બીજિંગ. ચીનના દક્ષિણ-પશ્ચિમમાં પોલીસે જોયુ કે હાઈવે પર મોટાભાગના ડ્રાઈવર ગાડી ચલાવતા-ચલાવતા ઝોકાં ખાવા માંડે છે અને તેથી દુઘટનાઓ થતી રહે છે. ત્યારબાદ ગ્રાહકોને સાવધ રાખવા માટે પોલીસે નવી રીત શોધી કાઢી. તેમણે ડ્રાઈવરોને તીખુ મરચુ આપવાનુ શરૂ કર્યુ. વસંતની ઋતુ આવ્યા પછી જ જ્યારે ઉંઘની વધુ અસર શરૂ થાય છે ત્યારે ડ્રાઈવરોને કહેવામાં આવ્યુ કે તેઓ મરચાને ચાખતાં રહે. મરચુ ચાખતા જ ડ્રાઈવરની બધી ઉંધ ઉડી જાય છે અને સુસ્તી ભાગી જાય છે.
ચીનમાં હાઈવે પર ટ્રેફિક ખૂબ જ વધુ રહે છે અને એ રસ્તો દુનિયાનો સૌથી વધુ ખતરનાક માનવામાં આવે છે. ડ્રાઈવર ઓવરટેક કરતા એલર્ટ રહે એ માટે જ તેમને મિર્ચી એલર્ટ કરવામાં આવી રહ્યા છે. મોટાભાગના ડ્રાઈવર ચીનના જે શહેરના છે, ત્યાં મરચાને ખૂબ પસંદ કરવામાં આવે છે. પોલીસને કદાચ આ મિર્ચી એલર્ટવાળો આઈડિયા એટલે જ સૂજ્યો હશે.
