રોઝ કોકોનટ બરફી રેસીપી

રક્ષાબંધનના તહેવાર પર ઘરે જ બનાવો સ્વાદિષ્ટ અને સુંદર રોઝ કોકોનટ બરફી. અચાનક કંઈક મીઠું ખાવાની ઈચ્છા થાય ત્યારે પણ આ બરફી ખૂબ જ ઝડપથી તૈયાર કરી શકાય છે. નારિયેળની સુગંધ, ગુલાબનો મનમોહક સ્વાદ અને દૂધની મીઠાશનું કોમ્બિનેશન આ બરફીને ખાસ બનાવે છે. રક્ષાબંધન પર ભાઈ-બહેન માટે ઘરે બનાવેલી આ મીઠાઈ એક સરસ ગિફ્ટ પણ બની શકે છે.

સામગ્રી

છીણેલું નારિયેળ – 2 કપ

કન્ડેન્સ્ડ મિલ્ક – 1 કપ

દૂધ – ½ કપ

ગુલાબનું શરબત – 2 ચમચી

ગુલાબની પાંખડીઓ – 1-2 ચમચી

એલચી પાવડર – ½ ચમચી

ઘી – 1 ચમચી

કાજુ-બદામની કતરણ – ગાર્નિશ માટે

બનાવવાની રીત

સૌપ્રથમ એક કડાઈમાં ઘી ગરમ કરી તેમાં છીણેલું નારિયેળ ઉમેરો અને 2-3 મિનિટ ધીમા તાપે શેકો.

હવે તેમાં દૂધ અને કન્ડેન્સ્ડ મિલ્ક ઉમેરો અને સતત હલાવતા રહો.

મિશ્રણ ઘટ્ટ થવા લાગે ત્યારે તેમાં ગુલાબનું શરબત અને એલચી પાવડર ઉમેરો.

બધું સારી રીતે મિક્સ કરીને મિશ્રણ કડાઈની કિનારી છોડવા લાગે ત્યાં સુધી પકાવો.

હવે એક પ્લેટ અથવા ટ્રેમાં ઘી લગાવી તૈયાર મિશ્રણને સરખું પાથરી દો.

ઉપર ગુલાબની પાંખડીઓ અને કાજુ-બદામની કતરણ નાખીને હળવા હાથે દબાવો.

બરફીને 30-40 મિનિટ માટે સેટ થવા દો. ત્યારબાદ મનપસંદ આકારમાં કાપી સર્વ કરો.