Farali Recipe - એકાદશી સ્પેશ્યલ ફરાળી રેસિપી

સાબુદાણા વડા ઉપવાસ દરમિયાન બનાવાતી સૌથી લોકપ્રિય વાનગીઓમાંની એક છે. બહારથી કરકરા અને અંદરથી નરમ આ વડા ચા, દહીં અથવા લીલી ફરાળી ચટણી સાથે ખૂબ જ સ્વાદિષ્ટ લાગે છે.

જરૂરી સામગ્રી

1 કપ સાબુદાણા (6-8 કલાક પલાળેલા)

3 મધ્યમ બાફેલા બટાકા

1/2  કપ શેકેલા શિંગદાણાનો ભૂકો
1 નાની વાટકી દહીં  

2 લીલા મરચાં (ઝીણાં સમારેલા)

1 ટીસ્પૂન જીરું

2 ટેબલસ્પૂન ઝીણી સમારેલી કોથમીર

1 ટીસ્પૂન લીંબુનો રસ

સિંધવ મીઠું સ્વાદ મુજબ

તળવા માટે તેલ અથવા ઘી

બનાવવાની રીત

પલાળેલા સાબુદાણાને એકદમ છૂટા કરી લો.

બાફેલા બટાકાને મેશ કરીને તેમાં સાબુદાણા, શિંગદાણાનો ભૂકો, જીરું, લીલા મરચાં, કોથમીર, લીંબુનો રસ, દહી અને સિંધવ મીઠું ઉમેરો.

બધી સામગ્રીને સારી રીતે મિક્સ કરીને નરમ લોટ તૈયાર કરો.

હવે હાથ પર થોડું તેલ લગાવી નાના ગોળા બનાવી હળવેથી ચપટા વડાનો આકાર આપો.

કડાઈમાં મધ્યમ તાપે તેલ ગરમ કરો.

વડાને બંને બાજુથી ગોલ્ડન બ્રાઉન અને કરકરા થાય ત્યાં સુધી તળો.

ગરમાગરમ વડા ફરાળી લીલી ચટણી અથવા દહીં સાથે પીરસો.