Navratri 2023 - સૂર્યગ્રહણની છાયામાં શરૂ થશે નવરાત્રી, જાણો શું થશે તેની અસર, ઘટ સ્થાપનના શુભ મુહૂર્તનું રાખો ધ્યાન

Publish: Tue, 10 Oct 2023 (10:21 IST) Updated: Tue, 10 Oct 2023 (10:28 IST)

ma amba

Navratri 2023: હિન્દુ ધર્મમાં શારદીય નવરાત્રીનું વિશેષ મહત્વ છે. નવરાત્રિના નવ દિવસ દરમિયાન દેવી દુર્ગાના વિવિધ સ્વરૂપોની પૂજા કરવામાં આવે છે. આ સિવાય નવરાત્રિ દરમિયાન કન્યાઓની પૂજા કરવી પણ ખૂબ ફળદાયી માનવામાં આવે છે. કહેવાય છે કે નાની છોકરીઓને જમાડવાથી  માતા રાણી ભક્તો પર ખૂબ જ પ્રસન્ન થઈ જાય છે. આ ઉપરાંત યોગ્ય વિધિ-વિધાનથી માતાની પૂજા કરવાથી ભક્તોની દરેક મનોકામના પૂર્ણ થાય છે. આ વર્ષે નવરાત્રિ 15 ઓક્ટોબરથી શરૂ થશે અને 24 ઓક્ટોબરે દશેરા સાથે સમાપ્ત થશે. તમને જણાવી દઈએ કે આ વખતે વર્ષનું છેલ્લું સૂર્યગ્રહણ 14 ઓક્ટોબરે થવાનું છે. આવી સ્થિતિમાં ગ્રહણના પડછાયા હેઠળ નવરાત્રિ શરૂ થવા જઈ રહી છે

શું સૂર્યગ્રહણથી નવરાત્રિની પૂજા પર અસર થશે?

પંચાંગ અનુસાર આ વર્ષે નવરાત્રી 14 ઓક્ટોબરે રાત્રે 11.24 કલાકે શરૂ થશે. આ સમયે સૂર્યગ્રહણ પણ થશે. સૂર્યગ્રહણ 14 ઓક્ટોબરે રાત્રે 8:34 વાગ્યાથી શરૂ થશે અને 2:25 વાગ્યા સુધી ચાલશે. આવી સ્થિતિમાં સૂર્યગ્રહણની નવરાત્રિની પૂજા પર અસર પડશે કે કેમ તે અંગે લોકોમાં મૂંઝવણ છે. જ્યોતિષના મતે સૂર્યગ્રહણની નવરાત્રિની પૂજા પર કોઈ અસર નહીં થાય. ઉલ્લેખનીય છે કે નવરાત્રિની પૂજામાં ઘટસ્થાપનનું વિશેષ મહત્વ છે. સૂર્યગ્રહણ સમાપ્ત થયા બાદ ઘટ સ્થાપના થશે.

ઘટ સ્થાપના પહેલા આ કામ કરો

- ગ્રહણને દૂષિત સમયગાળો માનવામાં આવે છે. આવી સ્થિતિમાં સૂર્યગ્રહણ પછી આખા ઘરને ગંગા જળથી ચોક્કસથી શુદ્ધ કરો.

- આ પછી તુલતીના છોડ પર પણ ગંગા જળ છાંટવું.

- આખું ઘર શુદ્ધ થયા પછી સ્નાન કરો અને સ્વચ્છ વસ્ત્રો પહેરો.

- આ પછી જ ઘટ સ્થાપના અથવા કળશ સ્થાપના વિધિ પૂર્વક કરો.

- નવરાત્રિનું ઘટ સ્થાપના શુભ મુહુર્ત અને વિધિપૂર્વક જ કરવું જોઈએ.

નવરાત્રી 2023 ઘટ સ્થાપના માટેનું શુભ મુહુર્ત

ઘટ- સ્થાપનનો શુભ સમય શરૂ  - 15મી ઓક્ટોબર 2023 સવારે 11.44 થી

કળશની સ્થાપના માટેનો શુભ સમય સમાપ્ત  - 15મી ઓક્ટોબર 2023 બપોરે 12.30 વાગ્યા સુધી

શારદીય નવરાત્રી 2023 તારીખ- 15 ઓક્ટોબર 2023

શારદીય નવરાત્રી 2023 સમાપ્ત - 24 ઓક્ટોબર 2023