાના ટોચ ક્રમના બેટ્સમેન ન ચાલી શક્યા પણ જેપી ડૂમિની અને ડેવિડ મિલરે બાજી પલટવામાં મહત્વપુર્ણ ભૂમિકા ભજવી.
