'ધર્મ બદલશો તો નહી મળે અનામતનો લાભ', સુપ્રીમ કોર્ટનો મોટો નિર્ણય
સુપ્રીમ કોર્ટે જણાવ્યું છે કે હિન્દુ ધર્મમાં અનુસૂચિત જાતિ (SC) અથવા પછાત વર્ગનો વ્યક્તિ બીજા ધર્મમાં ધર્માંતરણ કર્યા પછી તે જ આધારે અનામતનો લાભ મેળવી શકતો નથી. કોર્ટના જણાવ્યા અનુસાર, હિન્દુ સામાજિક વ્યવસ્થામાં વ્યક્તિની સામાજિક પછાતતા બીજા ધર્મમાં ધર્માંતરણ કર્યા પછી તે ધર્મની સામાજિક વ્યવસ્થામાં આપમેળે સ્થાનાંતરિત થતી નથી.
કોર્ટે આ મામલે મદ્રાસ હાઈકોર્ટના નિર્ણયને સમર્થન આપ્યું હતું. હાઈકોર્ટે ઈસ્લામ ધર્માંતરણ કરનારા લોકોને અનામત આપવાના તમિલનાડુ સરકારના નિર્ણયને ઉલટાવી દીધો હતો.
તમિલનાડુ સરકાર માટે આંચકો
સુપ્રીમ કોર્ટે જણાવ્યું હતું કે ધર્માંતરણ પછી વ્યક્તિની સામાજિક પછાતતાને હિન્દુ સામાજિક વ્યવસ્થામાંથી બિન-હિન્દુ સામાજિક વ્યવસ્થામાં ટ્રાન્સફર કરી શકાતી નથી. કોર્ટે મદ્રાસ હાઈકોર્ટના આદેશને સમર્થન આપ્યું છે, જેમાં ધર્માંતરણ કરાયેલા મુસ્લિમોને અનામત આપવાના તમિલનાડુ સરકારના નિર્ણયને રદ કરવામાં આવ્યો હતો.
