ગુજરાતી ફિલ્મોના કોમેડી કલાકાર રમેશ મહેતાનું અવસાન

P.R

ગુજરાતી ફિલ્મોના જાણીતા કોમેડી અભિનેતા રમેશ મહેતાનું આજે સવારે 8 વાગ્યે તેમના રાજકોટ સ્થિત નિવાસ્થાને અવસાન થયું છે. તેઓ 79 વર્ષના હતાં.

ગુજરાતી ફિલ્મોના જોની વોકર ગણાતા રમેશ મહેતાના 'ઓ હો હો હો' થી શરૂ થતા સંવાદો ટ્રેડમાર્ક સમાન બની ગયા હતાં. એક સમયે તેમની હાજરી વગર ગુજરાતી ફિલ્મો નિરસ લાગતી હતી.

ગુજરાતી ફિલ્મ ઈન્ડસ્ટ્રીના 75 વર્ષ પૂરા થયા તે સમયે યોજાયેલા એક કાર્યક્રમમાં તેમને પૂછવામાં આવ્યું કે ગુજરાતી ફિલ્મ જગતને 75 વર્ષ પૂરા થઈ ગયા છતાં બીજો રમેશ મહેતા હજી સુધી કેમ નથી મળ્યો, ત્યારે તેમણે પોતાના ખાસ અંદાજમાં કહ્યુ હતું કે, "અમુક માણસો ભગવાનની ફેક્ટરીમાંથી ડાયરેક્ટ નીચે આવતા હોય છે...હું એવો જ માણસ છું."

તેમના અવસાન વિશે વધુ વિગતો હજી સુધી મળી નથી.