Telangana Tunnel Collapse: પાણીથી કાદવ ધોવાઈ ગયો અને ટનલ તૂટી, તેલંગાણા ટનલ અકસ્માતની સંપૂર્ણ અપડેટ
Telangana Tunnel Collapse - શનિવારે સવારે સુરંગમાં 70 લોકો કામ કરી રહ્યા હતા. મોટાભાગના લોકો ટ્રેનની અંદરથી બહાર આવી ગયા હતા, પરંતુ ટનલનો છેલ્લો 200 મીટર પાણી અને કાદવથી ભરાઈ ગયો હતો. બચાવ કાર્યમાં અનેક સમસ્યાઓનો સામનો કરવો પડી રહ્યો છે. ટનલમાં ભારે મશીનરી લઈ જવી મુશ્કેલ બની રહી છે. બચાવ કાર્યકર્તાઓ 13 કિલોમીટર અંદર ગયા પરંતુ તેમને કોઈ તરફથી કોઈ જવાબ મળ્યો ન હતો. ત્યાં 2 કિલોમીટર પાણી ભરાયેલું છે, જેના કારણે મશીનો ત્યાં પહોંચી શકતા નથી.
શ્રીશૈલમ લેફ્ટ બેંક કેનાલ પ્રોજેક્ટ હેઠળ બનાવવામાં આવી રહેલી ટનલનો એક ભાગ શનિવારે તેલંગાણાના નાગરકુર્નૂલ જિલ્લામાં તૂટી પડ્યો હતો, જેમાં 8 લોકો ટનલની અંદર ફસાઈ ગયા હતા.
હાલ બચાવ કામગીરી ચાલી રહી છે. ભારતીય સેના, NDRF અને નિષ્ણાતોની મદદ લેવામાં આવી રહી છે. બચાવ કામગીરીમાં લાગેલા એક કાર્યકરએ જણાવ્યું કે ટનલ ઘૂંટણ સુધી કાદવમાં હોવાથી અંદર જવું શક્ય નથી. આપણે બીજો રસ્તો શોધવો પડશે.
