બેનર - બાલાજી મોશન પિક્ચર્સ
નિર્માતા - શોભા કપૂર, એકતા કપૂર
નિર્દેશક - મોહિત સૂરી
સંગીત - મિથુન, અંકિત તિવારી
કલાકાર - સિદ્ધાર્થ મલ્હોત્રા, શ્રદ્ધા કપૂર, રિતેશ દેશમુખ, આમના શરીફ, રેમો ફર્નાડિસ, કમાલ રશીદ ખાન.
સેંસર સર્ટિફિકેટ - યૂએ * 2 કલાક 9 મિનિટ 10 સેકંડ
રેટિંગ 3/5
એક વિલેનની સ્ટોરી સાધારણ છે. પણ ફિલ્મના દમદાર પાત્ર અને મોહિત સૂરીના સારા પ્રદર્શનને કારણે ફિલ્મ જોતી વખતે સમય સારી રીતે કપાય જાય છે. આ ફિલ્મ કોરિયન મૂવી 'આય સા ધ ડેવિલ"(2010) થી પ્રેરિત છે. જેમા ભારતીય દર્શકોની પસંદ મુજબ ફેરફાર કરવામાં આવ્યા છે.
ફિલ્મમાં એક હીરો એક હીરોઈન અને એક વિલન છે જેમની આસપાસ બોલીવુડની મોટાભાગની કોમર્શિયલ ફિલ્મો ફરે છે. એક પાત્રે એવુ છે જેનુ મોત નિકટ છે અને મરતા પહેલા તે પોતાની કેટલીક ઈચ્છાઓ જેવી કે વરસાદમાં મોરનુ નૃત્ય જોવુ, એક દિવસ માટે પ્રસિદ્ધ થવુ કોઈની જીંદગી બચાવવી વગેરે પૂરી કરવા માંગે છે તે આશાવાદી છે.
બીજુ પાત્ર ગુંડા જેવુ છે. એક ગેંગસ્ટર માટે કામ કરે છે. પણ તેની અંદરનો સારો માણસ હજુ જીવે છે. જરૂર છે તેને યોગ્ય માર્ગ બતાવવાની. ત્રીજુ પાત્ર લલ્લુ જેવુ છે. તેને કોઈપણ ડરાવી ધમકાવી શકે છે. પણ બધા એ નથી જાણતા કે તેની અંદર એક ખતરનાક વિલેન છિપાયેલો છે જે સમય આવતા નાનકડી વાત માટે કોઈની પણ હત્યા કરી નાખે છે.
આ ત્રણેય પાત્રો એકબીજાના માર્ગમાં આવે છે અને તેમની જીંદગીમાં ઉથલ પાથલ થઈ જાય છે. ત્રણેયની સ્ટોરીઓને સારી રીતે ગૂંથવામાં આવી છે. જેમા નિયમિત સમયે ફિલ્મમાં ઉતાર ચઢાવ આવે છે. જ્યા એક બાજુ ફિલ્મમાં બે પાત્રો પર અંધિયારુ હાવી રહે છે તો એક પાત્રનો પોઝિટીવ પક્ષ ફિલ્મનુ સંતુલન કાયમ રાખે છે.
સામન્ય રીતે ફિલ્મોના બીજા ભાગમાં ઘટનાક્રમોમાં ગતિ આવી જાય છે પણ એક વિલેન ના નિર્દેશક્ત મોહિતે ફિલ્મને એ રીતે રજૂ કરી છે કે જાણે રિવર્સમાં જોઈ રહ્યા હોય. પહેલા હાફમાં તેમને બધી ઘટના અને એક મહત્વપૂર્ણ ઘટનાને દર્શકો સામે મુકી છે. ઈંટરવલ થતા લાગે છે કે ફિલ્મમાં હવે બધુ તો થઈ ગયુ છે હવે બીજા હાફમાં નિર્દેશકને બતાવવા માટે બચ્યુ છે જ શુ ? આ ઉત્સુકતા બીજા હાફમાં થોડી નિરાશામાં બદલાય જાય છે. કારણ કે ખરેખર નિર્દેશક પાસે બીજા હાફમાં ઘટનાઓને એકબીજા સાથે જોડવા સિવાય કશ જ બચ્યુ નહોતુ. પણ ફિલ્મનો આશાવાદી અંત તેમને બચાવી લે છે.
