Kalki 2898 AD Box Office Day 1: ત્રીજી બિગેસ્ટ ઓપનર બની પ્રભાસની 'કલ્કી 2898 એડી', આ ફિલ્મોના રેકોર્ડ તોડ્યા
Kalki 2898 AD - વર્ષ 2024 ની મોસ્ટ અવેટેડ ફિલ્મ 'કલ્કી 2898 એડી' સિનેમાઘરોમાં આવી ગઈ છે. પ્રભાસ, અમિતાભ બચ્ચન, દીપિકા પાદુકોણ, દિશા પટણી અને કમલ હાસન જેવા સ્ટાર્સ અભિનીત આ ફિલ્મની રિલીઝની ફેંસ આતુરતાથી રાહ જોઈ રહ્યા હતા, જે ગુરુવારે એટલે કે 27 જૂન 2024ના રોજ સમાપ્ત થઈ હતી. હવે જ્યારે આ ફિલ્મ થિયેટરોમાં રિલીઝ થઈ છે, ત્યારે દર્શકો આ સાયન્સ-ફિક્શન ફિલ્મ જોવા માટે થિયેટરોમાં ઉમટી રહ્યા છે. પ્રભાસની કલ્કી 2898 એડીને એડવાન્સ બુકિંગમાં જબરદસ્ત રિસ્પોન્સ મળ્યો અને તેની રિલીઝ પછી પણ દર્શકોમાં તેનો ક્રેઝ છે. આવી સ્થિતિમાં સૌની નજર અમિતાભ બચ્ચન અને પ્રભાસ સ્ટારર ફિલ્મના પ્રથમ દિવસના કલેક્શન પર ટકેલી છે. કલ્કી 2898 એડી બોક્સ ઓફિસ પર તેના પ્રથમ દિવસે રેકોર્ડ તોડ્યો છે, જેણે બોક્સ ઓફિસ પર લાંબા સમયથી ચાલી રહેલા દુષ્કાળનો અંત લાવ્યો છે.
બોક્સ ઓફિસ પર તોફાન બનીને છવાઈ પ્રભાસની ફિલ્મ
ફિલ્મના પહેલા દિવસના બોક્સ ઓફિસ કલેક્શનના આંકડા પણ સામે આવ્યા છે. ઇન્ડસ્ટ્રી ટ્રેકર Sacknilk.com એ કલ્કી 2898 એડીના પ્રથમ દિવસના કલેક્શનના શરૂઆતના આંકડા જાહેર કર્યા છે, જે મુજબ પ્રભાસ, દીપિકા અને અમિતાભ બચ્ચનની ફિલ્મ ભારતીય સિનેમાની ત્રીજી સૌથી મોટી ઓપનર તરીકે સામે આવી છે. પ્રારંભિક અનુમાન મુજબ, કલ્કિ 2898 એડીએ પ્રથમ દિવસે દુનિયાભરમાં લગભગ 180 કરોડ રૂપિયાનું કલેક્શન કર્યું છે.
પ્રથમ દિવસે કલ્કિ 2898 એડીનું જોરદાર કલેક્શન
સ્થાનિક બોક્સ ઓફિસ કલેક્શન વિશે વાત કરીએ તો, નાગ અશ્વિન દ્વારા નિર્દેશિત ફિલ્મે ભારતમાં તેના પ્રથમ દિવસે લગભગ રૂ. 95 કરોડની કમાણી કરી હતી, જ્યારે કલેક્શનમાં વધુ વધારો થવાની શક્યતા છે. અનુમાન લગાવવામાં આવી રહ્યું છે કે ફિલ્મનું પ્રથમ દિવસનું કલેક્શન લગભગ 115 કરોડ રૂપિયા સુધી પહોંચી શકે છે. એકંદરે ફિલ્મે પ્રથમ દિવસે વિશ્વભરમાં 180 કરોડ રૂપિયાથી વધુની કમાણી કરી લીધી છે.
આ ફિલ્મોને છોડી પાછળ
પ્રભાસની 'કલ્કી 2898 એડી' યશની 'KGF 2' (રૂ. 159 કરોડ), પ્રભાસની પોતાની 'સલાર' (રૂ. 158 કરોડ), થલપતિ વિજયની 'લિયો' (રૂ. 142.75 કરોડ)ને તેના પ્રથમ દિવસના કલેક્શન સાથે પાછળ છોડી દીધી છે સાહો (રૂ. 130 કરોડ) અને શાહરૂખ ખાનની ' જવાન' (રૂ. 129 કરોડ)ના વૈશ્વિક ઓપનિંગ રેકોર્ડ પાછળ છે. જુનિયર એનટીઆર અને રામ ચરણ સ્ટારર આરઆરઆર હજુ પણ રૂ. 223 કરોડના કલેક્શન સાથે ભારતની સૌથી મોટી ઓપનર છે, ત્યારબાદ 'બાહુબલી 2' છે જેણે તેના શરૂઆતના દિવસે રૂ. 217 કરોડનું કલેક્શન કર્યું હતું.
કલ્કિ 2898 એડીને દર્શકો તરફથી પોઝીટીવ રિસ્પોન્સ મળી રહ્યો છે.
કલ્કિ 2898 એડી વિશે વાત કરીએ તો, આ ફિલ્મ 27 જૂને વિશ્વભરમાં રિલીઝ થઈ હતી. પ્રભાસ, દીપિકા પાદુકોણ, અમિતાભ બચ્ચન, કમલ હાસન અને દિશા પટાની અભિનીત ફિલ્મને દર્શકો અને ક્રીટીક્સ તરફથી પોઝીટીવ રિસ્પોન્સ મળી રહ્યો છે, તેથી સપ્તાહના અંતે ફિલ્મની કમાણી વધવાની અપેક્ષા છે.
