'વક્ત બતાયેગા'માં પોતાની ભૂમિકાથી ખુશ મુકેશ
મુકેશ ખન્ના એક શ્રેષ્ઠ અભિનેતા છે અને મુશ્કેલ ભૂમિકાઓ પણ ખૂબ જ સારી રીતે ભજવી લે છે. સોની ટીવી પર પ્રસારિત થતી નવી સિરિયલ 'વક્ત બતાએગા, કોન અપના, કોન પરાયા...' માં તેમણે વિશ્વજીત રોય ચૌધરીની ભૂમિકાનો પ્રસ્તાવ મળ્યો અને તેમણે સ્વીકારી લીધો. જો કે આ સીરિયલની વાર્તા ત્રણ સ્ત્રીઓની આસપાસ ફરે છે,પણ મુકેશનુ પાત્ર પણ મહત્વપૂર્ણ છે. આ પાત્ર એકદમ દ્રઢ છે. જ્યારે ખરા કે ખોટાનો નિર્ણય લેવાનો હોય તો તે કઠોર નિર્ણય લેતા પણ અચકાતા નથી. કડક સ્વભાવનુ લાગતુ આ પાત્રનુ દિલ અંદરથી કોમળ પણ છે.મુકેશ ખન્ના ફક્ત પોતાની ભૂમિકાથી જ ખુશ છે એવુ નથી, પણ જે રીતે સ્ટોરીને આગળ વધારવામાં આવી રહી છે તેનાથી પણ ખુશ છે. તેઓ કહે છે કે 'હું એક અભિનેતા છુ અને ભૂમિકા સ્વીકારવાના મારા કેટલાક માપદંડ છે. હું નબળા અને નકારાત્મક ચરિત્ર કદી નથી સ્વીકારતો. આ સિરિયલ જેવા પાત્ર હુ વધુ ભજવવા માંગુ છુ.
