સંબંધિત સમાચાર
- Video 180 કિમી પ્રતિ કલાકની ગતિ, પાણીનું એક પણ ટીપું છલકાયું નહીં; વંદે ભારત સ્લીપર ટ્રેનને પરીક્ષણમાં પૂર્ણ ગુણ મળ્યા
- Adani Group stocks: નવા વર્ષે અદાણી ગ્રુપના શેરમાં જોરદાર ઉછાળો, અનેક શેરમાં 10% સુધીનો ઉછાળો જોવા મળ્યો
- Nimesulide Ban: હવે નહી મળે 100 mg વાળી આ પેન કિલર, તાવ અને દુ:ખાવાની આ દવાઓ પર સરકારે લગાવ્યો બેન
- Gold Silver Price Today: નવા વર્ષ પહેલા સોના અને ચાંદીના ભાવમાં ભારે ઘટાડો
- આજે ઘરે બેસ્યા ફુડ-ગ્રોસરી ઓર્ડર ભૂલી જાવ.. હડતાળ પર છે લાખો ડિલીવરી બોયઝ, અમિતાભ બચ્ચનની જાહેરાતથી પણ નારાજ
ક્યારે શરૂ થશે બુલેટ ટ્રેન, ક્યાંથી ક્યાદોડશે અને કયા સ્ટેશનો પર તે રોકાશે? રેલ્વે મંત્રીએ પોતે આપી અપડેટ
ભારતની પ્રથમ બુલેટ ટ્રેનની પ્રથમ કમર્શિયલ જર્ની ની તારીખ જાહેર કરવામાં આવી છે. કેન્દ્રીય રેલ્વે મંત્રી અશ્વિની વૈષ્ણવે ગુરુવારે બુલેટ ટ્રેનની પ્રથમ યાત્રાની તારીખ જાહેર કરી. મીડિયા સાથે વાત કરતા અશ્વિની વૈષ્ણવે જણાવ્યું હતું કે દેશની પ્રથમ બુલેટ ટ્રેન સેવા 15 ઓગસ્ટ, 2027 ના રોજ શરૂ થશે. આ અમદાવાદ-મુંબઈ બુલેટ ટ્રેન પ્રોજેક્ટનો પ્રથમ તબક્કો હશે. પ્રથમ તબક્કા હેઠળ, બુલેટ ટ્રેનની યાત્રા 15 ઓગસ્ટ, 2027 ના રોજ ગુજરાતના સુરત અને બીલીમોરા વચ્ચે શરૂ થશે. રેલ્વે મંત્રીના જણાવ્યા અનુસાર, સુરતથી બીલીમોરા પછી, બુલેટ ટ્રેન પ્રોજેક્ટનો બીજો તબક્કો સુરતથી વાપી સુધીનો હશે.
#WATCH | Delhi: Railways Minister Ashwini Vaishnaw says, "The bullet train will be ready in 2027, August 15th, 2027. The first section to open will be from Surat to Bilimora. After that, Vapi to Surat will open. Then Vapi to Ahmedabad will open, and after that, Thane to Ahmedabad… pic.twitter.com/vpal8NqNpE
— ANI (@ANI) January 1, 2026
અમદાવાદ-મુંબઈ બુલેટ ટ્રેન રૂટની કુલ લંબાઈ 508 કિમી હશે.
અમદાવાદ-મુંબઈ બુલેટ ટ્રેન પ્રોજેક્ટના ત્રીજા તબક્કામાં, બુલેટ ટ્રેન સેવા સુરતથી અમદાવાદ સુધી શરૂ થશે. ચોથા તબક્કામાં, બુલેટ ટ્રેન સેવા મહારાષ્ટ્રના થાણે સુધી વિસ્તરશે, અને પછી પાંચમા અને અંતિમ તબક્કામાં, તે અમદાવાદથી મુંબઈ સુધી સંપૂર્ણપણે કાર્યરત થશે. જોકે, દેશના પ્રથમ બુલેટ ટ્રેન પ્રોજેક્ટને સંપૂર્ણ રીતે કાર્યરત થવામાં ઘણા વર્ષો લાગી શકે છે. નેશનલ હાઇ સ્પીડ રેલ કોર્પોરેશન લિમિટેડ (NHSRCL) અનુસાર, દેશના પ્રથમ બુલેટ ટ્રેન પ્રોજેક્ટની કુલ લંબાઈ 508 કિમી હશે, જેમાં ગુજરાતમાં 348 કિમી, મહારાષ્ટ્રમાં 156 કિમી અને દાદરા અને નગર હવેલીમાં ૪ કિમી હશે.
અમદાવાદ-મુંબઈ બુલેટ ટ્રેન રૂટ પર 12 સ્ટેશનો
અમદાવાદ-મુંબઈ બુલેટ ટ્રેન રૂટ પર કુલ 12 સ્ટેશનો હશે. આ રૂટ પર પહેલું સ્ટેશન ગુજરાતમાં સાબરમતી હશે અને છેલ્લું સ્ટેશન મહારાષ્ટ્રની રાજધાની મુંબઈ હશે. ગુજરાતના સાબરમતીથી શરૂ થયા પછી, આગામી સ્ટેશન અમદાવાદ હશે. અમદાવાદથી ઉપડતી આ ટ્રેન આણંદ, વડોદરા, ભરૂચ, સુરત, બિલીમોરા, વાપી, બોઇસર, વિરાર, થાણે અને અંતે મુંબઈ જશે. દેશના પ્રથમ બુલેટ ટ્રેન રૂટ પર કાર્યરત ટ્રેનો 320 કિમી પ્રતિ કલાકની ઝડપે દોડશે અને 508 કિમીની મુસાફરી માત્ર 2 કલાક અને 7 મિનિટમાં પૂર્ણ કરશે.
