સાંજની ભૂખ માટે ઝટપટ બનાવો કોર્ન ચિલી ચીઝ ટોસ્ટ, સ્વાદ એવો કે વારંવાર ખાવાનું મન થાય

સાંજની નાની ભૂખ માટે કંઈક સ્વાદિષ્ટ અને ઝડપથી બનતું હોય તો કોર્ન ચિલી ચીઝ ટોસ્ટ એકદમ પરફેક્ટ છે. મકાઈ, ચીઝ અને શિમલા મરચાંના કોમ્બિનેશનથી બનતો આ ટોસ્ટ બાળકો તેમજ મોટા સૌને પસંદ આવશે. તો ચાલો જાણીએ તેની સરળ રેસીપી.

કોર્ન ચિલી ચીઝ ટોસ્ટ માટે સામગ્રી

બ્રેડ સ્લાઇસ – 3થી 4

ચીઝ – ½ કપ

શિમલા મરચું – ½ કપ, બારીક સમારેલું

ડુંગળી – ½ કપ, બારીક સમારેલી

બાફેલા સ્વીટ કોર્ન – ½ કપ

મિક્સ હર્બ્સ – 1 નાની ચમચી

ઓરેગાનો – ½ નાની ચમચી

ચિલી ફ્લેક્સ – 1 નાની ચમચી

કાળા મરી પાઉડર – ½ નાની ચમચી

ચાટ મસાલો – ½ નાની ચમચી

મીઠું – સ્વાદ અનુસાર

બટર – 2 મોટી ચમચી

કોર્ન ચિલી ચીઝ ટોસ્ટ બનાવવાની રીત

- સૌપ્રથમ સ્વીટ કોર્નને પાણીમાં નાખીને સારી રીતે બાફી લો. કોર્ન બફાઈ જાય પછી તેને ઠંડા થવા દો.

- હવે એક મોટા બાઉલમાં ½ કપ બાફેલા સ્વીટ કોર્ન, ½ કપ ચીઝ, ½ કપ બારીક સમારેલું શિમલા મરચું અને ½ કપ બારીક સમારેલી ડુંગળી ઉમેરો.

ત્યારબાદ તેમાં 1 નાની ચમચી મિક્સ હર્બ્સ, ½ નાની ચમચી ઓરેગાનો, 1 નાની ચમચી ચિલી ફ્લેક્સ, ½ નાની ચમચી કાળા મરી પાઉડર, ½ નાની ચમચી ચાટ મસાલો અને સ્વાદ અનુસાર મીઠું ઉમેરો.

-બધી સામગ્રીને સારી રીતે મિક્સ કરી લો.

- બ્રેડની દરેક સ્લાઇસ પર થોડું બટર લગાવો. ત્યારબાદ તૈયાર કરેલું કોર્ન-ચીઝનું મિશ્રણ બ્રેડ પર સરખી રીતે પાથરી દો.

-તવો ગરમ કરી તેના પર થોડું બટર લગાવો. હવે બ્રેડને ચીઝવાળી બાજુ ઉપર રાખીને ધીમી આંચ પર શેકો. તવો ઢાંકી થોડા સમય માટે ટોસ્ટ થવા દો, જેથી ચીઝ સારી રીતે ઓગળી જાય.