Daily Horoscope
✕

સબ સલામતના દાવા વચ્ચે વિધાનસભામાં બળાત્કારના ચોંકાવનારા આંકડા સામે આવ્યા

Updated: બુધવાર, 11 માર્ચ 2020 (15:48 IST)
વિધાનસભામાં ચાલી રહેલી પ્રશ્નોત્તરી દરમિયાન રાજ્યમાં દુષ્કર્મ અને સામૂહિક દુષ્કર્મ કેસ અંગે પ્રશ્ન પૂછાયો હતો. જેમાં સરકાર જણાવ્યું હતું કે રાજ્યમાં દરરોજ સરેરાશ 4 દુષ્કર્મ અને સામૂહિક દુષ્કર્મના કેસ નોંધાયા છે. રાજ્યમાં સૌથી વધુ દુષ્કર્મના કેસ અમદાવાદ અને સુરત જિલ્લામાં નોંધાયા છે. જ્યારે સૌથી ઓછા કેસ ડાંગ જિલ્લામાં નોંધાયા છે.
વિપક્ષે રાજ્યમાં થયેલા દુષ્કર્મ અને સામૂહિક દુષ્કર્મના કેસ અંગે પ્રશ્ન પૂછ્યો હતો. જેના જવાબમાં સરકારે જણાવ્યું હતું કે, રાજ્યમાં છેલ્લા બે વર્ષમાં 2723 દુષ્કર્મ અને સામૂહિક દુષ્કર્મના કેસ નોંધાયા છે. તેમજ કેટલાક કિસ્સાઓમાં દુષ્કર્મના આરોપીઓની ધરપકડ કરવાની પણ બાકી હોવાનું જણાવવામાં આવ્યું છે.
ગુજરાતમાં દુષ્કર્મની ઘટના અંગે વિપક્ષ ના નેતા પરેશ ધનાણીએ ગૃહમાં જણાવ્યું હતું કે, ગુજરાતમાં દરરોજ ત્રણ ચાર દીકરીઓ પિંખાય છે, તે આપણા સૌ માટે શરમની બાબત છે, મારે પણ દીકરીઓ છે, તેથી મને પણ ચિંતા થાય છે કે મારી દીકરીઓ પણ સલામત છે કે કેમ?
આ મુદ્દે ગૃહરાજ્ય મંત્રી પ્રદીપસિંહ જાડેજાએ જણાવ્યું હતું કે, ગુજરાતમાં બનતી દુષ્કર્મની ઘટનાઓને ડામવા માટે ઉચ્ચ કક્ષાની સમિતિ બનાવામાં આવી છે, દુષ્કર્મની મોટા ભાગની ઘટનાઓમાં પ્રેમ પ્રકરણ હોવાનું જણાયું છે, ગુજરાતનો ક્રાઈમ રેટ દેશના અન્ય રાજ્યો કરતા બહુ ઓછો છે, છતાં ગુજરાત સરકાર આ મામલે ગંભીર છે.
પ્રશ્નોત્તરી દરમિયાન જણાવવામાં આવેલા જિલ્લાવાર આંકડાઓ પ્રમાણે અમદાવાદમાં 540, સુરતમાં 452, રાજકોટ 158, બનાસકાંઠા 150, વડોદરા 139, કચ્છ 128, અમરેલી 81, દાહોદ 76, ભાવનગર 77, જૂનાગઢ 65, પાટણ 64, જામનગર 56, સાબરકાંઠા 56, ગીર-સોમનાથ 50, પંચમહાલ 49, સુરેન્દ્રનગર 47, તાપી 39, મહેસાણા 39, વલસાડ 38, મહીસાગર 36, દેવભૂમિ-દ્વારકા 35, છોટાઉદેપુર 34, નર્મદા 34, મોરબી 34, ખેડા 34, આણંદ 32, ગાંધીનગર 27, નવસારી 25, પોરબંદર 24, અરવલ્લી 24, બોટાદ 22, ડાંગ 9 જેટલા દુષ્કર્મ અને સામૂહિક દુષ્કર્મના કેસ નોંધાયા છે.

વધુ જુઓ..

કાર્તિકી એકાદશી સ્પેશિયલ: ઉપવાસમાં શરીરને આપો એનર્જી, ઘરે જ બનાવો 5 સ્વાદિષ્ટ અને પૌષ્ટિક શેક

ડાયેટથી ખતમ થઈ શકે છે ડાયાબીટીસ, દવાથી પણ વધુ અસરદાર, જાણો વિશેષજ્ઞ મુજબ શું ખાવું

ઠંડીમાં ઘરે જ બનાવો પરંપરાગત ગુજરાતી કચરિયું, જાણો સરળ રેસિપી

વયસ્ક મહિલાને કેવી રીતે આકર્ષિત કરવી? તેમને પ્રભાવિત કરવા માટે સૌથી મહત્ત્વની બાબત જાણો

શિયાળાની શરૂઆત થતાં જ બનાવો પરંપરાગત ગુજરાતી અડદિયા પાક, સ્વાદ અને સેહતનો ખજાનો

વધુ જુઓ..

ગુજરાતી જોક્સ - ઠંડીના મજેદાર જોક્સ

'મને લાચાર સ્ત્રી ન સમજો...' રણબીર કપૂર સાથેના સંબંધો પર ઉઠતા સવાલોથી આલિયા ભટ્ટ લાલઘૂમ, કહી દીધી મોટી વાત

'રામાયણ' ફિલ્મએ 13મા દિવસે ભારતમાં 821.30 કરોડનો આંકડો કર્યો પાર, દુનિયાભરમાં 1500 કરોડ સુધી પહોચવા તૈયાર

સમય રૈનાના 'કઝિન મતલબ પતિ' કમેંટ પર વિવાદ, મૌલાના કારી ઈસહાક ભડક્યા, બોલ્યા - આવા કોમેડિયંસ પર લગામ લગાવવી જોઈએ, કંઈ પણ બોલે છે.

ગુજરાતી જોક્સ - મને શું ખબર

આગળનો લેખ
Show comments