Biodata Maker
✕

ગ્રાહકની પૂર્વ મંજૂરી વિના પણ લગાવી શકાશે સ્માર્ટ મીટર, વીજ લોકપાલનો મોટો ચુકાદો

Updated: સોમવાર, 6 જુલાઈ 2026 (11:59 IST)
ગુજરાત ઇલેક્ટ્રિસિટી રેગ્યુલેટરી કમિશન (GERC)ના વીજ લોકપાલે સ્માર્ટ મીટરના વિવાદ અંગે એક અત્યંત મહત્વપૂર્ણ નિર્ણય સંભળાવ્યો છે. આ ચુકાદા અનુસાર, હવેથી વીજ વિતરણ કંપનીઓ માટે ગ્રાહકોના ઘરે સ્માર્ટ મીટર લગાવવા કે જૂના મીટર બદલવા માટે ગ્રાહકની પૂર્વ સંમતિ લેવી કાનૂની રીતે ફરજિયાત નથી. વીજ લોકપાલના આ સ્પષ્ટ વલણ બાદ સ્માર્ટ મીટરને લઈને રાજ્યભરમાં ચાલી રહેલી ગેરસમજો અને વિવાદોનો અંત આવ્યો છે અને આ નિર્ણયને ગ્રાહકો તેમજ કંપનીઓ માટે ખૂબ જ મહત્વનો માનવામાં આવી રહ્યો છે.
ALSO READ: હવામાન વિભાગની મોટી આગાહી: દક્ષિણ ગુજરાતમાં રેડ એલર્ટ, ઉકાઈ ડેમમાં પાણીની બંપર આવક, ભારે વરસાદના પગલે અમરેલીના 5 તાલુકામાં શાળાઓમાં રજા

જૂનું મીટર ફરી લગાવવાની ગ્રાહકની માંગ કાયદેસર રીતે અમાન્ય

વીજ લોકપાલે પોતાના ચુકાદામાં સ્પષ્ટપણે જણાવ્યું છે કે, જો વીજ કંપનીઓ નિયમ મુજબ સ્માર્ટ મીટર સ્થાપિત કરવાની કામગીરી કરે, તો તે માટે ગ્રાહકની લેખિત કે મૌખિક મંજૂરીની કોઈ જરૂર નથી. આ સાથે ગ્રાહકો માટે એક મહત્વની બાબત એ પણ સ્પષ્ટ કરવામાં આવી છે કે, એકવાર સ્માર્ટ મીટર લાગી ગયા પછી, જૂનું મીટર ફરીથી લગાવી આપવાની ગ્રાહકની કોઈપણ માંગને કાયદાકીય રીતે માન્ય રાખવામાં આવશે નહીં.
 

વડોદરાના અરજદારની રજૂઆત પૂરતા પુરાવાના અભાવે ફગાવી દેવાઈ

આ ચુકાદો વડોદરાના પ્રતાપનગર વિસ્તારના રહેવાસી મહેન્દ્ર પટેલ દ્વારા દાખલ કરવામાં આવેલી એક અરજીના સંદર્ભમાં આવ્યો છે. અરજદારે સ્માર્ટ મીટર સામે અનેક વાંધાઓ ઉઠાવ્યા હતા, પરંતુ વીજ લોકપાલે નોંધ્યું કે અરજદાર સ્માર્ટ મીટરમાં કોઈ ટેકનિકલ ખામી, રીડિંગમાં ગડબડ કે ખોટા બિલિંગ અંગેના કોઈ નક્કર અને પૂરતા પુરાવા રજૂ કરી શક્યા નથી. માત્ર આશંકાઓના આધારે જૂનું મીટર પાછું લગાવવાનો કોઈ કાનૂની આધાર બનતો ન હોવાથી તેમની રજૂઆત ગ્રાહ્ય રાખવામાં આવી નથી.
 

શંકાના નિવારણ માટે ઉપલબ્ધ રહેશે 'થર્ડ પાર્ટી ટેસ્ટિંગ'નો વિકલ્પ

ચુકાદામાં ગ્રાહકોના હિતને ધ્યાનમાં રાખીને જણાવવામાં આવ્યું છે કે, જો કોઈ ગ્રાહકને સ્માર્ટ મીટરની ચોકસાઈ કે બિલિંગ અંગે કોઈ શંકા હોય, તો તેના નિવારણ માટે કાનૂની વ્યવસ્થા પહેલેથી જ હાજર છે. ગ્રાહકો શંકાના આધારે મીટરને ખામીયુક્ત ગણાવવાને બદલે નિર્ધારિત પ્રક્રિયા હેઠળ સ્માર્ટ મીટરનું 'થર્ડ પાર્ટી ટેસ્ટિંગ' કરાવી શકે છે. આ નિષ્પક્ષ ટેકનિકલ પરીક્ષણ દ્વારા મીટરની ચોકસાઈની તપાસ કરી શકાશે, જે ભવિષ્યમાં આવા વિવાદોના ઉકેલ માટે માર્ગદર્શક બનશે.
 
About Author
કલ્યાણી દેશમુખ
કલ્યાણી દેશમુખ છેલ્લા 19 વર્ષથી ડિઝિટલ મીડિયામાં કામ કરી રહી છે. ગુજરાતી ભાષાનો સારો અનુભવ. વર્તમાનમાં વેબદુનિયાના ગુજરાતી પોર્ટલના સહાયક સંપાદકના રૂપમાં કાર્યરત છે.      અનુભવ - કલ્યાણી દેશમુખ દોઢ દાયકાથી વધુ સમયથી દુનિયાના પહેલા ગુજરાતી પોર્ટલ વેબદુનિયામાં સહાયક સંપાદકના રૂપમાં કાર્યરત છે. તેમણે અનેક લોકસભા, ગુજરાત વિધાનસભા અને ગુજરાત સ્થાનિક સ્વરાજ્ય.... Read More

વધુ જુઓ..

દિવાળી ફરસાણ - ચોળાફળી Chorafali

થાઇરોઇડ કંટ્રોલ કરવા માંગો છો તો રોજ કરો જાલંધર બંધ યોગનો અભ્યાસ, જાણો કરવાની રીત

દિવાળી સ્પેશિયલ બેસન સેવ બનાવવાની સરળ રેસીપી

ભાખરવડી બનાવવાની રીત

વારે ઘડીએ માથાનો દુઃખાવો થવો એ કઈ બિમારીના સંકેત હોઈ શકે ? જાણો ક્યારે જશો ડોક્ટર પાસે

વધુ જુઓ..

રાવણ-જટાયુની લડાઈની સીક્વેંસ શૂટ કરવામાં લાગ્યા 6.5 વર્ષ, પુષ્પક વિમાન માટે બનાવી 50 જુદી-જુદી ડિઝાઈન

શૂટ આઉટ એટ વડાલા ના નિર્દેશક સંજય ગુપ્તાનુ નિધન, ફિલ્મ ઈંડસ્ટ્રીમાં પસર્યો માતમ

કેવો લાઈફ પાર્ટનર ઈચ્છે છે સાઈ પલ્લવી ? અમિતાભ બચ્ચને કર્યો સવાલ, રામાયણની સીતાના જવાબ પર લોકોએ પાડી તાળીઓ

'તેને મારી જરૂર છે...': જ્હાન્વી કપૂર માટે શિખરે છોડી દીધો હતો અભ્યાસ, શ્રીદેવીના નિધન બાદ લંડનથી દોડી આવ્યા હતા બોયફ્રેન્ડ!

દિવાળીની સફાઈ જોક્સ

આગળનો લેખ
Show comments