મોહિત સૂરીનુ પ્રસ્તુતિકરણ શ્રેષ્ઠ છે. તેમણે ફ્લેશબેકનો સારો ઉપયોગ કર્યો છે. ફિલ્મ અતીત અને વર્તમાનમાં સતત જમ્પ કરતી રહે છે. મોહિતે પોતાના પાત્રોને ઝીણવટોથી સમજ્યા અને તેમની મનોદશાને સ્ક્રીન પર સારી રીતે રજૂ કર્યા. તેમના સારા નિર્દેશનને કારણે જ ફિલ્મ બાંધી મુકે છે. એક ગુંડાના જીવનમાં પ્રેમનુ આગમન અને તેના માનસિક વિચારો બદલવાના અહેસાસને સારી રીતે રજૂ કરવામાં આવ્યા છે.
જ્યા સુધી સ્ક્રિપ્ટનો સવાલ છે તો કેટલીક ખામીયો છે જેવી કે વિલેન સુધી ફિલ્મનો હીરો ખૂબ જ સહેલાથી પહોંચી જાય છે. ગાંડાની હોસ્પિટલમાંથી એક વૃદ્ધને ભગાવવાનો સીન કમજોર છે. હોસ્પિટલમાં રિતેશ અને સિદ્ધાર્થની ફાઈટવાળો સીન હાસ્યાસ્પદ છે. આનાથી વધુ ચર્ચા નથી કરી શકાતી કારણ કે સસ્પેંસ ખુલી શકે છે.
આઈટમ સોંગની ફિલ્મમાં કોઈ જરૂર નહોતી. કારેલા પર લીમડો ચઢી ગયો હોય એવુ ત્યારે લાગ્યુ જ્યારે આ આઈટમ ગીતમાં પ્રાચી દેસાઈ જેવી ઠંડી અભિનેત્રી જોવા મળી.
પ્રોમો અને પ્રચાર દ્વારા ફિલ્મ થ્રિલર હોવાનો આભાસ કરાવે છે. પણ આ ફિલ્મને થ્રિલર કહેવી ખોટી હશે કારણ કે સસ્પેંસ પણ નથી કે વિલન સુધી પહોંચવા માટેની ભાગાદોડી પણ નથી. બધુ જ સ્પષ્ટ છે કે કોણ વિલન છે અને કેમ તે આ બધુ કરી રહ્યો છે.
ફિલ્મનુ સંગીત અને પાર્શ્વ સંગીત પ્રસ્તુતિકરણને દમદાર બનાવે છે. મોહિતની ફિલ્મોનુ સંગીત આમ પણ કાયમ હિટ રહ્યુ છે. કહેવાય છે કે તેમના ઘરે જો કરોડો રૂપિયા લઈને ફિલ્મ નિર્માતા આવી જાય તો મોહિત તેમને મળવાનો સમય નથી આપતા પણ જો કોઈ સ્ટ્રગરલ મ્યુઝિશિયન કે સિંગર આવી જાય તો તેઓ તેને તરત જ મળી લે છે. અંકિત તિવારી, મિથુન અને સોચ બૈંડે સારૂ કામ કર્યુ છે અને ગલિયા.. બંજારા જરૂરત જેવા ગીત મધુર બનાવ્યા છે.
એંગ્રી યંગ મેનના પાત્રમાં સિદ્ધાર્થ મલ્હોત્રા જામ્યા છે. તેનુ જે લૂક છે તે પાત્ર પર સૂટ કરે છે. શ્રદ્ધા કપૂરે બબલી ગર્લનો રોલ ભજવ્યો છે. કેટલાક દ્રશ્યોમાં તેના અભિનયનો પ્રયત્ન જોવા મળે છે તો કેટલાક દ્રશ્યમાં તે સહજ છે. રિતેશ દેશમુખ એક લાંબા સમય પછી આવા રોલમાં જોવા મળ્યા. જેમા તેને કોમેડી નહોતી કરવાની અને રિતેશે પોતાના પાત્ર સાથે પુરો ન્યાય કર્યો છે. આ ત્રણેયને છોડીને બીજા કલાકારોની પસંદગી સારી રીતે નથી કરાઈ. આમના શરીફ, રેમો ફર્નાડિસ, પ્રાચી દેસાઈ પોતપોતાની ભૂમિકા સાથે ન્યાય નથી કરી શક્યા.
ટૂંકમાં 'એક વિલન' મનોરંજન બાબતે વિલન નથી.
